YEHEZKIEL 20:14 - KITTA' MATANGKASA'

¹⁴ Mingka tena naKugaukangi anjo lanri areng bajikKu, sollanna tena nihinai arengKu ri bansa-bansa ancinikiA' angngerangi bansa Israel assulu' battu ri Mesir.

YEHEZKIEL 20:14 ပူးပေါင်းရင်းမြစ်များ

YESAYA 48:11

Kugaukangi anjo kammaya untu' KalengKu, saba' taKupa'biangai arengKu nira'massi; tena Kubagei kala'birangKu manna pole ri nai.”

YEHEZKIEL 20:13

Mingka anjoreng ri parang kassika angngewa tongi ke'nanga mae ri Nakke. Nadakkai ke'nanga parenta-parentaKu, siagang natollaki hukkung-hukkung ampattantuai angkanaya inai anturuki latuli attallasaki. Sanna' nara'massinna ke'nanga allo Pammari-marianga. Lanri kammana anjo, anjoreng ri parang kassika sadiaMa' ero' a'jallo' lanri larroKu mae ri ke'nanga siagang ampanraki ke'nanga.

YEHEZKIEL 20:15

Anjoreng tomminjo ri parang kassika Kuancang bansa Israel angkanaya tena nalaKuerang ke'nanga antama' ri butta le'baka Kupasadiangi ke'nanga, iamintu butta kalumanynyang siagang coppong, kammayatompa kaminang bajika ri sikontu linoa.

YEHEZKIEL 20:22

Mingka tena naKugaukangi sollanna tena nanihinai arengKu ri bansa-bansa ancinikai ke'nanga bansa Israel Kuerang assulu' battu ri Mesir.

YEHEZKIEL 20:9

Mingka tena naKugaukangi, sollanna tena nihinai arengKu ri bansa-bansa napammantangia ke'nanga. Nasaba' ri dallekanna anjo bansa-bansaya le'ba'mi Kupa'la'bang Kupau angkanaya laKuerangi bansa Israel assulu' battu ri Mesir.

YEHEZKIEL 39:7

Mingka ri tangnga-tangngana tu Israel, laKupa'nyatai arengKu matangkasaka, siagang tenamo nalanira'massi arengKu. Jari naassemmi bansa-bansaya angkanaya iNakkemi Batara, iamintu Allata'ala matangkasaka ri Israel.”

EFESUS 1:12

Boli'mi kamma naikatte, uru-uru manrannuanga mae ri Almasi, mammuji-muji mae ri Allata'ala lanri mala'biri'Na!

EFESUS 1:6

Nipujimi Allata'ala lanri la'biri'na kabajikang pa'mai'Na, le'baka allumpa Napa'nyata mae ri katte ri tete Ana'Na Nakarimangngia.