YEHEZKIEL 2:9 - KITTA' MATANGKASA'

⁹ Nampa nia' kucini' lima ta'jonjo mae ri nakke. Lalang ri anjo limaya nia' kitta' nigulung,

YEHEZKIEL 2:9 ပူးပေါင်းရင်းမြစ်များ

YEREMIA 1:9

Le'baki anjo Napajonjomi limanNa Batara nampa Najama bawaku na Nakana, “Pilangngeri siagang pa'la'bangi anne kana-kana Kupaua.

YEREMIA 36:2

“Angngalleko se're kitta' nigulung, siagang tulisiki lalang sikontu apa le'baka Kupau ri kau ri passala'na Israel siagang Yehuda, kammayatompa ri passala'na sikontu bansaya. Tulisiki sikontu kana-kanangKu appakkaramula ri uru-uru a'bicaraKu ri kau ri wattu pamarentahanna Karaeng Yosia sa'genna anne alloa.

YEREMIA 36:4

Lanri kammana anjo kukio'mi Barukh ana'na Neria nampa kusuro antulisi' ngasengi sikontu apa Napaua Batara mae ri nakke. Jari natulisi' ngasemmi Barukh lalang ri anjo kitta' nigulunga.

YEHEZKIEL 3:1

Nakana Allata'ala, “He tau, kanrei anne kitta' nigulunga, nampa a'lampako siagang mange mako a'bicara ri tu Israel.”

YEHEZKIEL 8:3

Appajonjomi sangkamma kucini' lima tau, nampa nata'gala' poto' uukku; nampa niangka' kucini' kalengku tinggi nai' ri allaka ri RohNa Allata'ala siagang nierang mange ri Balla'na Batara ri Yerusalem, ri pakke'bu' antamakkanga ri paranglakkeng lalangngang bageang waraka. Anjoreng nia' patung barhala ampabattuai larroNa Allata'ala.

DANIEL 10:10

Nampa nia'mo lima anseroa' siagang ambangumma' appatungkulu' ri limangku siagang kulantukku.

DANIEL 5:5

Ti'ring nia'mo kacinikang lima tau annulisi' apa-apa ri rinring balla' karaenga, ri tampa' kaminang singaraka nataba singara' lampu, sa'genna karaenga akkullei nacini' baji'.

ZAKHARIA 5:1

Kuparhatikangi pole, nampa nia'mo pole kucini' iamintu se're kitta' nigulung anri'baka rate ri allaka.

ZAKHARIA 5:3

Nampa nakana ri nakke, “Nia' tattulisi' lalang ri anjo kitta' ta'gulunga iamintu kana-kana pattunra mae ri sikontu anne pa'rasanganga. Niaki tattulisi' angkanaya sikamma palukkaka lanipasuluki battu anrinni ri pa'rasanganga. Siagang ri maraengannaya tattulisi' tongi angkanaya sikamma tau assumpa balle-ballea lanipasulu' tongi.

IBRANI 10:7

Nampa Kukana, ‘INakkemi anne, O, Allata'ala BattuMa' untu' anggaukangi erotTa, situru' apa tattulisika lalang ri Kittaka ri sesena BatangkalengKu.’ ”