YEHEZKIEL 16:5 - KITTA' MATANGKASA'

⁵ Tena manna sitau mangngamaseang ri kau sa'genna ero' anggaukangi anjo sikammaya passala' mae ri kau. Ri wattunnu lassu', tena nia' ansayangko, ba'lalo nipelakko mae ri kokoa.

YEHEZKIEL 16:5 ပူးပေါင်းရင်းမြစ်များ

PA'JARIANG 21:10

Nacini'na Sara anjo ke'nanga, nakanamo ri Abraham, “Bongkai a'lampa anjo ata bainea siagang ana'na. Takkulleai ana'na baine kammaya annarima bageang battu ri barang-barannu lanasossoranga anakku Ishak.”

KALAPPASSANG 1:22

Appasulu'mi parenta karaenga mae ri sikontu ra'ya'na angkana, “Sikontu ana' bura'ne beru lassuka ri tu Ibrania musti nipelaki antama' ri Binanga Nil, mingka sikontu ana'na bainea akkullei nilappassang attallasa'.”

YESAYA 49:15

Appialimi Batara, angkana, “Maka akkullei se'rea amma' angkaluppai ana'na, siagang tanasayangnga ana' kalenna? Manna pole na nakaluppai, mingka iNakke tena nalaKukaluppaiko!

YEREMIA 22:19

Lanire'resangi Yoyakim nampa nipasambila assulu' battu ri pakke'bu' lompona Yerusalem, sangkamma nagaukanga taua mae ri keledai matea.”

PIRAUNG 2:11

Akkambammi matangku lanri tenammariku angngarruka tojeng, pa'risi' nyawaku tena rapanna. Pacce nyawaku anciniki runtung bansaya; anciniki ana'-anaka siagang ana' loloa sessa ri tangngana aganga ri kota-kotaya.

PIRAUNG 2:19

Ambangungko ma'mole-mole tuntung bangngi untu' akkio' ampasuluki bone atinnu ri Batara. Palaki sollanna Mangngamaseang ri ana'-ana'nu naallea cipuru' takkaluppaya ri tunggala' panyingkulu'na aganga.

PIRAUNG 4:10

Tamaka heba'na anjo bala antujuai ummakKu sa'genna manna anrong baji' pa'maika napallumi ana' kalenna untu' ambonei battanna.

PIRAUNG 4:3

Anrong kongkong romanga bawang nanapasusu ana'na, mingka ummakKu tamaka palla'na rapang jangang-jangang unta niaka ri parang.

YEHEZKIEL 16:6

Nampa allaloMa' naKucinikko ammokki' lalang ri pangngammeang cera'nu, mingka tena naKulappassangko mate.

YEHEZKIEL 2:6

Mingka ikau, he tau, teako mallakki mae ri anjo tau paewaya, yareka mae ri manna apa pole nakana ke'nanga. Lanaewako siagang lanahinako ke'nanga, sa'gennu rapangko tau attallasaka ri tangnga-tangngana olo'-olo' niaka racunna punna angngokko'. Mingka manna nakamma teako mallakki.

PAMMILANGNGANG 19:16

Sikamma tau niseroa ri maya'na tau mate nibunoa, yareka mate kalenna ri kokoa, a'jari ra'masaki lalang tuju allo. Kamma tomminjo tau anseroai jera'na yareka bukunna tau matea.

PAOLE 32:10

Narapikangi ke'nanga sitabang alla'bang, ri tampa' sinoa ri parang lompoa. Iami ke'nanga rapang pa'mai'Na, Nala'langia siagang Naparakaia.