YEHEZKIEL 21:7 - KITTA' MATANGKASA'

⁷ Punna akkuta'nang ke'nanga angkana angngapa nukkunrareng, paumi angkanaya si'nai pa'mai'nu lanri kabara' laniaka battu. Anjo kabaraka lanapannekkereki nyawana ke'nanga, lammai limanna ke'nanga, annekkereki kulantu'na siagang tappelaki sumanga'na. Tojeng, narapi'mi wattunna, na kabusu'na anjo lakajariang ngasemmi. INakke, Batara Kaminang Tinggia anne akkana.”

YEHEZKIEL 21:7 ပူးပေါင်းရင်းမြစ်များ

2 SAMUEL 17:10

Jari manna pole tau kaminang barania siagang kaminang porea rapang singa la'jari malla' kabusu'mi. Nasaba' sikontu tu Israel naassengi angkanaya anjo manggeta sitau pahlawang, siagang anjo ana' buana sangnging pajuang gammara' na barani.

2 KARAENG-KARAENG 21:12

Lanri kammana anjo, Karaeng Allata'ala nisombaya ri tu Israel, lappabattui bala sannaka lompona mae ri Yerusalem siagang tu Yehuda sa'genna sikamma tau allangngerekai anjo apa kajarianga lata'bangka kabusuki.

PAMMUJI 58:7

O, Allata'ala, Kitepo' laloi gigi-giginna ke'nanga, Kibi'bu' laloi gigi ri dallekanna anjo singa rungkaya, o, Batara.

KALAPPASSANG 15:15

Annekkere'mi tu baranina Moab, ca'dimi pa'mai'na tu Kanaan.

YESAYA 13:7

Tunggala' taua lanakasiaki mate limanna siagang tappela' kabaranianna.

YESAYA 28:19

Lanitujuko ri kacilakang situlusu'na, siagang musti nutanggong ngasengi anjo kammaya allo-allo, bari'basa', tangngaallo siagang bangngi. Lannekkerekko napakamma malla' punna nupahangi pappasanNa Allata'ala.

YESAYA 35:3

Pakajarreki limanna tau lammaya, kassaki kulantu' ta'lenggaya.

YESAYA 7:2

Nalangngere'na karaeng Yehuda angkanaya antamami pasukang Siria a'jari agang ri daerana Israel, a'jari sanna'mi malla'na siagang bansana, sa'genna annekkere' rapang poko' kayu nige'gosoka ri anging.

YEREMIA 26:12

Nampa kukanamo, “Batara assuroa' ampabattui pasang ambaliangi Balla'Na Batara siagang anne kotaya sangkamma le'baka ngaseng nulangngere'.

YEREMIA 49:23

Iaminne kananNa Batara ri sesena Damsyik. “Pandudu'na kota Hamat siagang Arpad ranggaselai siagang lussaki lanri allangngereki kabara' kodi. Lussaki siagang ta'ronang-ronangi atinna ke'nanga rapang bombang ri tamparanga.

YEREMIA 50:43

Nalangngere'na anjo kabaraka, lammami nasa'ring karaeng Babel. Nibattuimi ri malla', siagang pa'risi'mi nasa'ring kamma baine eroka ammana'.

YEREMIA 8:18

Rapangi nie'ba' atingku na pacce, susa tena balleanna.

PIRAUNG 5:17

Sinomi Bulu' Sion lanri nibokoi; kongkong romang mami a'lemere' anjoreng. Lanri kammana panra' lompomi atinna ikambe, tabajikami paccini'na ikambe napakamma angngarruka tojeng.

YEHEZKIEL 20:49

Mingka iNakke, Yehezkiel, tena kusituju nakukana, “O Batara Kaminang Tinggia, teaKi' suroia' ampaui anjo kammaya! Sikontuna taua akkunrareng ngasemmi nasaba' le'ba'ma' a'bicara lalang pangngebarang, sa'genna sukkara' nipahang.”

