YEHEZKIEL 2:7 - KITTA' MATANGKASA'

⁷ Pabattui sikontu pasangKu mae ri ke'nanga, apaka eroki yareka teai ke'nanga ampilangngeri. U'rangi angkanaya anjo ke'nanga tau paewa-ewa.

YEHEZKIEL 2:7 ပူးပေါင်းရင်းမြစ်များ

KALAPPASSANG 6:29

Mingka appialimi Musa angkana, “O, Batara, Kiassengi angkanaya tena kucara'de' a'bicara. Antekamma batena lakkulle karaenga ampilangngeria?”

YEREMIA 1:17

Sadia-sadia mako Yeremia! A'lampamako siagang pabattui mae ri ke'nanga, sikontu apa Kuparentakanga mae ri kau. Teako mallakki mae ri ke'nanga, sollanna tena naKupa'jari pila' mallakko punna assidallekangko siagang ke'nanga.

YEREMIA 1:7

Mingka appiali Batara angkana, “Teako angkanai rungka dudu ija'. Punna Kusuroko mange manna pole ri nai, musti a'lampako, siagang sikontu apa Kusuro paua, musti nupabattui mae ri ke'nanga.

YEREMIA 17:20

Pabattui pasangKu mae ri sikamma karaenga siagang sikontu tu Yehuda kammayatompa sikontu pandudu'na Yerusalem allaloa ri sikamma anjo pakke'buka.

YEREMIA 23:28

Na'bi asso'naya musti angkanai, ‘Anne poro so'naji bawang.’ Mingka na'bi anggappaya pasang battu ri Nakke musti napabattui anjo pasanga siagang sitojennaya. Gandunga takkulleai nipasangkamma rarame.

YEREMIA 26:2

Nakanamo Batara ri nakke, “A'lampako mange ammenteng ri paranglakkeng luara'na BallakKu nampa a'bicara mako mae ri pandudu'na Yehuda battua anynyomba anjoreng. Pabattui mae ri ke'nanga sikontu apa Kuparentakanga mae ri kau untu' nupabattu mae ri ke'nanga. Teako kurangngi manna sike'de'.

YEREMIA 34:6

Jari kupabattumi anjo pasanNa Batara mae ri Karaeng Zedekia ri Yerusalem,

YEREMIA 36:14

Nampa anjo sikamma pagawea nasuromi Yehudi (iamintu ana'na Netanya, cucunna Selemya, siagang cucu kulantu'na Kusyi) a'lampa mange ri Barukh siagang naparentakang sollanna nierang battu mae ri ke'nanga anjo kitta' nigulung le'baka nibaca. Jari battumi Barukh angngerangi anjo kittaka.

YEREMIA 42:21

Kamma-kamma anne le'ba'mi kupabattu pasanNa Karaeng Allata'alata mae ri kau, mingka taerokako anturuki anjo pasanga.

YEREMIA 44:20

Appialima' mae ri sikontu anjo bura'ne baine akkana kammaya kukana,

YEREMIA 6:28

Yangasenna ke'nanga pabali-bali siagang kapala batui, kamma terasa'na tambagaya siagang bassia. Ra'masaki panggaukanna ke'nanga siagang pitijappa-jappai mange-mange appasiara' kabara' balle-balle untu' ampanraki areng baji'na paranna tau.

YEREMIA 7:27

Nampa Nakana Batara, “Lanri kammana, he Yeremia, manna pole nupau ngaseng anjo sikammaya mae ri ummakKu, tena nalanapilangngeri ke'nanga kana-kanannu. Manna pole nukio' ke'nanga, mingka tena nalappiali ke'nanga.

YEHEZKIEL 11:25

Nampa kucarita mae ri sikamma tau nipelaka sikontu anjo apa Napappicinikanga Batara mae ri nakke.

YEHEZKIEL 12:2

“He tau, ikau niakko ammantang ri tangnga-tangngana tau nangaia angngewa. Nia' matanna ke'nanga, mingka tena naccini'; nia' tolinna mingka tena nallangngere', lanri nangaina ke'nanga angngewa.

YEHEZKIEL 2:5

apaka napilangngeri ke'nanga yareka tena; ia parallua, iamintu musti naassengi ke'nanga angkanaya nia' na'bi ri tangnga-tangngana ke'nanga.

YEHEZKIEL 20:27

Jari, he tau, pabattui mae ri tu Israel apa Kupaua, iNakke Batara Kaminang Tinggia, mae ri ke'nanga: Anne conto maraeng ampa'nassai antekamma batena boe-boenu anghiNa' siagang tena namajarre' mae ri Nakke.

YEHEZKIEL 3:10

Nampa pole Nakana Allata'ala, “He tau, parhatikangi baji'-baji' siagang u'rangi sikontu apa laKupaua mae ri kau.

YEHEZKIEL 3:17

“He tau, ikau Kuangkakko a'jari pajaga mae ri bansa Israel. Pabattui mae ri ke'nanga anne pappakainga' Kupassareanga.

YEHEZKIEL 3:4

Nakana pole Allata'ala, “He tau, a'lampako mange ri tu Israel nampa nupabattu pasangKu mae ri ke'nanga.

YEHEZKIEL 33:7

He tau, ikau Kuangkakko a'jari pajaga mae ri bansa Israel. Pabattui mae ri ke'nanga anne pasangKu:

YEHEZKIEL 40:4

Nakana anjo tau bura'nea ri nakke, “He tau, pilangngeri baji'-baji' siagang parhatikangi sikontu apa kupappicinikanga mae ri kau, nasaba' lanri kammanami anjo nanierangko mae anrinni. Pauangi bansa Israel sikontu anjo apa nucinika.”

AMOS 3:13

Nakana Batara Kaminang Makoasaya siagang Kaminang Tinggia, “Parhatikangi kamma-kamma anne, siagang pakaingaki jari-jarina Yakub.

YUNUS 3:2

Nakana, “A'lampako mange ri Niniwe, anjo kota lompoa, siagang pabattui mae ri ra'yaka, pasang Kupassareanga mae ri kau.”

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”