YEHEZKIEL 16:7 - KITTA' MATANGKASA'

^7-9 AngngalleA' je'ne' nampa Kubissai ceraka ri kalennu. Kusossoroki bukkulennu siagang minynya' zaitun. Kupakalompoko sanrapang lamung-lamung copponga. Longkoroki pattimbonu, sehakko siagang tinggiko, siagang a'jariko rapang se're baine lolo. Appakkaramulai attimbo susunnu siagang la'bui uu'nu, mingka assolarakko. Ri wattungKu allalo poleang, Kucini'mi angkanaya narapi'mi wattunnu untu' a'bayuang. Kuka'rangi jubaKu mae ri kalennu assolaraka siagang Kupa'janjiammi pangngaingKu mae ri kau. Iyo, appare'Ma' kana passikko' janji angkanaya laKubuntingiko, siagang iNakke lampatangko. INakke, Batara Kaminang Tinggia, anne akkana.

YEHEZKIEL 16:7 ပူးပေါင်းရင်းမြစ်များ

PA'JARIANG 22:17

laKubarakkakiko alla'bi-la'bi siagang laKupa'jari jai turungannu sanrapang bintoenga jaina ri langi' siagang sanrapang kassika jaina ri biring tamparanga. Sikamma ana'-cucunnu lanabeta ngasengi sikamma musunna ke'nanga.

AYUB 1:21

“Nilassukkanga' natena apa-apangku, siagang punna matea' tena todong apa-apangku. Batara assarea' nampa Batara todong angngallei ammotere'. Nipujimi arenNa!”

PAMMUJI 135:4

Napilei Yakub untu' KalenNa, umma' Israel Napa'jari Ia ampatangi.

PAMMUJI 147:20

Tena Nagaukangi kammaya mae ri bansa-bansa maraenga, tena naassengi ke'nanga hukkung-hukkunNa. Pujimi Batara!

PAMMUJI 148:14

Le'ba'mi Napakajarre' bansana, sa'genna nipuji-pujimo ri umma'Na, Israel, umma' nasayanNa. Pujimi Batara!

KALAPPASSANG 1:7

Mingka anjo turunganna tu Israel a'bija-bijami a'jari sanna' jaina. Teai sipato' linta'na katambang jaina ke'nanga, sa'genna ero'mi rassi pa'rasangang Mesir napakamma ke'nanga.

KALAPPASSANG 12:37

A'lampami tu Israel a'jappa bangkeng battu ri kota Raamses mange ri kota Sukot. Ia jaina ke'nanga iamintu 600.000 tau, tanirekengapi bai'-bainea siagang ana'-anaka.

KALAPPASSANG 3:22

Tunggala' tu baine Israelka massing lappalaki battu ri siampi' balla'na tu Mesirka kammayatompa battu ri tu baine naaganga siballa', iamintu pakeang siagang belo-belo pera' siagang bulaeng. Lanupakei anjo belo-beloa siagang ana'-ana'nu. Kammaminjo batenu langngalleangi apa-apanna tu Mesir.”

KELONG MALA'BIRI' 4:5

Susunnu rapangi rua ana' jonga, ana' kijang akkambara' sitabanga angnganre ruku' ri alla'na bunga-bunga bakunga.

KELONG MALA'BIRI' 8:10

Inakke anne rapanga' se're tembo', na susungku rapang a'jari menarana. Naassengi tanringku angkana punna niakka' ri ia lamate'nei pakkasiakku.

KELONG MALA'BIRI' 8:8

Nia' sitau baine andi'na ikambe ca'di iji susunna. Apa musti nagaukang ikambe mae ri ia punna nia' battu ampassuroi?

YESAYA 61:10

Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.

YESAYA 62:3

La'jariko rapang songko' kala'birang lalang limanNa Batara, songko' kakaraengang lalang limanNa Allata'alanu.

YEHEZKIEL 16:16

Sipa'gang pakeannu nupakei untu' ambelo-beloi tampa' panynyombanga mae ri barhalaya. A'jariko baine pasundala' siagang nupassareangi kalennu mae ri sikamma tu bura'nea.

YEHEZKIEL 16:22

Lalang ri katallassannu anjo appakaringi'-ringika salaku pasundala', manna sike'de' tanuu'rangi ri wattunnu ca'di riolo, ri wattunnu assolara' ammokki' niamme ri cera' kalennu.”

YEHEZKIEL 16:6

Nampa allaloMa' naKucinikko ammokki' lalang ri pangngammeang cera'nu, mingka tena naKulappassangko mate.

HOSEA 2:3

Punna tulusu' assundala'na, laKusungkeangi pakeanna sollanna assolara' sangkamma ri allo nilassukanna. LaKupa'jari sanrapang butta kalotoro' na roso', nalamate napakamma turere.

LAMPA-LAMPANA 7:17

Ri wattunna la'birimmo narapi' wattunna laNarupai janjinNa Allata'ala mae ri Abraham, pila' katambammi jaina bansata ri pa'rasangang Mesir.

PAOLE 1:10

lanri pila' Napa'jari jai mako Karaeng Allata'alanu, rapang bintoenga ri langika jaina.

PAOLE 1:11

Dasi-dasi na Batara, Allata'alana boe-boenu tulusu' antambai jainu sa'genna a'lappi sisa'bu, kammayatompa Napa'jariko bansa akkalumanynyang sangkamma le'baka Napa'janjiang.

PAOLE 4:8

Bansa lompo kereanga nia' hukkung-hukkung adele' kammaya, sangkamma hukkung-hukkung kupangngajarranga mae ri kau ngaseng anne alloa?