YEHEZKIEL 17:16 - KITTA' MATANGKASA'

¹⁶ Lanri iNakke, Allata'ala mattallasaka, Batara Kaminang Tinggia, lamatei karaeng Yehuda ri Babel, lanri nakaluppaina sumpana siagang nadakkaina parjanjianna siagang karaeng Babel le'baka ampaempoi irate ri empoang kakaraenganga.

YEHEZKIEL 17:16 ပူးပေါင်းရင်းမြစ်များ

2 SAMUEL 21:2

(Anjo tu Gibeon teai tu Israel; anjo ke'nanga golongang ca'di lalang ri tu Amori. Le'baki a'janji tu Israel angkanaya lanala'langngi ke'nanga, mingka Saul eroki naputta ke'nanga lanri nanawa-nawana kaparalluanna tu Israel siagang tu Yehuda.) Nampa nakio'mo Daud anjo tu Gibeon,

2 KARAENG-KARAENG 24:17

Nampa naengka' Nebukadnezar tuniarenga Matanya, iamintu purinanna Yoyakhin, a'jari karaeng ri Yehuda, siagang napinrai arenna a'jari Zedekia.

2 KARAENG-KARAENG 24:20

Teai sipato' larroNa Batara mae ri pandudu'na Yerusalem siagang ri tu Yehuda, sa'genna tenamo Naparhatikangi ke'nanga.

PAMMUJI 15:4

ancini' tunayai tu nitollaka ri Allata'ala, mingka napakala'biriki tu mappilangngeria; anrupaiyai janjinna, manna pole narugi

KALAPPASSANG 20:7

Teako tappu bawang-bawangngi arengKu, saba' iNakke, Karaeng Allata'alanu, anghukkungi manna pole inai ampake salayai arengKu.

KALAPPASSANG 8:2

Punna taerokako, anne pa'rasanganga laKupirassi siagang tumpang, a'jari hukkungang mae ri kau.

YEREMIA 34:21

Zedekia karaeng Yehuda siagang sikamma pagawe pamarentahanna laKupassareangi mae ri sikamma tau eroka ambunoi ke'nanga. LaKupassareangi ke'nanga mae ri tantarana Babel, ia ambokoia mako ri kamma-kammaya anne.

YEREMIA 39:7

Le'baki anjo nikocci'mi assulu' matanna Zedekia, nampa nisikko' na nierang mange ri Babel.

YEREMIA 52:11

Le'baki anjo nikocci'mi assulu' matanna Zedekia, nampa nisikko' siagang nierang mange ri Babel. Anjoreng nipantamaki ri tarungkua, siagang tale'bakai assulu' battu anjoreng sa'genna mate.

YEHEZKIEL 12:13

Mingka laKubuangi jalaKu untu' anjakkalaki. LaKuerangi mange ri Babel, siagang anjorengi lamate natale'baka nacini' anjo kotaya.

YEHEZKIEL 16:59

Nakana Batara Kaminang Tinggia, “LaKugaukangi mae ri kau situru' panggaukannu, lanri nudakkai sumpanu siagang parjanjiannu siagang iNakke.

YEHEZKIEL 17:10

Memang, attimbo kassa'mi, mingka maka akkulle attallasa' tulusu' siagang a'bakka'? Maka tena nalakalumeng niiri' ri anging battu raya? Maka tena nala'jari kalotoro' ri tampa'na nilamung?”

YEHEZKIEL 17:13

Nampa napilei kalase'renna bijanna anjo karaeng Yehuda, appare' parjanjiang siagang ia, siagang nasuro assumpa lamajarre' mae ri karaeng Babel. Anjo karaeng Babel naallei sikamma tau pamimpinga siagang tau cara'deka

YEHEZKIEL 21:23

Tena natappa' pandudu'na Yerusalem angkanaya lanibunduki ke'nanga, lanri le'baki ke'nanga appare' parjanjiang siagang Babel. Mingka anne botoa lampakaingaki ke'nanga angkanaya lanijakkalaki ke'nanga lanri dosa-dosana.

HOSEA 10:4

A'bicara kosongi ke'nanga siagang appareki janji takontutojeng siagang anynyikkoki parjanjiang tenaya matu-matunna. Naputara' baleki hukkunga ke'nanga, sa'genna attimbomo tenaya naadele' rapang lamung-lamung a'racunga ri koko le'baka nibingkung.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

PAMMILANGNGANG 30:2

Punna nia' tu bura'ne attinja' yareka appau janji siagang sumpa mae ri Batara, sa'genna nasikko' kalenna siagang se'reang janji, musti narupai anjo apa napa'janjianga, siagang takkulleai tanarupai anjo kananna.

ROMA 1:31

taerokai ke'nanga ampahangi tau maraenga; tajarrekai ke'nanga ri janjinna siagang sanna' palla'na.

1 TIMOTIUS 1:10

tau a'gau' bawanga, tau sigau' bawanga para bura'ne, pagorraka, paballe-ballea; sa'bi-sa'bi balle-ballea, kammayatompa inai-nai mamo anggaukangai apa-apa assisalaya siagang pangngajarang tojenga.

2 TIMOTIUS 3:3

Tena pangngarimangnginna siagang pangngamaseanna ke'nanga, tanangaiyai ampammopporangi paranna tau, nangai nabotto'-bottoki arenna paranna tau, nangai ammassa ri paranna tau, pallaki, siagang birisiki mae ri kabajikanga.

YOSUA 9:20

Takkulleaki' ambunoi ke'nanga nasaba' le'ba' maki' a'janji; napunna tena nanirupai anjo janjia, lanihukkungki' ri Allata'ala.