YEHEZKIEL 20:13 - KITTA' MATANGKASA'

¹³ Mingka anjoreng ri parang kassika angngewa tongi ke'nanga mae ri Nakke. Nadakkai ke'nanga parenta-parentaKu, siagang natollaki hukkung-hukkung ampattantuai angkanaya inai anturuki latuli attallasaki. Sanna' nara'massinna ke'nanga allo Pammari-marianga. Lanri kammana anjo, anjoreng ri parang kassika sadiaMa' ero' a'jallo' lanri larroKu mae ri ke'nanga siagang ampanraki ke'nanga.

YEHEZKIEL 20:13 ပူးပေါင်းရင်းမြစ်များ

2 SAMUEL 12:9

Angngapa natena nujampangi parenta-parentaKu? Angngapa nanugaukang anjo kaja'dallang kammaya? Nusuro bunoi Uria lalang pa'bundukang; nulappassangi nibuno ri tu Amon, siagang nualleangi bainenna!

2 PATTOTTORANG 30:7

Teako sangkammai boe-boenu siagang tu Israel maraenga tenaya namajarre' tappa'na mae ri Karaeng Allata'alana ke'nanga. Nucini'mi kalennu antekamma battala'na hukkungang Napabattua Karaeng Allata'ala mae ri ke'nanga.

NEHEMIA 13:17

Kupakaingaki sikamma pamimping Yehuda kukana, “Tanuassengaika kalennu angkana a'gau' ja'dalakko lanri nura'massinna allo Pammari-marianga?

KALAPPASSANG 32:10

Teako coba-cobai anghalangiA'. LarroA' ri ke'nanga siagang erokKa' angngancuruki ke'nanga. Mingka ikau siagang jari-jarinu laKupa'jari se're bansa malompo.”

KALAPPASSANG 32:8

Ammengkami ke'nanga battu ri parenta-parentaKu. Appareki ke'nanga patung sapi bulaeng, nampa nasomba siagang nasare passare koro'bang. Nakana ke'nanga, iaminjo rewata angngerangai ke'nanga assulu' battu ri Mesir.

PANGNGEBARANG 1:25

Sikontu pappakaingakku nubalang parekangi siagang pappasaileku nusorongbokoi.

PANGNGEBARANG 13:13

Tau ambawang-bawangngangai ajaranNa Batara, lanacilakai kalenna; tau mannurukia ri hukkunNa Allata'ala, lanagappai pahalana.

YESAYA 56:6

Nakana Batara mae ri sikamma bansa maraenga antamayamo ri bilanna umma'Na Batara, mangngaia ri Batara siagang anynyombaya mae ri Ia, ampakalompoai allo Pammari-marianga siagang majarreka ri parjanjianNa,

YESAYA 63:10

Mingka angngewai ke'nanga siagang napakasi'na pa'mai'Na Batara. Jari ta'bale'mi a'jari musunNa ke'nanga KalenNa a'bundu' ambaliangi ke'nanga.

YEREMIA 7:24

Mingka taerokai ke'nanga mappilangngeri siagang taerokai ke'nanga anjampangi. Ba'lalo ero' kalenna tonji ke'nanga naturukiang, iamintu ero' kapala batuna siagang ero' kaja'dallanna anjo. Tena na'jari baji' ke'nanga passangalinna a'jari ja'dalaki.

YEHEZKIEL 20:11

Anjoreng Kusarei ke'nanga parenta-parentaKu siagang Kupangngajarrangi mae ri ke'nanga hukkung-hukkungKu mustia naturuki ke'nanga, nasaba' inai-nai anturuki iami latuli attallasa'.

YEHEZKIEL 20:14

Mingka tena naKugaukangi anjo lanri areng bajikKu, sollanna tena nihinai arengKu ri bansa-bansa ancinikiA' angngerangi bansa Israel assulu' battu ri Mesir.

YEHEZKIEL 20:16

Kuancang kammai anjo ke'nanga lanri nabalang parekangi ke'nanga parenta-parentaKu, nadakkai hukkung-hukkungKu siagang nara'massi allo Pammari-marianga. Nangaiangngangi ke'nanga anynyombaya ri barhala-barhalana ke'nanga.

YEHEZKIEL 20:21

Mingka anjo tau rungka-rungkaya tena todong namappilangngeri ri Nakke. Nadakkai ke'nanga hukkung-hukkungKu siagang nabalang parekangi parenta-parentaKu, ampattantuai angkana inai-nai tau anturuki latuli attallasaki. Nara'massi ke'nanga allo Pammari-marianga. Lanri kammana anjo sadiaMa' ero' ampabattui pangngalarroingKu mae ri ke'nanga anjoreng ri parang kassika siagang ambunoi ke'nanga.

YEHEZKIEL 20:24

lanri nabalang parekanna ke'nanga parenta-parentaKu, nadakkai hukkung-hukkungKu, nara'massi allo Pammari-marianga, siagang tuli anynyombana ke'nanga ri rewata-rewata nasombaya boe-boena ke'nanga.

