YEHEZKIEL 22:19 - KITTA' MATANGKASA'

^19-20 Jari kamma-kamma anne, iNakke, Batara Kaminang Tinggia, ampaui mae ri ke'nanga angkanaya anjo ke'nanga rapangi anjo bassi tenaya matu-matunna. Sangkamma lisere' pera', tambaga, bassi, tima le'leng siagang tima kebo' nipantama ri pattunuanga untu' nipakati'no', kammatommi anjo laKupasse'rei ke'nanga siagang Kuerangi mange ri Yerusalem. Pangngalarroi lompoKu lampassolongi ke'nanga rapang pepe' ampassolongi lisere'-lisere' bassia.

YEHEZKIEL 22:19 ပူးပေါင်းရင်းမြစ်များ

PAMMUJI 119:119

Sikontu tau ja'dalaka Kipasinrapangi loro, lanri kammana nakungai sikamma paratoranTa.

YESAYA 1:25

LangngalleA' tindakang mae ri kau. Rapang tau lannangkasia pera' yareka bulaeng, kammaminjo laKutangkasi tongko; sikontu apa ra'masaka laKupabellai battu ri kau.

YEHEZKIEL 11:7

Lanri kammana anjo, iNakke, Batara Kaminang Tinggia, Kukana ri kau: Memang, anne kotaya sanrapangi uring, mingka dageng niaka lalang teai ikau, passangalinna maya'na sikamma tau le'baka nubuno! Nampa ikau laKubongkako assulu' battu ri anne kotaya!

YEHEZKIEL 22:18

“He tau, anjo tu Israel tena matu-matunna mae ri Nakke. Rapangi ke'nanga tai bassi campurang, rapang tambaga, tima, bassi siagang tima le'leng tassesaya ri wattu le'ba'na nipakati'no' peraka lalang ri pepeka.

MIKHA 4:12

Mingka tanaassengai anjo bansa-bansaya angkanaya apa Narancanakang Batara. Tanaassengai kalenna ke'nanga angkanaya nipakkumpuluki ke'nanga untu' nihukkung, rapang gandung nipasse'rea untu' nipatunrung.

MATIUS 13:30

Lappassammi attimbo todong anjo reaya sa'genna narapi' wattu pakkattoanga. Lakusuroi sallang pakattoa angkana: Passe'rei rolong anjo reaya siagang sikko' ngasengi nampa nitunu pepe'. Le'baki anjo passe'remi anjo asea, nampa nuboli' lalang ri pammantanganna.’ ”