YEHEZKIEL 22:13 - KITTA' MATANGKASA'

¹³ Mingka kamma-kamma anne laKudengkai sikamma paellaka siagang pabuno taunu.

YEHEZKIEL 22:13 ပူးပေါင်းရင်းမြစ်များ

PANGNGEBARANG 28:8

Inai a'jari kalumanynyang lanri appamanaki doe' siagang angngalle passawallang ta'liwa'-liwa', latu'guruki anjo barang-baranna mae ri tau mangngamaseanga ri tu kasi-asia.

YESAYA 33:15

Akkulleko attahang punna akkanako nupanggaukang baji'. Teako a'boyai passawallang lanri nupacco'na tau kasi-asia, siagang teako annarimai doe' pammuccu'. Teako katuru'-turukangngi ri tau a'rancanaya pammunoang yareka kaja'dallang maraengannaya.

YEHEZKIEL 21:14

Jari he tau, a'boto mako. Tempai limannu, salaku pammatei mae ri anjo pa'danga untu' appakkaramula ammuno. Anjo pa'danga sanna' appakamalla'-malla'na.

YEHEZKIEL 21:17

INakke lattempa lima tonga', nampa naung larroKu. INakke, Batara, anne akkana.”

YEHEZKIEL 21:19

“He tau, a'gambarakko rua oloang akkullea naolo karaeng Babel angngerangi pa'danna. Anjo ruaya oloang musti appakkaramulai cappa'na ri se're pa'rasangang; oloang se'rea a'lampa mangei ri Raba, kota Amon; anjo se'reanga pole a'lampa mangei ri Yerusalem, kota niaka pattahanganna ri Yehuda. Patabai papang pammatei oloang ri tampa'na appakkaramula appengka anjo oloanga.

YEHEZKIEL 22:27

Sikamma pagawe-pagawe pamarentana rapangi serigala angkae-kaei apa nakokkoka. Nagaukangi ke'nanga ammunoa lanri poro ero'na anggappa passawallang.

YEHEZKIEL 33:31

Battui ke'nanga a'gapullung siagang salaku ummakKu ammempoi ke'nanga ampilangngeri kana-kanannu, mingka anjo apa nuparentakanga tena naturuki ke'nanga. Muncenna ke'nanga appasuluki kana-kana mangngai mingka atinna ke'nanga sangnging passawallanji nanawa-nawa.

AMOS 3:10

Nakana Batara, “Sikamma anjo taua nabonei balla'-balla' karaenna ke'nanga siagang barang-barang nagappaya battu ri gau' ammacco' siagang gau' palla'. Ba'lalo tena sikali nangngasseng ke'nanga anggaukangi gau' lambusuka.

PAMMILANGNGANG 24:10

Larromi Balak siagang natannammi panja'guru'na nampa nakana mae ri Bileam, “Ikau kukiokko untu' antunrai musu-musungku, mingka ikau ba'lalo a'giling nubarakkakiji ke'nanga sa'genna pintallung.

1 TESALONIKA 4:6

Ri anne passalaka, tea' laloko niakki appanggaukang sala yareka annipu mae ri sari'battanna. Pirangalloang le'ba'mi napau sitojeng-tojenna ikambe mae ri kau ngaseng angkanaya laNahukkungi Batara sikontu tau anggaukangai kasalang kammaya anjo.