YEHEZKIEL 17:2 - KITTA' MATANGKASA'

^2-3 Kupabattua, iNakke Batara Kaminang Tinggia angkana: Nia' sikayu jangang-jangang rajawali sannaka lompona, ga'ga bulunna, siagang la'baki nakassa' ka'nyi'na. Anri'baki mange ri Moncong Libanon, annepo' cappa' poko' kayu camara,

YEHEZKIEL 17:2 ပူးပေါင်းရင်းမြစ်များ

YEHEZKIEL 17:1

Nakana Batara ri nakke, “He tau, caritai mae ri tu Israel anne pangngebarang,

YEHEZKIEL 20:49

Mingka iNakke, Yehezkiel, tena kusituju nakukana, “O Batara Kaminang Tinggia, teaKi' suroia' ampaui anjo kammaya! Sikontuna taua akkunrareng ngasemmi nasaba' le'ba'ma' a'bicara lalang pangngebarang, sa'genna sukkara' nipahang.”

YEHEZKIEL 21:5

Nampa sikontu taua naassemmi angkanaya iNakke, Batara, ambi'buki pa'dangKu siagang tena nalaKupari banoa ammotere'.’

YEHEZKIEL 24:3

INakke, Batara, nia' se're pangngebarangKu untu' lanipabattu mae ri ummakKu nangaia angngewa: Tiriki je'neka antama ri pancia nampa padongkoki irate ri pepeka.

HOSEA 12:10

Mingka iNakke, Karaeng Allata'alanu, le'baka angngerang ngasengko assulu' battu ri Mesir, laKupammantangko pole ri kema-kemaya sangkamma riolo, ri wattungKu battu mae ri kau ri parang lompoa.

HOSEA 12:11

Le'ba'Ma' a'bicara mae ri na'bi-na'bia, siagang jaimi pappiso'na le'ba' Kupicinikiangi ke'nanga. Tete ri ke'nanga Kupaumi sikamma rancanaKu untu' ikau ngaseng, ummakKu,

MATIUS 13:35

Lanri kammana, a'rupami apa le'baka napau na'bia angkana, “PungKu a'bicara ri ke'nanga pangngebarang Kupake Kupakasingara' ngasengi mae ri ke'nanga apa-apa taccokkoa battu ri uru kajarianna anne linoa.”

1 KORINTUS 13:12

Anne apa nicinika ri kamma-kammaya anne, sanrapangi apa-apa nicinika lalang ri carammeng tenaya natangkasa'. Mingka sallang, lasingara' ngasengi nicini'na. Kamma-kamma anne tenapa kuasseng ngasengi apa-apaya; mingka sallang lasukkuki kuassenna, sangkamma sukku' Naassengku Allata'ala.