YEHEZKIEL 21:15

Napa'jari bansaKu tappela' kabaranianna siagang tu'guru' tatto'ro. Kuancangi kotana ke'nanga siagang anjo pa'danga, accillaka sangkamma kila', siagang sadiaya untu' ammuno.

YEHEZKIEL 21:6

He tau, amma'rangko siagang akkunrarengko ri dallekanna tu Israel, sanrapangko tappu' minasa siagang tappu' panrannuang.

YEHEZKIEL 21:8

Nakana Batara ri nakke,

YEHEZKIEL 22:14

Maka barani ijako yareka gassingijako untu' angngangkaki limannu ri wattunnu le'ba' Kuhukkung? INakke, Batara Kaminang Tinggia anne akkana, siagang laKupa'rupai apa le'baka Kupau.

YEHEZKIEL 24:19

Akkuta'nammi ra'yaka angkana, “Angngapa kippakamma anne bapa'? Apa battuanna anne kammaya mae ri kambe?”

YEHEZKIEL 6:2

“He tau, ciniki moncong-moncong niaka ri Israel, siagang pabattui pasangku ri passala'na hukkungangKu mae ri ke'nanga.

YEHEZKIEL 7:17

Tunggala' taua la'jari lamma kabusuki limanna siagang annekkereki kulantu'na.

YEHEZKIEL 7:26

Balaya siagang kabara' kodia tenammarina tulusu' labattu. Nupalaki mae ri na'binu sollanna akkulle ke'nanga antappui lalang paccini'na ke'nanga, mingka tena todong nakkulle ke'nanga. Kammayatompa sikamma imanga tenamo apa-apa lakkulle napangngajarrang mae ri ummaka, siagang sikamma pamimpinga kala'busammi ri kana-kana untu' pappakainga'.

DANIEL 5:6

A'jari pi'lasa'mi rupanna siagang lanri malla'na nannekkere'mo kulantu'na.

KAIMANGNGANG 26:36

Sikamma taunnu ia niaka ri pammelakkang ri pa'rasangang maraenga, laKupa'jari teai sipato' malla'na, sa'genna manna sa'ra leko' kayu nairi'ja bawang anging nalangngere' nalarimo napakamma malla'. Lalariko sanrapang tau niondanga lalang ri pa'bundukanga, nampa tu'gurukko manna natenaja musu ri ampi'nu.

NAHUM 2:10

Ancuru'mi Niniwe, sinomi na kalotoro'. La'bai pa'maika napakamma malla'. A'jari lammami siagang annekkereki kulantuka. A'jari pi'lasa' kabusuki rupanna taua.

LUKAS 21:26

Teai sipato' malla'na rupataua andallekangi sikamma apa lakajarianga ri sikontu anne linoa, lanri la'jari tasilolongammi siagang laricu ngasemmi napakamma malla' sikontu tau anna'galaka koasa ri sila'banna linoa.

PAOLE 20:8

Sikamma komandanga musti napau tongi anne kana kammaya mae ri tantaraya, ‘Niakka ri kau ranggasela siagang malla'? Punna nia', akkullei ammotere'. Punna tena, lanapanraki sumanga'na tau maraenga.’

IBRANI 12:12

Lanri kammana, pakkassakangi anjo limannu lammaya siagang anjo kulantu'nu annekkereka!

YOSUA 5:1

Sikontu karaenna tu Amori ilaukanna Binanga Yordan, siagang sikontu karaenna tu Kanaan ri birinna Tamparang Tangngaya nalangngereki kabara'na angkanaya le'baki Napa'jari kalotoro' Batara anjo je'ne'na Binanga Yordan lalang a'limbanna umma' Israel ri anjo binangaya. Jari a'jari malla'mi siagang annekkere'mi ke'nanga napakamma tu Israel.

YOSUA 7:5

Niondangi ke'nanga ri tu Ai battu ri pakke'bu' lompona kota Ai sa'genna mange ri daera pangngekeang bassia, nampa nabuno kira-kira nia' tallumpulo angngannang tau battu ri ke'nanga ri pungku'na buluka. Na'jari lussa'mo siagang malla'mi tu Israel.

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.