YEHEZKIEL 24:6 - KITTA' MATANGKASA'

⁶ Nakana Batara Kaminang Tinggia, “Cilakai anjo kota rassia siagang pabuno-buno! Anjo kotaya rapangi uring taiang tenaya nale'ba' nikeso'. Dageng niaka ilalanna nipasulu' tassikere'-kereki, sa'genna manna sikere' tania' ammantang tassesa.

YEHEZKIEL 24:6 ပူးပေါင်းရင်းမြစ်များ

2 SAMUEL 8:2

Nabeta tommi Daud tu Moab. Nasuroi ke'nanga attinro ri buttaya, nampa nabuno ta'rua lalang tattallua tau. Jari, tundu'mi tu Moab mae ri Daud siagang a'bayara'mi passare ke'nanga mae ri ia.

2 KARAENG-KARAENG 21:16

Pantaranganna a'gau' dosana tu Yehuda mae ri Batara lanri anynyombana barhala, Manasye sanna' todong jaina tau tena salana nabuno sa'genna tassolommo ceraka ri kere-keremae ri Yerusalem.

2 KARAENG-KARAENG 24:3

Anjo kajariang kammaya memang musti kajariangi, lanri le'ba'mi Napau riolo Batara angkanaya lanipelaki bansa Yehuda battu ri pa'rasangang le'baka Napassareang Batara mae ri ke'nanga. Nipelaki ke'nanga lanri sikontu dosa nagaukanga Karaeng Manasye;

2 KARAENG-KARAENG 24:4

la'biangampa lanri sikontu pammunoang nagaukanga mae ri sikamma tau tenaya nasala. Tena Naero' Batara ampamopporangi Manasye lanri anjo panggaukang-panggaukang kammana.

YEREMIA 2:22

Manna pole nu'je'ne' siagang ammake sabung sijaiang, mingka sikamma ra'masa'nu Kucini' tongiji.

YEREMIA 6:29

Sanna'mi bambanna pappasolonganga, mingka taerokapi a'lesang ra'masa'na siagang tappela' ra'masa'na anjo bulaenga. Tena matu-matunna ummakKu tuli niso'ri untu' nipakati'no', lanri sikamma tau ja'dala'na tena napabellai.

YEHEZKIEL 11:11

Jari, tena nulaamang lalang ri anne kotaya; tena nulasangkamma dageng niaka lalang ri uringa. LaKuondangko siagang laKuhukkungko manna pole kemaeko ammantang ri pa'rasangang Israel.

YEHEZKIEL 11:3

Lanri kammana anjo pabattui pasangKu ri passala'na hukkunganga mae ri ke'nanga, he tau. Nasaba' nakana ke'nanga, ‘Tasalloami nanibangungi ammotere' anne sikamma ballaka. Anne kotaya iamintu uring naikatte anne dageng a'jari bonena. Laamangki' lalang battu ri pepe' a'jalloka lanri nila'langngiki' ri anne uringa.’ ”

YEHEZKIEL 22:12

Nia' todong a'jari pabuno nigaji, nangaia ampaccoki julu bansana. Kabusu'na ke'nanga nakaluppaiMa'. INakke, Batara Kaminang Tinggia, anne akkana.

YEHEZKIEL 22:2

“He tau, sadia mako untu' angngadeli anjo kota rassia pabuno? Picinikiangi sikontu panggaukanna appakaringika.”

YEHEZKIEL 22:27

Sikamma pagawe-pagawe pamarentana rapangi serigala angkae-kaei apa nakokkoka. Nagaukangi ke'nanga ammunoa lanri poro ero'na anggappa passawallang.

