YEHEZKIEL 22:26 - KITTA' MATANGKASA'

²⁶ Sikamma imanna tu Israel nadakkai hukkung-hukkungKu siagang nara'massi apa-apa le'baka nisa'la' untu' iNakke. Tena napasimmaraengi ke'nanga angkanaya kereanga hallala' siagang kereanga harang. Tena todong naajaraki ke'nanga ra'yaka untu' ampasimmaraengi angkanaya kereanga tangkasa' siagang ra'masa' manuru' paratorang agamaya. Tena najampangi ke'nanga allo Pammari-marianga. Lanri kammanami anjo nanahinaMa' bansa Israel.

YEHEZKIEL 22:26 ပူးပေါင်းရင်းမြစ်များ

2 PATTOTTORANG 36:14

Pantaranganna anjo, Balla'Na Batara le'baka Natangkasi Batara untu' KalenNa, nira'massi ri pamimping-pamimpinna tu Yehuda, imang-imanga, siagang ra'yaka, lanri amminawang turu'na todong ke'nanga anynyomba barhala siagang naturuki panggaukanna bansa-bansa dorakaya ri tammulilina ke'nanga.

YEREMIA 15:19

Appiali Batara angkana, “Punna ammoterekko, laKutarimako. La'jariko ammotere' atangKu. Punna nukabarrangi apa a'matu-matua siagang teai bicara tena bonena, akkulleko ammotere' a'jari na'biKu. Labattui pole taua mae ri kau, siagang tenamo nuparallu mae ri ke'nanga.

YEREMIA 2:8

Sikamma imanga tamakkuta'nangngai angkana kemaeA', Batarana. Sikamma tau appaentenga hukkung tanaassengA', sikamma pamarentaya nabaliangA'. Lalang arenna Rewata Baal na'bicara sikkamma na'bia, siagang anynyomba ri barhala tenaya matu-matunna.”

PIRAUNG 4:13

Mingka kajariang tojemmi anjo kammaya, lanri dosana sikamma imanga siagang na'bia. Le'baki napasolong cera'na tau tenaya salana.

YEHEZKIEL 22:8

Tampa'-tampa' ibadaya mae ri Nakke nura'massi siagang tena nanujampangi allo Pammari-marianga.

YEHEZKIEL 23:38

Nampa tena naanjo bawang. Nara'massi tongi ke'nanga BallakKu siagang allo Pammari-marianga, le'baka Kupattantu.

YEHEZKIEL 36:20

Manna kemae lampana ke'nanga, tuli nara'massinna arengKu matangkasaka. Nasaba' akkanai taua kamma anne, ‘Anne bansaya umma'Na Allata'ala, mingka musti nabokoi butta Napassareanga Allata'ala mae ri ke'nanga.’

YEHEZKIEL 42:20

Jari, tampa' antamaya ri daerana Balla'Na Batara, iamintu appa' pasagi, 250 metere' ri tunggala' sa'rinna. Anjo tampaka nikulilingi ri se'reang tembo' untu' ansimbangi daera nisa'laka untu' Batara battu ri daerana tau jaia.

YEHEZKIEL 44:10

Nakana Batara ri nakke, “LaKuhukkungi tu Lewi siagang tu Israel maraengannaya, lanri nabokoiA' siagang anynyombai ri barhala.

YEHEZKIEL 44:23

Sikamma imanga musti naajaraki ummakKu untu' angngassengi angkanaya kereanga nisa'la' untu' iNakke siagang kereanga tena, kereanga matangkasa' situru' agamaya siagang kereanga ra'masa'.

YEHEZKIEL 44:24

Punna nia' passisala-salang lanri parkara hukkung, musti napakabajiki ke'nanga situru' hukkung-hukkungKu. Musti napakalompoi ke'nanga allo lompo agamaya, situru' atorang-atorangKu siagang hukkung-hukkungKu, kammayatompa napakalompoi allo Pammari-marianga salaku allo nisa'laka untu' iNakke.

YEHEZKIEL 7:26

Balaya siagang kabara' kodia tenammarina tulusu' labattu. Nupalaki mae ri na'binu sollanna akkulle ke'nanga antappui lalang paccini'na ke'nanga, mingka tena todong nakkulle ke'nanga. Kammayatompa sikamma imanga tenamo apa-apa lakkulle napangngajarrang mae ri ummaka, siagang sikamma pamimpinga kala'busammi ri kana-kana untu' pappakainga'.

KAIMANGNGANG 10:10

Musti akkullei nubatei angkanaya kereanga nisa'la' untu' Allata'ala siagang kereanga tena nisa'laki, kereanga ra'masa' siagang kereanga tena nara'masa'.

KAIMANGNGANG 11:47

Musti nuassengi nubatei angkanaya kereanga ra'masa' siagang tangkasa', kereanga olo'-olo' akkullea nikanre siagang olo'-olo' tenaya nakkulle nikanre.

KAIMANGNGANG 13:43

Musti naparessai imanga anjo taua; na punna memang nia' akkambussulu' kamma kebo'-kebo' eja tanja'na,

KAIMANGNGANG 20:25

Lanri kammana anjo musti nuasseng bajiki nubatei angkanaya kereanga olo'-olo' haranga siagang tenaya naharang. Teako angnganrei olo'-olo' harang. Anjo olo'-olo' kammaya le'ba'mi Kupattantu angkanaya harangi, jari punna nukanrei ikau kalennu a'jari ra'masa'.

MALEAKHI 2:7

Memang kawajibanna sikamma imanga untu' ampangngajarrangi apa tojenga ri passala'na inakke, Karaeng Allata'ala Kaminang Tinggia. Iami ke'nanga musti napakkuta'nangngi ra'yaka apa kukaerokia, lanri anjo ke'nanga tunisuroKu.

MALEAKHI 2:8

Mingka kamma-kamma anne, ikau ngaseng, sikamma imanga, ammengkamako battu ri oloang tojenga. Jai tau anggaukangi salaya lanri ajarang-ajarannu. Nupanrakimi parjanjiang Kupareka siagang ikau ngaseng.

ROMA 2:24

Nia' tattulisi' lalang ri Kittaka, angkanaya, “Passabakkang ikau tu Yahudia, nanira'ma'-ra'massimo arenNa Allata'ala ri tangnga-tangngana bansa-bansa maraenga.”

1 SAMUEL 2:22

Eli sanna' dudumi toana. Tena ammarina allangngere' tau a'jamma' battu ri panggaukanna ana'-ana'na mae ri tu Israel. Naasseng tongi Eli angkanaya anjo ana'-ana'na sikatinroangi siagang sikamma bai'-baine tugasaka ri dallekanna pakke'bu' Kema KahaderanNa Batara.

1 SAMUEL 2:29

Jari angngapa nungngoa ija anciniki koro'bang-koro'bang napassareanga bansaKu mae ri Nakke situru' Kuparentakanga? Angngapako Eli, nala'bi nupakala'biri' ana'-ana'nu kala iNakke, siagang angngapa nanubalang parekang ke'nanga ampakaco'moki kalenna battu ri bageang kaminang bajika ri sikontu apa napassareanga bansaKu mae ri Nakke?