YEHEZKIEL 18:2 - KITTA' MATANGKASA'

² “Angngapai anne paruntu' kanaya natuli nipau ri pa'rasangang Israel? ‘Tau toaya angnganre rappo anggoro' kacci kasia'na, mingka ana'-ana'na tilu nasa'ring giginna.’

YEHEZKIEL 18:2 ပူးပေါင်းရင်းမြစ်များ

AYUB 21:19

Nukana ngaseng, ‘Nihukkungi anaka ri Allata'ala lanri dosana manggena.’ Mingka inakke kukana: Tau dorakaya, iatommi nihukkung ri Allata'ala, sollanna sadara' ke'nanga angkana lanri dosana ke'nanga, Nappabattu hukkungang Allata'ala.

KALAPPASSANG 20:5

Teako anynyombai ri patung kammaya anjo, nasaba' iNakkeji Karaeng Allata'alanu, siagang taerokA' nipasangkamma manna apa-apa mamo. Sikamma tau mangngabirissia mae ri Nakke Kuhukkungi sa'genna jari-jari lapisi' makatalluna siagang makaappa'na.

YESAYA 3:15

Angngapa nanujallakkang ummakKu siagang nupacco' tu kasi-asia? INakke anne, Batara Kaminang Tinggia siagang Kaminang Koasaya, a'bicara mae ri kau ngaseng.”

YEREMIA 15:4

LaKupa'jari sikontu bansaya ri lino sanna' malla'na anciniki ke'nanga. Kugaukang ngasengi anjo sikammaya lanri panggaukanna Manasye ana' bura'nena Hizkia ri Yerusalem ri wattunna ia a'jari karaeng ri Yehuda.”

PIRAUNG 5:7

Dorakai boe-boena ikambe, anne kamma tenami ke'nanga; mingka musti ballasaki ikambe lanri dosa-dosana ke'nanga.

YEHEZKIEL 12:22

“He tau, angngapai tu Israel nangai kammai napau paruntu' kana kammaya anne: ‘Kasambeangi jammanga, mingka botoa tenanga'rupayai'’?

YEHEZKIEL 16:44

Nakana Batara, “He Yerusalem, lanapitabaiko taua paruntu' kana angkanaya, ‘Sangkamma amma'na, kamma tomminjo ana' bainena.’

YEHEZKIEL 17:12

“Kuta'nangi anjo sikamma tau nangaia angngewa, apaka napahanji battuanna anjo pangngebaranga? Pabattuangi ke'nanga angkanaya le'ba'mi battu karaeng Babel ri Yerusalem, nampa naengka' karaeng Yehuda siagang sikamma pamimpinna anjo kotaya mange ri Babel.

YEHEZKIEL 18:1

Nakana Batara ri nakke,

YEHEZKIEL 18:19

Mingka nia' kapang tau akkuta'nang angkana angngapa anjo anaka natena natanggongi dosa-dosana manggena. Pialinna iamintu, lanri anjo anaka bajiki siagang lambusuki. Ia mannuruki ri hukkung-hukkungKu siagang majarreki anggaukangi, jari tuli lattallasaki.

YEHEZKIEL 18:3

Lanri iNakke, Allata'ala mattallasaka, Batara Kaminang Tinggia, anjo paruntu' kanaya tenamo nalanitappu ri Israel.

YEHEZKIEL 25:3

Suroi anjo bansaya ampilangngeri apa Kupaua, iNakke, Batara Kaminang Tinggia, mae ri ke'nanga, angkana, ‘Sannangi nyawanu anciniki BallakKu nira'massi siagang butta Israel nipanraki kammayatompa bansa Yahudi niengka' mange ri pammelakkanga.

YEHEZKIEL 37:11

Nakana Allata'ala ri nakke, “He tau, anne sikamma buku-bukua iami pangngebaranna bansa Israel. Akkunrarengi ke'nanga lanri kalotoroki, tena panrannuanna siagang tena allo ri bokona.

YEHEZKIEL 37:19

pauangi ke'nanga, angkana iNakke, Batara Kaminang Tinggia, langngalle se're takkang pangngebaranna Israel nampa Kupasialle se're takkang pangngebaranna Yehuda. Anjo ruaya takkang laKupa'jari se'rei siagang Kuta'galaki lalang limangKu.

YEHEZKIEL 7:2

“He tau, iNakke, Batara Kaminang Tinggia, eroki Kupabattu anne mae ri butta Israel angkana: Iaminne kala'busanna riwaya'na sikontu anne pa'rasanganga!”

MATIUS 23:36

Patappa'mi angkanaya: yangasenna anjo panggaukanga lanagappa ngasengi hukkunganna tau niaka ri anne jammanga!”

ROMA 9:20

Mingka ikau sari'battang, tau biasajako bawang! Takkulleako barani appiali mae ri Allata'ala! Maka akkullei se'rea pammantangang bunga mae ri tau amparekai, angkana, “Apa saba'na nanupare' kamma' anne?”