YEHEZKIEL 2:4 - KITTA' MATANGKASA'

⁴ Kapala batui ke'nanga siagang tena napakalompoA'. Kusuroko mange ri ke'nanga untu' ampabattui kanangKu, iamintu iNakke Batara Kaminang Tinggia, mae ri ke'nanga,

YEHEZKIEL 2:4 ပူးပေါင်းရင်းမြစ်များ

1 KARAENG-KARAENG 22:14

Mingka appialimi Mikha angkana, “Lanri Batara mattallasaka, iaji bawang lakupau apa le'baka Nakanang Batara mae ri nakke!”

2 PATTOTTORANG 30:8

Teako kapala batui sangkamma ke'nanga, mingka mannurukiko ri Batara. Battu mako mae ri Yerusalem, ri Balla'na Batara le'bakamo Natangkasi Karaeng Allata'alanu untu' KalenNa sa'genna satunggu-tungguna. Mae mako nakianynyomba mae ri Ia sollanna ammari larro mae ri kau.

2 PATTOTTORANG 36:13

Le'ba'mi nipassa Zedekia ri Karaeng Nebukadnezar untu' assumpa lalang arenNa Allata'ala angkanaya talaminrayai pa'mai'na mae ri Nebukadnezar. Mingka ribokoanganna angngewai Zedekia mae ri Nebukadnezar. Kapala batui Zedekia mae ri Batara, Allata'alana Israel. Taerokai ambokoi dosa-dosana siagang taerokai ammotere' mae ri Batara.

PAMMUJI 95:8

“Teako terassi ulunnu sangkamma boe-boenu ri Meriba, sangkamma wattunna ri Masa ke'nanga, ri parang lompoa.

PANGNGEBARANG 21:29

Tau lambusuka tappaki ri kalenna; tau ja'dalaka akkapala' rupai.

YESAYA 48:4

Kuassengi angkanaya ikau sanna' terasa'na pa'mai'nu, terasaki ulunnu siagang kapala batuko.

YEREMIA 1:7

Mingka appiali Batara angkana, “Teako angkanai rungka dudu ija'. Punna Kusuroko mange manna pole ri nai, musti a'lampako, siagang sikontu apa Kusuro paua, musti nupabattui mae ri ke'nanga.

YEREMIA 3:3

Lanri kammana minjo natattahang je'neka battu ri langi', siagang tena battu-battuna bosia ri wattu baraka. Sanrapangko pasundala', siagang tena siri'nu.

YEREMIA 36:21

Nampa nasuro karaenga Yehudi mange angngallei anjo kitta' nigulunga. Le'baki naalle battu ri kamara'na Elisama, nabacakammi Yehudi anjo kittaka mae ri karaenga kammayatompa mae ri sikamma pagawe niaka ammenteng ri tammulilina.

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

YEREMIA 6:15

Mustina siri'-siriki ke'nanga lanri le'ba'na nagaukang ngaseng anjo panggaukang tunaya. Mingka kapala' rupai siagang tena siri'na ke'nanga. Lanri kammana, latu'guruki ke'nanga sangkamma tau maraenga; cappu'mi riwaya'na ke'nanga punna Kuhukkungi ke'nanga. INakke, Batara, anne akkana.”

YEREMIA 8:12

He ummakKu, mustina siri'-sirikko lanri le'ba'na ngaseng nugaukang anjo apa tuna kammaya! Mingka kapala' rupako siagang tena siri'-siri'nu. Lanri kammana anjo latu'gurukko sangkamma tau maraeng le'baka tu'guru'; cappu'mi riwaya'nu punna Kuhukkungko.

YEHEZKIEL 3:11

A'lampako mange ri bansanu niaka ri anjo pa'rasangang pammelakkanga, siagang pabattui pasangKu, battu ri Nakke, Batara Kaminang Tinggia; pauangi ke'nanga, apaka napilangngeri yareka tena.”

YEHEZKIEL 3:27

Sallang, punna a'bicarA' pole mae ri kau, nampa Kupa'jari akkulleko ammotere' a'bicara, musti nupabattui kanangKu, iNakke, Batara Kaminang Tinggia, mae ri ke'nanga. Sipa'gang ke'nanga lappilangngeri, mingka sipa'gang maraenga tena, lanri anjo ke'nanga bansa nangai angngewaya.”

YEHEZKIEL 3:4

Nakana pole Allata'ala, “He tau, a'lampako mange ri tu Israel nampa nupabattu pasangKu mae ri ke'nanga.

YEHEZKIEL 3:7

Mingka bansa Israel taerokai ampilangngeriko, ba'lalo manna iNakke tena todong naero' ke'nanga ampilangngeriA'. Kapala batu ngasengi ke'nanga siagang nangai angngewaya.

AMOS 7:15

Mingka Naallea' Batara battu ri jama-jamangku, siagang Nasuroa' ampabattui pasanNa mae ri tu Israel.

ZAKHARIA 7:12

Napatterassangi atinna ke'nanga sa'genna a'jari sanrapang batu terasa'na. Teai sipato' larroKu lanri tenana naero' ke'nanga mannuruki ri ajarang-ajarang le'baka Kupassareang mae ri ke'nanga tete ri sikamma na'bia riolo.

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

PAOLE 10:16

Jari appakkaramula kamma-kamma anne musti mannurukiko mae ri Batara siagang tea' mako kapala batui pole.

PAOLE 31:27

Kuassengi angkanaya teai sipato' kapala batuna ke'nanga siagang nangai angngewaya. Manna lalang attallasakku nangai ke'nanga angngewa ri Batara; sarroangampa sallang, punna matema'!