YEHEZKIEL 24:16 - KITTA' MATANGKASA'

¹⁶ “He tau, ti'ring laKualle silalonnai tau kaminang nukamaseanga. Mingka takkulleako appiraung siagang angngarru', yareka nulappassang assolong je'ne' matannu.

YEHEZKIEL 24:16 ပူးပေါင်းရင်းမြစ်များ

AYUB 36:18

Tutuko, teako erokki nitipu ri doe' pammuccu'; teako ero' nipa'lingu lanri kakalumanynyangngang.

PANGNGEBARANG 5:19

iamintu tulolo sannaka ga'gana siagang laccirika sanrapang kijang. Boli'mi kamma kaga'gang tubuna tuli ampongoriko siagang nabengoko pangngainna.

KELONG MALA'BIRI' 7:10

Inakke napatanga' tanringku, eroki ri nakke.

YEREMIA 13:17

Punna kuttu nyawanu mappilangngeri, la'mere'-merekia' angngarru'. Pacce pa'maikku angkarruki anjo katampoannu. Lammattiki je'ne' matangku lanri niengka'na umma'Na Batara salaku tunitahang.

YEREMIA 16:5

Teako a'lampai mae ri balla'na tau natabaya susa, Yeremia. Teako susai lanri manna pole inai. Tenamo nalaKubarakkaki pole ummakKu siagang kasalewangang, kammayatompa tenamo nalaKupappicinikang pangngaiKu siagang pangngamaseangKu mae ri ke'nanga.

YEREMIA 22:10

Ikau tu Yehuda, teako susai pa'mai'nu lanri kamateanna Karaeng Yosia. Karrukimi Yoahas ana' bura'nena nasaba' nierammi a'lampa na talammotera. Talanacinikami pole butta passolongang cera'na.

YEREMIA 22:18

Lanri kammana anjo, ri sesena Yoyakim karaeng Yehuda, ana' bura'nena Yosia, kammaminne kananNa Batara, “Kamateanna tena nalanikarruki; tena tau lakkana, ‘Kodong, agangku, kodong.’ Tena tau lasusa yareka ammarrang angkana, ‘Kodong karaeng!’

YEREMIA 9:1

Tamaka baji'na ka'de' ulungku rapangi bungung rassia je'ne', na matangku rapangi salu' je'ne' tulusu' assolonga je'ne'na! Nakuakkulle angngarru' allo bangngi, angkarruki julu bansaku nibuno ri musu.

YEREMIA 9:18

Nakana tu Yehuda, “Suroi ke'nanga akkelong linta' kelong-kelong susaya untu' ikatte ngaseng, sollanna assolong-solong je'ne' matanta ambasai pilisitta.”

PIRAUNG 2:18

He tembo'-tembo'na Yerusalem, akkiokko mae ri Batara! Pamatti'mi je'ne matannu rapang binanga assolonga je'nena allo bangngi. Angngarru' tulusukko, teako ammari sa'genna mangngang nusa'ring!

YEHEZKIEL 24:15

Nakana Batara ri nakke,

YEHEZKIEL 24:18

Ri bari'basa'na a'bicara' mae ri anjo bansaya, na bangngina ammoterammi tubai'-baineku. Ammukona kugaukammi apa niparentakanga mae ri nakke.

KAIMANGNGANG 21:4

Takkulleai nara'massi kalenna lanri nahaderina upacara panguburang bijanna bainenna.

1 TESALONIKA 4:13

Sikamma sari'battangku; kikellaiko sollanna nuasseng antekamma sitojenna ri passala'na tau mateamo; sollanna tena nasi'na pa'mai'nu sangkamma tau maraenga, tenaya panrannuanna.