YEHEZKIEL 20:36

sangkamma le'baka Kugaukang mae ri boe-boenu ri parang lompona Sinai. INakke, Batara Kaminang Tinggia, anne akkana.

YEHEZKIEL 20:8

Mingka angngewai ke'nanga ri Nakke siagang taerokai mappilangngeri ri Nakke. Taerokai ke'nanga ampelaki anjo patung-patung appakaringika kammayatompa taerokai ammari anynyomba ri barhala-barhalana Mesir. Ri wattunna anjorengija ke'nanga, sadiaMa' ero' ampabattui larrroKu mae ri ke'nanga.

YEHEZKIEL 22:8

Tampa'-tampa' ibadaya mae ri Nakke nura'massi siagang tena nanujampangi allo Pammari-marianga.

YEHEZKIEL 23:38

Nampa tena naanjo bawang. Nara'massi tongi ke'nanga BallakKu siagang allo Pammari-marianga, le'baka Kupattantu.

KAIMANGNGANG 18:5

Turuki paratorang-paratoranga siagang hukkung-hukkung Kupassareanga mae ri kau. Punna nugaukangi kammaya anjo, lasalamakko lalang tallasa'nu. INakkemi Batara.”

KAIMANGNGANG 26:15

punna nudakkai parjanjiang Kupareka siagang ikau kammayatompa taerokako anturuki sikamma apa le'baka Kupattantu siagang parenta-parentaKu,

KAIMANGNGANG 26:43

Mingka anjo buttaya musti nikosongi rolong ri pandudu'na niaka, sollanna akkulle ammari-mari tojeng. Siagang anjo ummakKu musti najappai ngasengi anjo hukkungang Kupabattua mae ri ke'nanga lanri taero'na anturuki paratorang-paratorangKu siagang parenta-parentaKu.

AMOS 2:4

Nakana Batara, “Tu Yehuda a'mole-molei doraka, lanri kammana anjo ma'nassa laKuhukkungi ke'nanga. Nadakkai ke'nanga parenta-parentaKu siagang tanajampangiai ajarang-ajarangKu. Nipa'lingui ke'nanga ri rewata-rewata maraenga nasombaya boe-boena ke'nanga.

PAMMILANGNGANG 14:22

angkanaya manna sitau anne sikamma taua tena lattallasa' untu' antama' ri pa'rasangang le'baka Kupa'janjiang mae ri boe-boena ke'nanga. Nasaba' taerokai ke'nanga mannuruki mae ri Nakke, siagang tulusu' ero'na ke'nanga ampaccoba-cobaiA'. Nampa le'ba'mi nacini' ke'nanga sioro'na cayaKu, siagang gau'-gau' malompo Kugaukanga ri Mesir siagang ri parang lompoa.

PAMMILANGNGANG 14:29

A'moro-moro ngaseng mako mae ri Nakke. Lanri kammana anjo lamateko siagang latassiaraki maya'nu ri anne parang lompoa. Pantaranganna Kaleb siagang Yosua, tena manna sitau battu ri kau ngaseng umuru' ruampulo taunga sa'genna irateanganna lakkulle antama' ri pa'rasangang Kupa'janjianga mae ri kau.

PAMMILANGNGANG 16:45

“Ammono'bokoko battu ri sikamma anjo taua. LaKupanraki anjo ke'nanga ri anjo memang tampaka!” Su'ju'mi ke'nanga sipa'rua anynyomba,

PAMMILANGNGANG 26:25

Sikontu tu bura'nea lalang ri yangasenna anjo golonganga nia' 64.300 jaina tau.

ROMA 10:5

Natulisiki Musa angkanaya inai-nai assibajiki siagang Allata'ala situru' hukkung-hukkung agamaya, iami lattallasa' lanri mannurukinna mae ri anjo hukkung-hukkung agamaya.

PAOLE 31:27

Kuassengi angkanaya teai sipato' kapala batuna ke'nanga siagang nangai angngewaya. Manna lalang attallasakku nangai ke'nanga angngewa ri Batara; sarroangampa sallang, punna matema'!

PAOLE 9:7

U'rangi antekamma batenu ampakalarroi Karaeng Allata'alanu ri parang lompoa. Baku' nubokoina Mesir sa'gennu battu mae anrinni, tena numannuruki mae ri Batara.

PAOLE 9:8

Ba'lalo le'baki nupakalarro sikali Batara ri Moncong Sinai, sa'genna eroki angngancurukko.

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.

1 SAMUEL 8:8

Ri Kueranna ke'nanga assulu' battu ri Mesir, nabokoiMa' ke'nanga nampa anynyomba ri rewata-rewataya. Na apa anjo nagaukanga ke'nanga mae ri kau, iatommi anjo le'ba' nagaukang ke'nanga mae ri Nakke.