YEHEZKIEL 20:30 - KITTA' MATANGKASA'

³⁰ Jari pabattui mae ri tu Israel apa anne Kupaua, iNakke, Batara Kaminang Tinggia, mae ri ke'nanga. ‘Angngapa nanugaukang dosa-dosa kammaya le'baka nagaukang boe-boenu? Sangkamma ke'nanga, nupinawang tongi anjo barhala-barhala appakaringika.

YEHEZKIEL 20:30 ပူးပေါင်းရင်းမြစ်များ

2 PATTOTTORANG 30:7

Teako sangkammai boe-boenu siagang tu Israel maraenga tenaya namajarre' tappa'na mae ri Karaeng Allata'alana ke'nanga. Nucini'mi kalennu antekamma battala'na hukkungang Napabattua Karaeng Allata'ala mae ri ke'nanga.

PAMMUJI 106:39

Lanri anjo sikamma panggaukanna a'jari ra'masa'mi ke'nanga, siagang tajarreka ke'nanga mae ri Allata'ala.

YEREMIA 16:12

Mingka ikau la'bi ja'dallangngangi pole apa nugaukanga. Kapala batuko siagang ero' kalennu bawang ja'dalaka nuturukiang. Taerokako mannuruki ri Nakke.

YEREMIA 7:26

Mingka tena ero' mappilangngeri siagang anjampangi. Ba'lalo pila' a'jari la'bi kapala batuko siagang la'bi ja'dalakko naboe-boenu.”

YEREMIA 7:9

A'lukkakko, ammunoko, a'gau' bawangko, sa'bi balle-balleko, assareko koro'bang mae ri Rewata Baal, siagang anynyombako mae ri rewata-rewata tenaya nanuassengi.

YEREMIA 9:14

Kapala batui ke'nanga siagang anynyombai ri barhala-barhala Baal sangkamma napangngajarranga boe-boena mae ri ke'nanga.

YEHEZKIEL 2:3

“He tau, ikau Kusuroko mange ri tu Israel angngewaya ri Nakke. Anjo ke'nanga angngewai sangkamma boe-boena ke'nanga.

YEHEZKIEL 20:26

Kulappassangi ke'nanga anra'massi kalenna siagang koro'bang-koro'banna ke'nanga, ba'lalo ana' bungasa' bura'nena ke'nanga nakoro'bangkangi. Kammami anjo carana ke'nanga Kuhukkung sollanna naasseng ke'nanga angkanaya iNakkemi Batara.

YEHEZKIEL 20:29

Akkuta'nanga' ri ke'nanga angkana, ‘Tampa'-tampa' tinggi apa anjo nukunjungi?’ Jari appakkaramula anjo wattua naniaremmo anjo sikamma tampaka, ‘Tampa'-tampa' tinggi’.

PAMMILANGNGANG 32:14

Na kamma-kamma anne, angngewa tommako sangkamma bapa'nu ngaseng. Ikau memang pa'rappungannako tau dorakaya, ampakalompoai nassuNa Batara mae ri bansa Israel!

MATIUS 23:32

Punna kamma gaukang tulimi siagang pa'le'ba'mi dosa-dosa le'baka napakkaramulai boe-boenu!

LAMPA-LAMPANA 7:51

Teai sipato' kapala batunu ngaseng, siagang teai sipato' sukkara'nu mannuruki ri Allata'ala! Teai sipato' tongolo'na tolinnu mae ri kana-kananNa Allata'ala! Sangkamma le'ba' ngasengko siagang boe-boenu; tuli erokko angngewa ri RohNa Allata'ala!

HAKING-HAKING 2:19

Mingka punna matemo anjo pamimpinga, a'jari la'bi kodimi panggaukanna ke'nanga natau jammang rioloangannaya. Napare' atami kalenna mae ri rewata-rewata maraenganga, siagang anynyombai ke'nanga mae ri anjo rewata-rewataya. Ammotereki ke'nanga mae ri kabiasang-kabiasang ja'dala'na ke'nanga, na taerokai ke'nanga ampinrai anjo gau'na.