YEHEZKIEL 16:34 - KITTA' MATANGKASA'

³⁴ Ikau pasundala' mara'-maraengko. Tena ampassako a'jari pasundala'. Tena nibayarakko, ba'lalo ikaumi a'bayara'. Memang, ikau mara'-maraeng sikaliko.”

YEHEZKIEL 16:34 ပူးပေါင်းရင်းမြစ်များ

PA'JARIANG 38:24

Kira-kira tallum bulang ribokoanganna anggappami kabara' Yehuda angkanaya anjo mintunna, iamintu Tamar, a'jari baine ja'dalaki siagang attianammi. Jari naparentakammi Yehuda angkana, “Allei anjo bainea nampa nitunu sa'genna mate!”

PA'JARIANG 39:7

Siapa are allo ribokoanganna, appakkaramulami battu ero'na bainenna Potifar angngagangi assikatinroang Yusuf. Nakio'mi anjo turungkaya mae assikatinroang siagang ia.

YEHEZKIEL 16:33

Se'rea pasundala' tuli nibayaraki, mingka kabalekanna ikau assarei hadia sikamma tu bura'ne nuaganga assikatinroang, ba'lalo nunyonyoki ke'nanga siagang doe' sollanna battu ngaseng angngagangko assikatinroang.

YEHEZKIEL 16:35

He Yerusalem, pasundalaka, pilangngeri apa kananNa Batara Kaminang Tinggia, angkana, “Le'ba'mi nusungke bajunnu, siagang salaku pasundala' nupassareammi kalennu mae ri sikamma tanrinnu siagang mae ri anjo barhala-barhalanu appakaringi'-ringika. Ana'-ana'nu nubunoi siagang nukoro'bangkangi mae ri anjo barhala-barhalaya.

HOSEA 8:9

Rapang keledai liara' tenaya namannuruki, kammami anjo tu Israel sangnging ero' kalenna naturukiang. A'boyai ke'nanga bantuang battu ri Asyur, siagang ammalli ke'nanga passari'battangang battu ri bansa-bansa maraenga.