YEHEZKIEL 20:11 - KITTA' MATANGKASA'

¹¹ Anjoreng Kusarei ke'nanga parenta-parentaKu siagang Kupangngajarrangi mae ri ke'nanga hukkung-hukkungKu mustia naturuki ke'nanga, nasaba' inai-nai anturuki iami latuli attallasa'.

YEHEZKIEL 20:11 ပူးပေါင်းရင်းမြစ်များ

PANGNGEBARANG 6:23

Anjo pitunju'-pitunju'na tau toanu sanrapangi lampu singaraka; pappasailena ke'nanga napicinikiangko antekamma nikanaya tallasa' baji'.

YEHEZKIEL 18:9

Nagaukangi parentaKu siagang naturuki hukkung-hukkungKu. Tau kammayami anjo nikana tau lambusu' siagang latuli attallasa'. INakke, Batara Kaminang Tinggia anne akkana.

YEHEZKIEL 20:13

Mingka anjoreng ri parang kassika angngewa tongi ke'nanga mae ri Nakke. Nadakkai ke'nanga parenta-parentaKu, siagang natollaki hukkung-hukkung ampattantuai angkanaya inai anturuki latuli attallasaki. Sanna' nara'massinna ke'nanga allo Pammari-marianga. Lanri kammana anjo, anjoreng ri parang kassika sadiaMa' ero' a'jallo' lanri larroKu mae ri ke'nanga siagang ampanraki ke'nanga.

YEHEZKIEL 20:21

Mingka anjo tau rungka-rungkaya tena todong namappilangngeri ri Nakke. Nadakkai ke'nanga hukkung-hukkungKu siagang nabalang parekangi parenta-parentaKu, ampattantuai angkana inai-nai tau anturuki latuli attallasaki. Nara'massi ke'nanga allo Pammari-marianga. Lanri kammana anjo sadiaMa' ero' ampabattui pangngalarroingKu mae ri ke'nanga anjoreng ri parang kassika siagang ambunoi ke'nanga.

YEHEZKIEL 33:16

Tena nalaKuu'rangi pole dosa-dosana le'baka nagaukang, siagang lattallasaki lanri nagaukangi apa annabaya siagang bajika.

KAIMANGNGANG 18:5

Turuki paratorang-paratoranga siagang hukkung-hukkung Kupassareanga mae ri kau. Punna nugaukangi kammaya anjo, lasalamakko lalang tallasa'nu. INakkemi Batara.”

LUKAS 10:28

Nakanamo Isa, “Annabami antu pappialinnu. Gaukang ngaseng minjo na nuattallasa'.”

ROMA 10:5

Natulisiki Musa angkanaya inai-nai assibajiki siagang Allata'ala situru' hukkung-hukkung agamaya, iami lattallasa' lanri mannurukinna mae ri anjo hukkung-hukkung agamaya.

ROMA 3:2

Mattantu jai matu-matunna! Lomoro' se're, nasaba' tu Yahudiami Napappirannuangi Allata'ala anjo kana-kananNa.

GALATIA 3:12

Mingka anjo hukkung-hukkung agamaya tena natanjeng mae ri katappakkanga. Nia' tattulisi' lalang ri Kittaka angkanaya inai-nai anggaukangi hukkung-hukkung agamaya, lanri iatommi anjo hukkung agamaya nattallasa'.

PAOLE 30:19

Kamma-kamma anne akkullei nupilei kalase'renna iamintu attallasaka yareka matea, barakka' yareka pattunraNa Batara. Kukioki langika siagang buttaya untu' a'jari sa'bi mae ri kaputusannu. Pileimi attallasaka.

PAOLE 4:1

Nampa nakana Musa mae ri anjo bansaya, “Turuki sikontu hukkung kupangngajarranga mae ri kau ngaseng, sollannu attallasa' sa'genna nupammantangngi anjo butta laNapassareanga Batara, Allata'alana boe-boenu, mae ri kau.

PAOLE 4:5

Sikontu anjo hukkunga kupangngajarrangi mae ri kau situru' Naparentakanga Karaeng Allata'alaku. Turuki ngasengi sikammaya anjo ri pa'rasangang lanupantamakkia siagang lanupammantangngia.

PAOLE 4:8

Bansa lompo kereanga nia' hukkung-hukkung adele' kammaya, sangkamma hukkung-hukkung kupangngajarranga mae ri kau ngaseng anne alloa?