YEHEZKIEL 17:23 - KITTA' MATANGKASA'

²³ Ri moncong kaminang tinggi ri Israel Kupatinting. Anjorengi laccu'la' siagang a'rappo nampa a'jari poko' camara sannaka porena. Sangka' rupa jangang-jangang la'ru'mung anjoreng siagang a'la'lang irawanganna.

YEHEZKIEL 17:23 ပူးပေါင်းရင်းမြစ်များ

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

PAMMUJI 80:8

O, Allata'ala Kaminang Koasaya, Kipammollei ikambe lammoro' pa'mai' maKi' anciniki ikambe, sollanna salama' ikambe.

KELONG MALA'BIRI' 5:15

Bangkenna rapangi benteng-benteng tembo' accilla' kebo', nilangga ri bulaeng ti'no'. Pakkaleanna sanrapangi bulu'-bulu' Libanon, gammara' kamma poko' kayu arasa'.

YESAYA 2:2

Ri allo-allo labattua bulu' tampa' Balla'Na Batara ammenteng tinggi nai' siagang ammenteng kassaki irate moncong-moncong siagang sikamma buluka. Sikontu bansaya a'balulungi mange anjoreng,

YESAYA 27:6

Ri wattu labattua sallang, bansa Israel lasanrapangi poko' kayu angngaka' siagang a'bakka', siagang napirassi tompo'na buttaya siagang rappo-rapponna.

YESAYA 49:18

Ciniki siagang parhatikangi niaka ri tammulilinu, a'rappungammi ra'ya'nu battu mae ri kau. Lanri iNakke, Allata'ala mattallasaka, Kukana, tojeng, lalompoi pa'mai'nu lanri pandudu'nu, rapang bunting baine lompoa pa'mai'na lanri belo-belona.

YEREMIA 31:12

Labattui ke'nanga mange ri Bulu' Sion accaya nicini' rupanna, akkelong a'rannu-rannu lanri sikontu passareKu mae ri ke'nanga, iamintu gandung, minynya', anggoro', sapi siagang gimbala'. Rapang ke'nanga koko ga'ga gannaka ri je'ne, siagang tena kakurangang apa-apa.

YEHEZKIEL 20:40

Nasaba' ri butta Israel, ri coppo' bulukKu matangkasaka, ikau ngaseng, bansa Israel lanynyombako mae ri Nakke. Anjoreng lasannangi nyawaKu mae ri kau siagang erokKa' antarimai koro'bang-koro'bannu, passare-passarenu kaminang bajika siagang passare-passare nusa'laka.

YEHEZKIEL 31:6

Sangka' rupa jangang-jangang a'ru'mung ri tangkenna. Olo'-olo' liaraka ammana' irawa ri la'lanna. Sikontu bansa lompoa ri lino ammempo a'la'lang irawanganna.

YEHEZKIEL 36:8

Mingka mae ri kau Kukana he moncong-monconna Israel, poko'-poko'nu laccu'laki siagang la'rappo poleangi untu' ummakKu Israel tenayamo nasallo nammotere'.

YEHEZKIEL 40:2

Lalang se're paccini', Naeranga' kucini' Allata'ala mange ri butta Israel nampa nabolikka' ri moncong tinggia. Ri dallekangku nia' kucini' sipa'gompoang bangunang santanjaka se're kota.

DANIEL 4:8

Kala'busanna battumi Daniel ia niarenga todong Beltsazar, sangkamma arenna rewatangku. Anjo Daniel nikoasai ri roh rewata-rewata matangkasa'. Kucarita tongi so'naku mae ri ia, kukana,

DANIEL 4:9

“He, Beltsazar, pamimpinna tau cara'deka, kuassengi angkanaya ikau nikoasaiko ri rohna rewata-rewata matangkasaka, sa'genna tena rahasia taccokko mae ri kau. Pilangngeri anne so'naku, siagang pakasingaraki battuanna.

HOSEA 14:7

Lattallasaki siagang lakatambangi ke'nanga rapang lamung-lamung accu'laka ri kere-keremae, rapang poko' zaitun ga'gana bau' rasanna rapang poko' camara!

HOSEA 14:8

Lammotereki ke'nanga mae ri Nakke nammamtang lalang ri la'langKu. Lintaki ke'nanga katambang kalumanynyanna, rapang gandung a'bakka' ri koko copponga buttana siagang rapang koko anggoro'. Rapang je'ne' anggoro' Libanon lamasahoroki arenna ke'nanga.

MIKHA 4:1

Ri allo-allo labattua bonto, tampa' Balla'Na Batara, lammenteng kassaki nai' ri langika la'biangngangi nasikamma monconga siagang bonto-bontoa. Sikontu bansaya a'balulungi mange anjoreng

MATIUS 13:32

Anjo lisere' lamunganga, iami lisere' lamungang kaminang ca'di ri linoa. Mingka punna attimbomo anjo lisere' lamunganga, iami a'jari poko' kaminang lompo ri sikamma lamung-lamungang niaka anjoreng. A'jarimi poko' lompo, sa'genna battumo jangang-janganga appare' ru'mung ri tangke-tangkenna.”

MARKUS 4:32

Mingka ri wattunna attimbomo, iami a'jari poko' kaminang lompo ri sikamma poko'-poko' lu'muka poko'na. Sanna' copponna tangke-tangkenna, sa'genna akkulle napa'ru'mungi siagang napa'la'langi jangang-jangang.”

LUKAS 13:19

Lakammaminne pangngebaranna: Nia' silisere' parekang lamungang sannaka ca'dina lisere'na naalle taua nampa nalamung ri kokonna. Nampa attimbo anjo lamunganga, a'jari poko' kayu lompo. Battumi jangang-janganga appare' ru'mung ri tangke-tangkenna.”

YOHANES 12:24

Annaba tojeng-tojengi anne kanangKu: Punna tanilamunga silisereka gandung antama' ri buttaya nampa mate, tuli lammantanna a'jari silisere' anjo gandunga. Mingka punna mate anjo lisere' gandunga, nampami akkulle assare wassele' a'jari jaiangang gandung.

GALATIA 3:28

Lalang ri kammana anjo tenamo nanipasimmaraengi tu Yahudia siagang bansa-bansa maraenga, yareka ataya siagang tau bebasaka, yareka tu bura'nea na tu bainea. A'jari se're ngaseng mako lanri Isa Almasi.

KOLOSE 3:11

Kale'bakkanna allanynya'mi sikontu passimmaraenganna tu Yahudia siagang bansa-bansa maraenga, yareka tu nisunnaka siagang tu tenaya nisunnaki; tenamo passimmaraengang ri bansa battu-battua siagang tau bambalaka; tenamo passimmaraengang ri tu a'jari ataya siagang tu bebasaka; nasaba' Almasimi a'jari yangaseng-ngasenna. Asse're ngasemmi ke'nanga lalang ri Almasi!

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”