YEHEZKIEL 17:6 - KITTA' MATANGKASA'

⁶ Anjo lamung-lamunga a'jari poko' anggoro' attimbo tena natinggi, mingka luaraki batena a'la'ba'. Sikamma tangkenna tattuju mangei ri anjo jangang-jangang rajawalia, siagang aka'-aka'na anna'gala' jarreki lalang ri buttaya. Teai sipato' copponna leko'na anjo poko' anggoroka.

YEHEZKIEL 17:6 ပူးပေါင်းရင်းမြစ်များ

2 PATTOTTORANG 36:10

Ri wattunna kasambeang taunga niengkaki Yoyakhin ri Karaeng Nebukadnezar mange ri Babel salaku tunitahang, nampa nierang barang-barang lompoa anggaranna niaka ri Balla'Na Batara. Nampa naangka' Nebukadnezar Zedekia, purinanna Yoyakhin, a'jari karaeng ri Yehuda siagang Yerusalem.

PAMMUJI 80:8

O, Allata'ala Kaminang Koasaya, Kipammollei ikambe lammoro' pa'mai' maKi' anciniki ikambe, sollanna salama' ikambe.

YESAYA 18:5

Ri tenanapa nawattu rappo-rappoang, ri wattu runannamo bunganna siagang ri tenanapa nati'no' anggoroka ri poko'na, laniancuru'mi Sudan ri musunna, kamma gampanna ladinga angkattiliki tangke-tangkenna anggoroka battu poko' anggoroka.

YEHEZKIEL 17:14

sollanna takkulleamo ambangung ammotere' anjo kakaraengang Yehuda, siagang untu' ampattantui angkanaya anjo parjanjianga akkulle tojeng-tojengi nirupai.

YEHEZKIEL 17:5

Nampa angngalle sipoko' lamung-lamung lolo battu ri butta Israel, siagang nalamungi ri se'reang koko coppong, tenaya nale'ba' kurang je'ne'na.

YEHEZKIEL 17:7

Lalang kammana anjo nia'mo jangang-jangang rajawali sannaka lompona maraengang; la'baki ka'nyi'na siagang kapalaki bulunna. Nampa anjo poko' anggoroka napitujui aka'-aka'na siagang tangke-tangkenna mae ri anjo jangang-jangang rajawali berua lanri naminasaina angkana anjo jangang-janganga akkullei assare je'ne' la'bi jaiangngang na anjo je'ne' niaka ri anjo kokoa.

YEHEZKIEL 19:10

Amma'nu rapangi poko' anggoro' ga'ga attimboa ri koko a'biring pangka binangaya. Coppongi leko'na na'rappo lanri alla'bina je'neka anjoreng.

YEHEZKIEL 29:15

iamintu kaminang lammaya ri sikontu linoa. LaKupa'jariko sanna' lammanu, sa'gennu takkullea ammarenta mae ri bansa-bansa maraeng, yareka ampattampoangi kalennu mae ri ke'nanga.

MATIUS 13:26

Ri wattunna appakkaramulamo attimbo anjo lamung-lamunga, siagang appakkaramulamo kacinikang rapponna, kacinikang tommi anjo ruku' reaya.