YEHEZKIEL 18:9 - KITTA' MATANGKASA'

⁹ Nagaukangi parentaKu siagang naturuki hukkung-hukkungKu. Tau kammayami anjo nikana tau lambusu' siagang latuli attallasa'. INakke, Batara Kaminang Tinggia anne akkana.

YEHEZKIEL 18:9 ပူးပေါင်းရင်းမြစ်များ

1 KARAENG-KARAENG 9:4

Punna anynyombako ri Nakke situlusu'na pa'mai'nu siagang malambusu' pa'mai' sangkamma manggenu Daud, siagang nuturuki hukkung-hukkungKu kammayatompa parenta-parentaKu,

PANGNGEBARANG 12:28

Tau amminawanga ri oloang annabaya lamate'nei ri tallasa'na; tau amminawanga ri oloanna tau ja'dalaka lamangei ri matea.

YEHEZKIEL 11:12

Na nuassemmo angkanaya iNakke Batara siagang Kuhukkungko lanri le'ba'na nudakkai paratorang-paratorangKu siagang nubalang parekangi parenta-parentaKu lanri nuturukinna hukkung-hukkung bansa maraenga ri tammulilinu.”

YEHEZKIEL 18:10

Mingka ebara' angkana anjo taua nia' ana'na nangai angngella', ammuno, siagang anggaukang jai kaja'dallang maraengannaya

YEHEZKIEL 18:17

Tale'bakai a'gau' ja'dala' yareka assare angnginrang nappala' bunga. Mannuruki ri hukkung-hukkungKu siagang nagaukangi parentaKu. Anjo anaka tena nalamate lanri dosa-dosana manggena, passangalinna latuli attallasaki.

YEHEZKIEL 18:19

Mingka nia' kapang tau akkuta'nang angkana angngapa anjo anaka natena natanggongi dosa-dosana manggena. Pialinna iamintu, lanri anjo anaka bajiki siagang lambusuki. Ia mannuruki ri hukkung-hukkungKu siagang majarreki anggaukangi, jari tuli lattallasaki.

YEHEZKIEL 20:11

Anjoreng Kusarei ke'nanga parenta-parentaKu siagang Kupangngajarrangi mae ri ke'nanga hukkung-hukkungKu mustia naturuki ke'nanga, nasaba' inai-nai anturuki iami latuli attallasa'.

YEHEZKIEL 20:13

Mingka anjoreng ri parang kassika angngewa tongi ke'nanga mae ri Nakke. Nadakkai ke'nanga parenta-parentaKu, siagang natollaki hukkung-hukkung ampattantuai angkanaya inai anturuki latuli attallasaki. Sanna' nara'massinna ke'nanga allo Pammari-marianga. Lanri kammana anjo, anjoreng ri parang kassika sadiaMa' ero' a'jallo' lanri larroKu mae ri ke'nanga siagang ampanraki ke'nanga.

YEHEZKIEL 36:27

LaKupantamaki RohKu antama' ri atinnu, siagang laKujagaiko sollannu attallasaka' situru' hukkung-hukkungKu kammayatompa nugaukang sikamma parentaKu.

YEHEZKIEL 37:24

Lanipa'jari se'rei ke'nanga irawangang parentana se'rea karaeng sangkammaya Karaeng Daud, ammarentaya satunggu-tungguna. Lamajarreki ke'nanga anturuki hukkung-hukkungKu. Nampa sa'genna satunggu-tungguna ke'nanga siagang jari-jarina ke'nanga lanapammantangngi anjo pa'rasanganga, iamintu pa'rasangang Kupassareanga mae ri Yakub siagang napammantangngia boe-boena ke'nanga.

KAIMANGNGANG 18:5

Turuki paratorang-paratoranga siagang hukkung-hukkung Kupassareanga mae ri kau. Punna nugaukangi kammaya anjo, lasalamakko lalang tallasa'nu. INakkemi Batara.”

AMOS 5:14

Appattujuang mako a'gau' baji' siagang tea' mako a'gau' ja'dalaki, sollannu akkulle attallasa'. Na Batara Kaminang Koasaya ma'nassa lammantang tojengi ri tangnga-tangnganu sangkamma nukananga.

AMOS 5:24

Bajikangngangi appatujuangko sollanna a'lo'loro' kaadelanga rapang je'ne', siagang kalambusanga rapang binanga tenaya nale'ba' kalotoro'.

AMOS 5:4

Nakana Batara ri umma' Israel, “Ammotere' mako mae ri Nakke, na nulattallasa'.

HABAKUK 2:4

Siagang u'rangi: Tau ja'dalaka tena nalalasalama', mingka tau anggaukangai ero'Na Allata'ala lattallasaki lanri majarre'na mae ri Allata'ala.”

LUKAS 1:6

Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

YOHANES 14:21

Inai-nai antarimai sikamma parentaKu nampa nagaukang, iami angkamaseangA'. Inai-nai angkamaseangA', lanikamaseang tongi ri ManggeKu. LaKukamaseangi anjo taua, siagang laKupa'nyatai KalengKu mae ri ia.”

LAMPA-LAMPANA 24:16

Iaminjo saba'na natuli kuusahai baji'-baji', sollanna tangkasa' atingku mae ri Allata'ala siagang tangkasa' mae ri parangku rupatau.

ROMA 1:17

Nasaba' iaminjo Kabara' Bajika ampa'nassai angkana antekamma batena a'jari baji' ammotere' passisambunganna rupataua siagang Allata'ala. Carana, iamintu tappaki taua ri Allata'ala battu ri pakaramulanna sa'genna kala'busang. Kammaminjo niaka tattulisi' lalang ri Kittaka angkanaya, “Inai-nai tappa' ri Allata'ala sa'genna a'jari baji'mo ammotere' passisambunganna siagang Allata'ala, iami lattallasa'!”

ROMA 8:1

Kamma-kamma anne tenamo hukkungang lantabai tau assileokamo katallassanna siagang Isa Almasi.

PAOLE 11:1

“Kamaseangi Karaeng Allata'alanu, siagang tuli mannurukiko ri sikontu parentaNa.

PAOLE 4:1

Nampa nakana Musa mae ri anjo bansaya, “Turuki sikontu hukkung kupangngajarranga mae ri kau ngaseng, sollannu attallasa' sa'genna nupammantangngi anjo butta laNapassareanga Batara, Allata'alana boe-boenu, mae ri kau.

PAOLE 5:1

Napasse'rei Musa sikontu bansa Israel, nampa nakana mae ri ke'nanga, “Sikamma sari'battangku ngaseng, pilangngerimi anne hukkung-hukkung kupassareanga mae ri kau ngaseng anne alloa. Pilajari baji'-baji' anjo hukkung-hukkunga, siagang tuli majarrekko anturuki.

PAOLE 6:25

Punna tamamminraya nyawata anturuki sikontu apa Naparentakanga Karaeng Allata'alata mae ri katte, lamangngellai mae ri katte.’ ”

1 YOHANES 2:29

Nuassemmi angkanaya mappilangngeri Almasi mae ri ero'Na Allata'ala lalang ri katallassanNa. Lanri kammana, musti nuasseng tongi angkanaya inai-nai mappilangngeri mae ri ero'Na Allata'ala lalang ri katallassanna, iami ana'Na Allata'ala.

1 YOHANES 3:7

Sikamma ana'-anakku, teako passareangi kalennu nipasala oloang ri tau maraenga. Inai-nai anggaukangi ero'Na Allata'ala, iami ana'Na Allata'ala sangkamma todong Almasi Ana'Na Allata'ala.