YEHEZKIEL 19:7 - KITTA' MATANGKASA'

⁷ Nalappoi tembo'-tembo' pattahangnganga, napanraki kota-kotaya. Annekkere'mi pandudu'na sikontu pa'rasanganga nalangngere'na sa'ranna a'gamarrunga.

YEHEZKIEL 19:7 ပူးပေါင်းရင်းမြစ်များ

2 KARAENG-KARAENG 23:33

Kala'busangi Yoahas ammarenta ri wattunna nijakkala' ri Nekho karaeng Mesir ri Ribla daera Hamat, siagang nipassai tu Yehuda a'bayara' 3.400 kilo pera' siagang 34 kilo bulaeng.

PANGNGEBARANG 19:12

Larrona karaenga sanrapangi sa'ra arrunna singaya; kabajikanna karaenga sanrapangi saliu' ambasai timbo-timboanga.

PANGNGEBARANG 28:3

Pamarenta anjallakkangai tu kasi-asia, sanrapangi bosi sarro ammanrakia kattoang.

YEREMIA 22:17

Mingka ikau, Yoyakim, maraengi. Ikau kaparalluang kalennu bawang nuboya. Nubunoi tau tenaya salana, siagang nujallakkangi ra'yaka nukapallakki.

YEHEZKIEL 12:19

Pabattui mae ri sikontu bansaya apa Kupaua, iNakke Batara Kaminang Tinggia, mae ri pandudu' Yerusalem niaka ija ammantang ri tampa'na ke'nanga. Lannekkereki ke'nanga ri wattunna angnganre siagang annekkereki napakamma malla' ri wattunna angnginung. Buttana ke'nanga la'jari kalotoroki, lanri sikontu tau ammantanga anjoreng tulusu' nadakkaina hukkunga.

YEHEZKIEL 19:6

Anjo ana' singaya a'jari lompoi nasilokoang siagang singa-singa maraenga. Appilajara' a'boya apa lanakanre, na'jari tommo pakanre tau.

YEHEZKIEL 19:8

Mingka bansa-bansa niaka ri daera tammulilina battu ambakkai ri kere-keremae. Ammuangi ke'nanga jala untu' anjakkalaki, na niallemo ri sikko'na ke'nanga.

YEHEZKIEL 22:25

Sikamma pamimpinna rapangi singa ammammuka ri le'ba'na angngokko' apa-apa. Nabunoi ke'nanga ra'yaka, narampasaki sikontu barang-barang siagang kakalumanynyangngang nabuntuluka siagang jai tubaine janda napakamma ke'nanga.

YEHEZKIEL 30:12

LaKupa'jari kalotoroki Binanga Nil siagang Kupassareangi sikontu Mesir mae ri sikamma tau ja'dalaka. LaKusuroi bansa-bansa maraenga angngancuruki anjo sikontu pa'rasanganga. INakke, Batara, anne akkana.”

YEHEZKIEL 34:4

Gimbala'nu dodonga tena nuparakai, ia garringa tena nuballei, ia bokkaka tena nurokoki loko'na, ia sala oloanga siagang tappelaka tena nuboyai nampa nuerang ammotere'. Ba'lalo sikamma anjo gimbalaka nukapallakki.

YEHEZKIEL 45:8

Anjo tampaka a'jari napatangi sikamma patugasa' pamarentaya ri Israel, sollanna tenamo najallakkangi ummakKu, passangalinna napassareangi anjo tampa' la'binnaya untu' a'jari napatang suku-suku Israel.

AMOS 6:8

Naterassimi Batara Kaminang Koasaya siagang Kaminang Tinggia ampassareangi pappakainga' kammaya anne: “Birisiki nyawaKu mae ri katampoanna umma' Israel; tena nasannang nyawaKu mae ri sikamma balla' karaeng ga'gana ke'nanga. Ibukotana ke'nanga siagang sikontu bonena laKupassareangi mae ri musua.”

MIKHA 1:2

Pilangngeri, he sikamma bansa-bansaya! Parhatikangi, he pandudu'na sikontu linoa! Niaki battu Batara Kaminang Tinggia salaku sa'bi ambaliang ngasengko! Pilangngerimi a'bicara battu ri Balla' matangkasa'Na ri suruga.