YEHEZKIEL 21:14 - KITTA' MATANGKASA'

¹⁴ Jari he tau, a'boto mako. Tempai limannu, salaku pammatei mae ri anjo pa'danga untu' appakkaramula ammuno. Anjo pa'danga sanna' appakamalla'-malla'na.

YEHEZKIEL 21:14 ပူးပေါင်းရင်းမြစ်များ

2 KARAENG-KARAENG 24:1

Ri wattu ammarentana Karaeng Yoyakim, nia'mi battu Nebukadnezar Karaeng Babel ambunduki siagang ambetai tu Yehuda. Tallun taung sallona Yoyakim tundu' mae ri Nebukadnezar, mingka ri bokoanna angngewami.

PAMMILANGNGANG 24:10

Larromi Balak siagang natannammi panja'guru'na nampa nakana mae ri Bileam, “Ikau kukiokko untu' antunrai musu-musungku, mingka ikau ba'lalo a'giling nubarakkakiji ke'nanga sa'genna pintallung.

YEHEZKIEL 6:11

Nakana Batara Kaminang Tinggia, “Si'na mako! Angngarrukko! Angngarrukko pacce pa'mai'nu lanri sikontu kaja'dallang siagang kakodiang le'baka nagaukang bansa Israel. Lamatei ke'nanga lanri pa'bundukang, kacipurang siagang garring.

KAIMANGNGANG 26:24

laKupangngajariko siagang Kuhukkungko a'lappi tuju la'bi battala'na na hukkungang rioloa.

KAIMANGNGANG 26:21

Punna tulusu' angngewa ijako mae ri Nakke siagang taerokako mannuruki mae ri Nakke, laKutambai pole hukkungannu a'lappi tuju.

AMOS 9:2

Manna pole annarrusu' ke'nanga antama ri linona tau matea laKukayao tonji ke'nanga. Manna pole nanai' ke'nanga ri langi', laKupanaungi ke'nanga battu rate.

DANIEL 3:19

Jari a'reremi larrona Karaeng Nebukadnezar mae ri Sadrakh, Mesakh siagang Abednego, sa'genna a'jari eja sikali rupanna. Naparentakammi sollanna nitambai a'lappi tuju bambanna anjo pepeka.

YEHEZKIEL 21:17

INakke lattempa lima tonga', nampa naung larroKu. INakke, Batara, anne akkana.”

YEHEZKIEL 8:12

Nakana Allata'ala ri nakke, “He tau, nuciniki apa nagaukang cokko-cokkoa sikamma pamimpinna tu Israel? Anynyombai ke'nanga lalang ri kamara' rassia siagang barhala; lanri nakana kalenna ke'nanga Kubokoimi anne pa'rasanganga siagang tenamo naKuciniki panggaukanna ke'nanga.”

1 KARAENG-KARAENG 22:25

Appialimi Mikha angkana, “Sinampe' nuciniki buttina, ri wattunnu antama' ri se'reang kamara' untu' accokko.”

1 KARAENG-KARAENG 20:30

Sikamma tau lappasaka, lari mange ri kota Afek, mingka rumbangi tembo'na anjo kotaya, na nia' 27.000 tau ri ke'nanga nituju. Lari tommi Benhadad mange anjoreng ri kotaya nampa accokko ri se'reang balla' ri kamara' bageang lalang.

YEHEZKIEL 21:13

lanri Kuso'rina ummakKu, punna taeroka ke'nanga ampinrai gau'na, kabusu'na anjo lakajariangi mae ri ke'nanga.’

YEREMIA 47:7

Mingka maka akkullei sannang punna le'ba'mo Kuparentakang untu' ambunduki Askelon siagang pandudu'na ri biring tamparanga?”

YEHEZKIEL 28:23

LappabattuA' garring, siagang laKulappassangi assolong ceraka ri sikamma oloannu. Lanibundukiko ri musu battu ri kere-keremae, siagang pandudu'nu lanibunoi. Jari nuassemmi angkanaya iNakkemi Batara.’ ”