YEHEZKIEL 26:16 - KITTA' MATANGKASA'

¹⁶ Nacini'na sarennu kammaya, sikamma karaeng battu ri bansa-bansa niaka ri biring tamparanga, nala'gasi juba kalompoanna siagang baju sulanna ke'nanga, nampa ammenteng battu ri empoang kakaraenganna, namange ammempo ri buttaya annekkere'. Teai sipato' malla'na ke'nanga sa'genna takkulleami sannang nyawana.

YEHEZKIEL 26:16 ပူးပေါင်းရင်းမြစ်များ

AYUB 8:22

Lasiri'-siriki siagang latunai nasa'ring tau birisika ri kau, na balla' tau ja'dalaka lanipanraki sa'genna ancuru'.”

PAMMUJI 109:18

Untu' ia anjo akkana tunraya nakanai panggaukang biasaji, sangkamma punna napake pakeanna. Boli'mi kamma anjo pattunraya a'la'bangi sanrapang je'ne' mae ri tubuna, sanrapang minynya' antama' ri buku-bukunna.

PAMMUJI 109:29

Boli'mi kamma tau antudua' nikalimbuki ri kahinaang, siagang siri'-siri' angkalimbuki ke'nanga sanrapang juba.

PAMMUJI 132:18

Tuli lasalewangangi kakaraenganna, mingka musu-musunna lanipakasiriki.”

PAMMUJI 35:26

Boli'mi kamma tau sannanga anciniki pa'risikku a'jari lingu siagang a'jari siri'-siri'. Boli'mi kamma tau napattampoanga kalenna mae ri nakke nihina siagang nipakasiri'.

KALAPPASSANG 15:15

Annekkere'mi tu baranina Moab, ca'dimi pa'mai'na tu Kanaan.

YESAYA 3:26

Ri sikamma pakke'bu' lompona kotaya lasusai taua lanri kamateangi siagang lappiraungi, nampa kalenna anjo kotaya lasanrapangi baine nisolarri, ammempo naung ri buttaya.

YESAYA 41:5

Pandudu'na pa'rasangang bellaya naciniki apa Kugaukanga. Ta'bangkai siagang annekkereki ke'nanga lanri malla', nampa a'rappungang na battu mae.

YESAYA 47:1

Nakana Batara, “He Babel, naungko battu ri empoang kala'birannu, siagang ammempo mako rate ri limbu'buka. Tenamo nulale siagang kanang-kanang kamma riolo.

YESAYA 52:2

Ambangungko battu ri limbu'buka, he Yerusalem, pa'be'beseki limbu'bu' niaka ri kalennu. He pandudu'na Sion nitahanga, la'gasi rante niaka ansikkoki kallonnu!

YEREMIA 48:39

Ancuru' taba sikalimi Moab! Teai sipato' siri'-siri'na Moab! Angngarruki lanri nipakatunai siagang nikakkali ri bansa-bansa niaka ri tammulilina. INakke, Batara, anne akkana.”

PIRAUNG 2:10

Sikontu tutoa-toana kotaya ammempo mami ri butta tamakkana-kana; nakiori limbu'bu' ulunna ke'nanga, nammake kaeng karung tanra susana. Manna sikamma tuloloa su'ju'mi naung sa'genna buttaya.

YEHEZKIEL 16:10

Nampa Kupipakeiko ro' nisulang, sapatu battu ri kukkulu' alusuka, passikko' ulu battu ri kaeng lenang siagang juba sa'be.

YEHEZKIEL 26:21

Kupa'jariko conto appakamalla', siagang iaminjo kala'busang riwaya'nu. Laniboyako ri taua mingka tena nalanigappako. INakke, Batara Kaminang Tinggia, anne akkana.”

YEHEZKIEL 28:17

Tanja'nu gammaraka angngerangko mae ri tampoa siagang anjo masahoro'nu a'jari saba' nuppanggaukang tolo. Lanri kammana anjo, Kupatappasakko naung ri buttaya siagang Kupa'jariko pappakainga' mae ri karaeng-karaeng maraenga.’ ”

YEHEZKIEL 31:15

Kammami anne kananNa Batara Kaminang Tinggia, “Punna naung anjo poko' kayua ri linona tau matea, laKusuroi je'ne' rawa buttaya angngammei salaku pammatei kasusaang. LaKutahangi passolonna je'ne' binangaya siagang laKujempangi sikamma pangka binangaya. Lanri matemi anjo poko' kayua, lappabattuMa' sassang mae ri sikamma Moncong Libanon siagang Kupa'jari kalumeng kabusuki poko'-poko' kayua ri romanga.

YEHEZKIEL 32:10

Tojeng, laKusoeangi pa'dangKu nampa Kubetako. Sikamma karaenga siagang bansa-bansaya lanaciniki anjo tindakangKu mae ri kau. Anjo wattua lannekkereki ke'nanga napakamma malla', siagang lanri malla'na mate.’ ”

YEHEZKIEL 7:27

Lappiraungi karaenga, tappu' panrannuangi ana' bura'nena karaenga siagang lannekkereki napakamma malla' ra'yaka. LaKuhukkungko situru' sikontu panggaukannu, kammayatompa Kuadeliko sangkamma batenu angngadeli parannu tau. Jari lanuassemmi angkanaya iNakke Batara.”

YEHEZKIEL 7:8

Tasalloami nanukasia' pangngalarroi lompoKu. LaKuadeliko situru' panggaukannu. LaKubalasaki mae ri kau sikontu panggaukang kodinu.

DANIEL 5:6

A'jari pi'lasa'mi rupanna siagang lanri malla'na nannekkere'mo kulantu'na.

HOSEA 11:10

Nakana Batara, “UmmakKu lamminawangi ri Nakke punna ammarrung sa'rangKu rapang singa siagang Kupannekkere' musunna ke'nanga. Lakkaro-karoi ummakKu nia' battu lau' untu' anynyomba ri Nakke.

YUNUS 3:6

Ri wattunna nalangngere' karaeng Niniwe anjo kabaraka, karo-karomi naung battu ri empoang kakaraenganna. Nala'gasa'mi juba kakaraenganna siagang ammakemi kaeng karung, nampa ammempo irate ri aua.

HAGAI 2:22

sikamma kakaraenganga laKurumbangi siagang Kuancuru' kakoasanna ke'nanga. Kareta-kareta bundu'na siagang paeranna laKuparateangi bangkenna; sikontu jaranga lamate kabusuki siagang pabaena lamassing sibuno-bunoi.

1 PETRUS 5:5

Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”

PAPPICINI' 18:9

Amminawang tongi karaeng-karaeng linoa ri panggaukang bawanna siagang hawa napasuna anjo bainea; jari lamminawang tommi ke'nanga angkarruki siagang ampiraungi anjo kotaya punna nacini' ke'nanga nai' umbunna pepe' ampamutungai.