YEHEZKIEL 22:3

Nasuroa' Batara Kaminang Tinggia ampabattui anne pasanNa mae ri Yerusalem, angkana, “Ikau salako lanri le'bakko ammuno jai tau battu ri pandudu'nu tonji, siagang nura'massi kalennu lanri anynyombako mae ri barhala-barhala nupareka kalennu. Lanri kammana anjo a'reppese'mi wattunnu laniadeli siagang lanarapi'mi kala'busang riwaya'nu. LaKubalang parekangko nicau-cau siagang nikakkali ri bansa-bansaya siagang ri sikontu pa'rasanganga.

YEHEZKIEL 24:3

INakke, Batara, nia' se're pangngebarangKu untu' lanipabattu mae ri ummakKu nangaia angngewa: Tiriki je'neka antama ri pancia nampa padongkoki irate ri pepeka.

YEHEZKIEL 24:9

Nakana Batara Kaminang tinggia, “Cilakai anjo kota rassia siagang pabuno-buno! KalengKu lappa'gompo kayu untu' antunui.

YO"EL 3:3

Nagoccangi ke'nanga untu' ampattantui angkanaya inai anggappai tunitahanga. Nabalukangi ke'nanga tuloloa siagang turungkaya untu' nipa'jari ata. Nampa doe'na napakei ke'nanga assundala' siagang untu' angnginung anggoro'.

OBAJA 1:11

Ammenteng bellako, ri allo battuna musua allappoi pakke'bu'na Yerusalem siagang nabeta anjo kotaya. Tena apa-apa nukana ri wattunna naengka' ngaseng ke'nanga kakalumanynyangnganna Yerusalem na nabage-bage ri ke'nanga. Sangkamma jako ja'dala'nu siagang anjo musua.

YUNUS 1:7

Wattunna nai'mo Yunus siagang anjo juraganga, massing nakanamo para ia anjo ana'-ana' kappalaka, “Umba nanigoccangi arenga sollanna naniassengi angkana inai sala sa'genta nituju ri anne balaya!” Nagoccammi arenna ke'nanga, na arennamo Yunus nai'.

MIKHA 7:2

Tau lambusuka lanynya'mi battu ri pa'rasanganga, tau majarreka tappa'na mae ri Allata'ala tenamo nibuntulu'. Tunggala' taua massing attayangi kasampatang untu' ammuno. Massing attannangi sikko' untu' paranna tau.

NAHUM 3:1

Cilakai anne kota rassia balle-balle siagang pammunoang; rassia barang-barang nirampasa' yareka nialle passa.

NAHUM 3:10

Mingka manna nakamma, nijakkala' tonji pandudu'na Tebe na niengka' mange ri pammelakkanga. Ri sikontu panyingkulu' aganga, niba'ji-ba'ji ana'-ana'na sa'genna mate. Sikamma tumalompona nirantei siagang rante siagang nibage-bagei ri tu antahangai.

MATIUS 23:35

Jari lanihukkung ngasengko sallang, lanri nubunona tau tenaya salana: Appakkaramula ri nibunona Habel tenaya salana, sa'genna nubunona Zakharia ana'na Berekia lalang ri alla'na Balla'Na Batara siagang tampa' pakkoro'bangnganga.

PAOLE 23:13

Punna mange anjoreng, angngerangko pakkakasa' siagang se're pakkeke untu' angngeke kali'bong tampa' pa'jambangang, siagang untu' antambungi ammotere'.

YOSUA 10:22

Le'baki anjo nakanamo Yosua, “Kamma-kamma anne sungkemi anjo bawana kali'bong batua nampa erangi mae anrinni anjo limaya karaeng.”

PAPPICINI' 17:6

Nampa nasa'ring kucini' anjo bainea napakamma cera'na Umma'Na Allata'ala siagang cera'na tau nibunoa lanri tamamminrana mae ri Isa. Teai sipato' lannasakku ri wattunna kucini' anjo bainea.

PAPPICINI' 18:24

Nihukkungi Babel, lanri nia'na nigappa lalang ri anjo kotaya iamintu cera'na na'bi-na'bia, cera'na Umma'Na Allata'ala; bodona kana, cera'na sikontu tau le'baka nibuno ri linoa.