YEHEZKIEL 26:2 - KITTA' MATANGKASA'

² “He tau, a'rannu-rannui pandudu'na Tirus na nakana, ‘Ancuru'mi Yerusalem! Lanynya'mi kagassinganna lalang ri pa'dangganganga! Tenamo niagang a'bali lalang pa'danggangang!’ ”

YEHEZKIEL 26:2 ပူးပေါင်းရင်းမြစ်များ

2 SAMUEL 5:11

Karaeng Hiram battu ri pa'rasangang Tirus akkiringi wakkele' mae ri Daud. Kammayatompa kayu camara Libanon siagang tukang-tukang kayu na tukang-tukang batu untu' ambangung balla' kakaraengang.

PAMMUJI 35:21

Ammarrang-marrangi ke'nanga mae ri nakke angkana nacini'mi ke'nanga apa le'baka kugaukang.

PAMMUJI 40:15

Boli'mi kamma anjo tau eroka ambunoa' nibetai na lari a'lingu-lingu. Boli'mi kamma anjo tau anggoraiyai kacilakangku nitunrung ammunduru' na nihina.

PAMMUJI 40:16

Boli'mi kamma anjo tau angkakkalia' a'jari ta'bangka na siri'-siri'.

PAMMUJI 70:3

Boli'mi kamma anjo tau eroka ambunoa' nibetai nalari napakamma lingu. Boli'mi kamma anjo tau anggoraia' ri kacilakangku nitunrung ammunduru' siagang nihina.

PAMMUJI 83:7

bansa Edom, siagang Ismael, tu Moab siagang Hagar;

YESAYA 62:10

He pandudu'na Yerusalem, assulukko allalo ri pakke'bu' lompoa, pasadiai oloanga untu' sikamma tau ammotereka. Apparekko agang lompo, pabellai batu-batunna, paentengi sikamma banderaya untu' bansa-bansaya.

YEREMIA 27:3

Nasuro tonga' ampabattui pasanNa mae ri karaeng-karaeng Edom, Moab, Amon, Tirus siagang Sidon, tete ri sikamma tunasuroa ke'nanga ia niaka battu mange ri Yerusalem untu' angkunjungi Karaeng Zedekia.

YEREMIA 47:4

Narapi'mi wattunna bansa Filistin nipanraki kabusu', sa'genna tenamo nanggappa bantuang Tirus siagang Sidon. INakke, Batara, ampanraki kabusuki sikontu tu Filistin niaka tassesa battu ri Kreta.

YEREMIA 49:1

Iaminne kananNa Batara ri sesena Amon, angkana, “Angngapai nabuttana suku Gad niallei siagang nipammantangngi ri tau anynyombaya ri Rewata Milkom? Apaka tenamo tu Israel akkulle angngallei anjo daeraya?

PIRAUNG 1:1

Tamaka sinona Yerusalem anne kamma, kota suara' dudua riolo. Tamaka porena riolo ri alla'na bansa-bansaya, anne kamma rapammi janda. Riolo kontui kota kaminang nisomba, anne kamma nipa'jarimi ata.

YEHEZKIEL 25:10

LaKulappassangi suku-suku battu rayaya ri parang lompoa ambetai Moab siagang pa'rasangang Amon, sa'genna takkulleamo Moab a'jari se're bansa.

YEHEZKIEL 25:6

Nakana Batara Kaminang Tinggia, “Attempa limako siagang a'rannu-rannuko. Nupakatunai butta Israel.

YEHEZKIEL 25:8

Nakana Batara Kaminang Tinggia, “Napaui Moab angkanaya anjo Yehuda sangkammai siagang bansa-bansa maraenga.

YEHEZKIEL 26:1

Ri tanggala' se're bulang attantua lalang taung makasampulo asse're ri wattu nipela'na ikambe, a'bicarai Batara mae ri nakke, Nakana,

YEHEZKIEL 35:10

Nupaui angkanaya baji' Yehuda kammayatompa Israel siagang buttana massing ikau pata, siagang angkanaya lanupatangi manna pole naiNakke, Batara, Allata'alana ke'nanga.

YEHEZKIEL 36:2

‘Ri wattunna bansa-bansaya ri tammulilinu nabundukiko siagang naellakko, nahinai ke'nanga sikontu Israel. Rannui ke'nanga a'bicara angkanaya kamma-kamma anne anjo sikamma bulu'-bulu' battu riolo dudua iami ke'nanga pata. Lanri kammana anjo he moncong-monconga siagang bulu'-buluka, pangka-pangka binangaya siagang sikamma ka'bunga, he kota-kota ancurukamo a'jari rumbangngang siagang nibokoiamo ri tau ammantanna, kammayatompa niellaka siagang nicau-caua ri bansa-bansa niaka ri tammulilina, pilangngeri apa kananNa Batara Kaminang Tinggia mae ri kau: Lalang a'rerena larroKu Kucallai bansa-bansa niaka ri tammulilinu siagang kammaya Edom, lanri rannuna anghinako, na naalle passa buttaKu siagang narampasa' parang-parang ruku'na. Kamma-kamma anne larroA' siagang a'jalloKa' lanri anjo bansa-bansaya sanna' dudu nahinanu siagang napakatunako.

YO"EL 3:4

LanuapA' anne, he Tirus, Sidon siagang sikontu daera Filistin? Maka erokko a'balasa' mae ri Nakke? Jari, tarimami pa'balasakKu lintaka battu mae ri kau.

YOSUA 19:29

Battu anjoreng, a'lekkoi anjo garisi' pa'baeng-baenga mange ri Rama tulusu' sa'genna mange ri kota Tirus, iamintu se're kota nikallika siagang tembo'; nampa a'lekko pole anjo garisi' pa'baeng-baenga mange ri Hosa nampa kala'busang ri Tamparang Tangngaya. Antamaya ri anjo pa'baeng-baenga iamintu Mahalab, Akhzib,