YEHEZKIEL 19:11 - KITTA' MATANGKASA'

¹¹ Kassa' tangkenna, tagampangai nitepo' siratangi nipare' takkang karaeng. Coppo'na tinggi nai' narapiki rammanga. Nikangngalikangi ri sikontu taua lanri tinggina siagang copponna leko'na.

YEHEZKIEL 19:11 ပူးပေါင်းရင်းမြစ်များ

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

1 KARAENG-KARAENG 5:1

Hiram, karaeng Tirus, tuli agangi siagang Karaeng Salomo. Nalangngere'na Hiram angkanaya a'jari karaemmi Salomo ansambeangi Daud manggena, akkirimmi tunisuro mange ri Salomo.

EZRA 4:20

Le'baki nia' siapa are karaeng barani ammarenta anjoreng siagang nakoasai sikontu daera propinsi bageang ilau', nampa appajappa paja' siagang passare mae ri karaenga.

EZRA 5:11

Appialimi ke'nanga angkana, ‘Ikambe anne atannaki' Allata'ala makoasaya ri sikontu linoa. Nabangungi ikambe ammotere' Balla'Na Batara le'baka nibangung siagang nipa'langka' appulo-pulo taung allaloa ri sitaua karaeng Israel malompo.

PAMMUJI 110:2

Battu ri Sion laNapa'la'ba Batara kakaraenganNa; makoasa mako mae ri musu-musunnu!

PAMMUJI 80:15

O, Allata'ala Kaminang Koasaya, battu maKi' ammotere', accini' maKi' battu ri suruga naKiparhatikang ummatTa.

PAMMUJI 80:17

Le'ba'mi nata'bang siagang natunu musu; boli'mi kamma niancuru' ke'nanga ri kalarroanTa.

YESAYA 11:1

Turunganna Karaeng Daud rapangi poko' kayu le'baka nita'bang. Mingka sanrapang attimbona pole cu'la' berua battu ri tonasa'na, kamma tomminjo lania' sitau karaeng lammumba battu ri turunganna Daud.

YEHEZKIEL 19:12

Mingka nibi'buki ri lima-lima larroa, nampa nipela' naung ri butta. Ammiriki anging battu iraya angkalotori rappo baji'na. Tepoki tangkenna, a'jari kalotoro' nampa nitunu.

YEHEZKIEL 19:14

Batanna anjo anggoroka nilepaki ri pepe' a'le'lere'; tangkenna siagang rapponna la'busu' nikanre ri pepe'. Tangkenna tenamo nattahang kamma-kamma anne; takkulleami nipare' takkang karaeng. Iaminjo karru' a'mole-molea nikelongang ri ummaka.

YEHEZKIEL 21:10

Nipakatarangi sollanna akkulle ammuno, nilaccuki sollanna akkulle accilla'-cilla'. Mae ri ummakKu tenamo karannuang lanri sikontu pappakainga' siagang hukkungang nabalang parekangi ke'nanga.

YEHEZKIEL 21:13

lanri Kuso'rina ummakKu, punna taeroka ke'nanga ampinrai gau'na, kabusu'na anjo lakajariangi mae ri ke'nanga.’

YEHEZKIEL 31:3

Ikau rapangko poko' camara Libanon gammaraka rassi tangke coppong leko'na na ga'ga. Poko'na lambusuki na lompo coppo'na narapiki rammanga.

DANIEL 4:11

Anjo poko' kayua sanna' tinggina; batanna lompoi na kassa'. Coppo'na sa'gennai langika, sa'genna akkullei nicini' ri sikontu niaka ri buttaya.

KAIMANGNGANG 23:40

Ri allo makase'rea musti nuallei rappo-rappoang kaminang bajika battu ri kokonnu, kammayatompa leko'-leko' pandanga siagang tangke-tangke battua ri poko' kayu copponga leko'na, nampa nupakaramulai passua'-suarrang karannuanga untu' ampakalompoi Karaeng Allata'alanu.

PAMMILANGNGANG 24:17

Kuciniki, mingka teai ri kamma-kammana anne; kuparhatikangi, mingka battu bellai. Sitau karaeng battu ri Israel assala'na, labattu sanrapang bintoeng accaya. Lanalissaraki sikamma pamimpinna Moab lanaancuruki bansa Set.