YEHEZKIEL 24:17 - KITTA' MATANGKASA'

¹⁷ Gassingka kalangngerangi anjo karru'nu. Teako a'jappai natena nummake soro'bang, yareka tena nummake pa'lapa' bangkeng, kamma tau kamateanga. Tea tongko bongongi rupannu, siagang teako angnganrei roti nikanrea ri wattu kamateang.”

YEHEZKIEL 24:17 ပူးပေါင်းရင်းမြစ်များ

2 SAMUEL 15:30

Le'baki anjo nasungkemi sapatuna Daud. Angngambi'mi nai' ri Bonto Zaitun siagang sikontu tumminawanna, angngarru' nabongong ulunna pammatei kasusaanna.

PAMMUJI 37:7

Pakasannangi pa'mai'nu antayangi Batara, sa'barakko antayangi sa'genna angngalle tindakang. Teako lussakki lanri baji'na nucini' tallasa'na taua, yareka tau anggaukangai balle-ballea.

PAMMUJI 39:9

Kilappassang laloa' battu ri sikontu dosaku, TeaKi' balang parekangia' nicau-cau ri tau dongoka.

PAMMUJI 46:10

Napammari pa'bundukanga ri sikontu linoa, anrong panaya siagang pokea Naancuruki, pa'lapa' a'bundalaka untu' batangkalea Natunui.

YESAYA 20:2

Tallun taung allaloa, Nisuroi Yesaya ana'na Amos ri Batara sollanna napasulu' pa'lapa' bangkenna siagang kaeng karung niaka napake. Mannurukimi nampa a'jappa assolara' siagang tena nammake pa'lapa' bangkeng.

YEREMIA 13:18

Nakana Batara ri nakke, “Suroi karaenga siagang amma'na naung battu ri empoang kakaraenganna, nasaba' anjo songko' karaeng ga'gana tu'guru'mi battu ri ulunna.

YEHEZKIEL 24:18

Ri bari'basa'na a'bicara' mae ri anjo bansaya, na bangngina ammoterammi tubai'-baineku. Ammukona kugaukammi apa niparentakanga mae ri nakke.

YEHEZKIEL 44:18

Sollanna tena nabussang yareka assongo' ke'nanga, musti ammakei saluara' lenang na tena nammake passikko' aya', siagang passikko' ulu battu ri kaeng lenang.

HOSEA 9:4

Ri sikamma anjo pa'rasanganga tena nulakkulle assare anggoro' siagang koro'bang olo'-olo' untu' ampakasannangi atinNa Batara. Anjo kanrenu lanapa'jari ra'masa' kabusuki sikamma tau angkanreai, sangkamma kanre nikanrea ri wattunna upacara nitarawanna tau matea. Anjo kanrea poro battannuji bawang angkasiaki matu-matunna; manna sike'de' tena nalanierangi mae ri Balla'Na Batara untu' a'jari passare anjoreng.

KAIMANGNGANG 10:6

Nampa nakana Musa mae ri Harun siagang sikamma ana'na maraenga, iamintu Eleazar siagang Itamar, “Teako lappassangngi akkara'ngasa' uu'nu siagang teako kekkeki pakeannu lanri ero'na nupappicinikang angkanaya si'nako lanri kamateangko. Punna kamma anjo nugaukang, lamateko, siagang sikontu umma' Israel lanikalarroi ri Batara. Mingka sikontu umma' Israel maraenga akkulle si'na lanri anjo tau ruaya mate nakanrei pepe'Na Batara.

KAIMANGNGANG 13:45

Se'rea tau garring sala musti ammakei pakeang kekke'-kekke' nampa nalappassang takkakkasa' uu'na. Musti natongkoki bageang rawana rupanna nampa ammarrang angkana, “Ra'masa'! Ra'masa'!”

KAIMANGNGANG 21:10

Imang Lompoa le'ba'mi nilanti' ri wattu nitirikinna minynya' upacara ulunna siagang nipatabana pakeang imang lompoa ri kalenna. Lanri kammana anjo takkulleai nabalang parekang a'jari rotto' uu'na yareka nakekkeki pakeanna lanri natujuna kasusaang kamateang.

AMOS 8:3

Ri anjo alloa sikamma kelong-kelonga ri balla' karaenga la'jari karruki. Kemae-kemae attambung mayaka, le'baka nipela' cokko-cokko.”

MIKHA 3:7

Tau ambotoai allo labattua la'jari siri'-siriki lanri tena nakontutojeng botona. Lasiri'-siri' kabusuki ke'nanga lanri tena naNipiali ke'nanga ri Allata'ala.

HABAKUK 2:20

Niaki Batara lalang ri Balla'Na matangkasaka; siratangi sikontu taua ri tompo'na buttaya a'mereki ri dallekanNa.

MATIUS 9:23

Le'baki anjo anrapi'mi Isa ri balla'na anjo pamimping balla' sambayanga. Nia'mo nacini' tau assuling-suling kamateyang, kammayatompa jaimi sa'ra gegere' nalangngere'.