YEHEZKIEL 25:4 - KITTA' MATANGKASA'

⁴ Lanri kammana anjo laKulappassangko nibeta ri suku-suku bansa battua ri parang rayangnganga. Lanabangungi ke'nanga kema-kemana ri pa'rasangannu nampa ammantang tuli anjoreng. Lanakanrei ke'nanga rappo-rappoannu siagang lanainungi ke'nanga dadi'na olo'-olo'nu.

YEHEZKIEL 25:4 ပူးပေါင်းရင်းမြစ်များ

PA'JARIANG 29:1

Napatulusu'mi jappana Yakub, a'lampa mange ri pa'rasangang bageang rayanganna Kanaan.

2 SAMUEL 12:26

Lalanna anjo wattua a'bundu' iji Yoab assiewa kota Raba, iamintu ibukotana Amon, siagang a'birimmi naalle anjo kotaya.

1 KARAENG-KARAENG 4:30

Ri sikamma pa'rasangang niaka bageang raya siagang ri Mesir tena tau cara'dekangngang naia.

YESAYA 1:7

Pa'rasangannu nipanrakimi; kota-kotanu la'busu'mi nitunu. Ri dallekang matannui nialle tampa'nu ri bansa maraeng siagang naancuru' ngaseng sikamma apa niaka.

YESAYA 41:2

Inai ampagioki tukoasaya battu raya, siagang tulusu' assarei pammetang? Inai assarei pakkulle untu' ambetai sikamma bansa-bansaya, siagang napatundu' sikamma karaenga? Pa'danna ampassimbungi ke'nanga rapang limbu'bu', panana ampatassiaraki ke'nanga rapang rarame nairikang anging.

PIRAUNG 1:14

Napasse're kabusuki dosaku nampa Nasikko' Napa'jari se're, na Nagentung ri kallongku sa'gengku a'jari lamma napakamma battala'na. Napassareanga' Batara mae ri musua; na tena kulleku angngewai ke'nanga.

YEHEZKIEL 25:10

LaKulappassangi suku-suku battu rayaya ri parang lompoa ambetai Moab siagang pa'rasangang Amon, sa'genna takkulleamo Moab a'jari se're bansa.

KAIMANGNGANG 26:16

laKuhukkungko. LappabattuA' bala mae ri kau, garring siagang rammusu' tenaya nakkulle niballei sa'gennu a'jari buta siagang ta'ronang-ronang tallasa'nu. La'lamung-lamungko mingka tena nanugappai wassele'na, nasaba' labattui musu-musunnu ambetako siagang ampaccappuki sikamma apa-apa nulamunga.

PAMMILANGNGANG 23:7

Nampa napaumo Bileam anne botoa angkana, “Battu ri Aram, ri moncong niaka iraya, nakioka' Balak, karaenna tu Moab, angkana, ‘Battuko mae, a'bicara untu' inakke. Tunrai anjo bansa Israel.’

PAOLE 28:33

Lanaalle ngasengi bansa maraeng sikontu wassele' nugappaya lanri anjama terasa'nu, nampa ikau tena apa-apa nugappa pantaranganna nijallakkanga situlusu'na siagang panggaukang nikapallakkia.

PAOLE 28:51

Lanapaccappuki ke'nanga olo'-olo' piaranu siagang kattoannu. Battu ri gandung, je'ne' anggoro', minynya' zaitun, sapi, bembe, sa'genna gimbala'nu tena manna sike'de' lanabolikangko, sa'gennu mate naalle cipuru'.

HAKING-HAKING 6:33

Anjo wattua asse're ngasemmi sikontu tu Midian, Amalek siagang suku-suku maraenganga ri parang kassi' timboranna Binanga Yordan. A'limbangi ke'nanga ri Binanga Yordan, nampa appare' kema ri Lappara'na Yizreel.

HAKING-HAKING 7:12

Anjo tu Midian, Amalek siagang tu battua ri parang kassika, tassia'-siaraki ri kere-kere mae anjoreng ri lapparaka. Sangkammai nicini' katimbang a'rappunganga. Unta-untana ke'nanga sanna' jaina sanrapang kassi' ri biring tamparang.

HAKING-HAKING 8:10

Lalanna anjo wattua nia'mi Zebah siagang Salmuna kammayatompa sikontu tantarana ri Karkor. Sikontuna anjo tantarana tu parang kassika nia' mamo 15.000 tassesa. Nia'mo 12.000 tantarana mate.