YEHEZKIEL 26:20 - KITTA' MATANGKASA'

²⁰ Nampa Kukiringko mange ri linona tau matea untu' asse're siagang tau battua ri jammang riolo dudu. Kubalang parekangko ammantang tuli ri anjo lino tau matea, ri tangnga-tangngana loro-loro satunggu-tunggua, asse're siagang tau matea. Jari tenamo nalanipammantangngi buttanu, siagang tenamo nanipasibilangko tau attallasaka.

YEHEZKIEL 26:20 ပူးပေါင်းရင်းမြစ်များ

PAMMUJI 27:13

Tappaka' angkana lakukasiaki kabajikanNa Batara lalang tallasakku ri anne linoa.

PAMMUJI 28:1

Pammujina Daud. O, Batara, makkioka' mae ri Katte, iKattemi Tumappatojengku, pilangngerimi pakkiokku. Punna tamakkana-kanayaKi' mae ri nakke, sanrapanga' tau naunga ri kali'bong kuburuka.

YESAYA 14:10

Akkio' ngasemmi ke'nanga ri ia, angkana, ‘He! Kamma-kamma anne sangkamma mako ikambe, lamma siagang tena kullenu!

YESAYA 14:9

Assua'-suara'mi lino tau matea anruppai kabattuanna anjo karaeng Babel. Ambangummi sikamma nyawa tau koasaya riolo ri lino, siagang nyawana sikamma karaenga riolo ambangung tommi battu ri empoang kala'biranna ke'nanga.

YESAYA 4:5

Nampa irateanna Bulu' Sion siagang sikamma tau niaka a'rappung anjoreng, laNapa'niaki Batara rammanga ri wattu allo, siagang umbu na pepe' a'rinra ri wattunna bangngi. KalenNa Allata'ala lalang koasaNa lalla'langi siagang lanjagai sikontu anjo kotaya.

YESAYA 59:10

Angngosalaki ikambe rapang tau buta; tangnga allo natatto'ro ikambe sangkamma ri lantanna bangngia; rapangi tau mate ikambe ri tangnga-tangngana tau attallasaka.

YEREMIA 33:9

Yerusalem la'jari karannuangKu siagang kalompoanna nyawaKu. Sikontu bansaya ri lino la'jari mallaki siagang annekkereki kammayatompa lappakalompoi ri Nakke, punna nalangngereki passala'na kabajikang Kugaukanga untu' pandudu'na Yerusalem, siagang kakalumanynyangngang Kupassareanga mae ri anjo kotaya.”

PIRAUNG 3:6

Nipassa' ammantang lalang ri sassang rapang tau mate ri jammang allaloa.

YEHEZKIEL 31:14

Kabusu'na anjo sikammaya kajariangi sollanna appakkaramula anne wattua, tenamo pole poko' kayu lattimbo kamma anjo tinggina; tenamo coppo' poko' kayu lanrapi' nai' ri rammanga manna pole nanggappa je'ne' allumpa-lumpa. Kabusu'na musti matei sangkamma rupatau biasaya, nampa asse're siagang sikamma tau naungamo ri linona tau matea.”

YEHEZKIEL 39:7

Mingka ri tangnga-tangngana tu Israel, laKupa'nyatai arengKu matangkasaka, siagang tenamo nalanira'massi arengKu. Jari naassemmi bansa-bansaya angkanaya iNakkemi Batara, iamintu Allata'ala matangkasaka ri Israel.”

AMOS 9:2

Manna pole annarrusu' ke'nanga antama ri linona tau matea laKukayao tonji ke'nanga. Manna pole nanai' ke'nanga ri langi', laKupanaungi ke'nanga battu rate.

YUNUS 2:2

“O Batara, lalang kasusaangku kukkio' mae ri Katte naKipialia'. Battu ri linona tau matea nakuppala' pannulung, Kipilangngeri siagang Kiparhatikang pappala' doangku.

YUNUS 2:6

Je'ne' tu'guruka narapiki bangkenna pa'monconganga, ri lino takkoncia pakke'bu'na sa'genna kala'busang jammang. Poso dudumi nyawaku lalang ri kalengku nampa angngu'rangia' siagang akkio' mae ri Katte. Nata'rapi'mo pappala' doangku mae ri Katte, antama' ri Balla' matangkasatTa. Nampa Kipanaika' battu lalang ri tamparanga, o Karaeng Allata'alaku!

ZAKHARIA 2:8

Inai-nai ampitabaiko lima, iami ampitabai lima ana' nikarimangngingKu.” Na Nasuroma' Batara Kaminang Koasaya ampabattui anne pasanga mae ri bansa-bansa le'baka angngellaki umma'Na, angkana,

PAMMILANGNGANG 16:30

Mingka punna nia' apa-apa Nagaukang Batara, ia tenayapa nale'ba' nulangngere' kajarianna lalang siapaya anne sallona, siagang punna tassungke buttaya untu' angnga'luki ke'nanga siagang sikontu barang-baranna ke'nanga, sa'genna antama' attallasa' ke'nanga antama' ri linona tau matea, nuassemmi angkanaya anjo taua angngewai mae ri Batara.”

PAMMILANGNGANG 16:33

Jari ta'jaloposo' attallasa'mi ke'nanga antama' ri linona tau matea siagang sikontu apa-apanna ke'nanga. Anjo butta ta'bage ruaya assiallemi ammotere' nampa lanynya'mo ke'nanga nia'lu' ri buttaya.

MATIUS 11:23

Kammayatompa ikau tau niaka ri Kapernaum! Gassingka nukana lanipakatinggiko nai' ri suruga? Tena! Passangalinna lanipelakko antama' ri naraka! Nasaba' ka'de' anjorengi ri kota Sodom le'ba' nigaukang anjo gau'-gau' appakalannasaka, mattantu nia' iji kota Sodom sa'genna kamma-kamma anne!

LUKAS 10:15

Na ikau tau niaka ri Kapernaum! Bara' nupikkiriki angkanaya laniangkakko nipakatinggi nai' ri suruga? Tena! Passangalinna lanipelakko antama' ri naraka!”

2 PETRUS 2:5

Kammayatompa lino jammang rioloa, tena todong nalata'lappasa' battu ri hukkunganNa Allata'ala. Appabattui a'ba lompo Allata'ala antama' ri linona tau ja'dalaka anjo wattua. Nuh bawang siagang tuju tau maraengannaya nipasalama', lanri napa'la'banna Nuh biritta katallassang nipangngellaia ri atinNa Allata'ala.