YEHEZKIEL 16:3 - KITTA' MATANGKASA'

³ Batara Kaminang Tinggia nasuroa' ampabattui anne pasanga mae ri Yerusalem, angkana, “He Yerusalem, ikau lassukko ri butta Kanaan. Manggenu tu Amori siagang amma'nu tu Het.

YEHEZKIEL 16:3 ပူးပေါင်းရင်းမြစ်များ

PA'JARIANG 11:25

Le'baki anjo attallasa' iji Nahor 119 taung sallona, siagang nisare iji siapa are ana' maraengannaya.

PA'JARIANG 11:29

Abram a'nikkai siagang Sarai, nampa Nahor a'nikkai siagang Milka ana' bainena Haran. Nia' ija ana'na Haran bura'ne maraengannaya niareng Yiska.

PA'JARIANG 15:16

Punna narapi'mo patang lapisi' turungannu, lammotere'mi cucu-cucunnu mae anrinni, nasaba' talaKubongkayapi a'lampa tu Amori punna tenapa ta'liwa' ja'dala'na ke'nanga sa'genna parallu nihukkung.”

1 KARAENG-KARAENG 21:26

Ahab nagaukangi dosa-dosa sannaka hinana: anynyombai barhala sangkamma nagaukanga tu Amori, iamintu tau le'baka nibongka ri Batara assulu' battu ri pa'rasangang Kanaan ri wattunna napantamakki Israel anjo pa'rasanganga.

2 KARAENG-KARAENG 21:11

“Karaeng Manasye teai sipato' ja'dala'na. Bella la'bi ja'dala'na panggaukanna na panggaukanna tu Kanaan. Lanri barhala-barhala napareka nanaerang tu Yehuda mange ri gau' dosaya.

EZRA 9:1

Ri le'ba'namo nigaukang ngaseng sikammaya anjo, nia'mo siapa are tutoa-toana bansa Israel battu mae ri nakke. Napauanga' ke'nanga angkanaya ra'ya' Israel, kammayatompa sikamma imanga, siagang sikamma tu Lewia, tena nanasa'laki kalenna ke'nanga battu ri bansa-bansa maraeng niaka a'reppese' anjoreng, iamintu bansa Amon, Moab, Mesir, Kanaan, Het, Feris, Yebus siagang Amori. Ba'lalo manna sikamma imanga siagang tu Lewia appakamma ngaseng tongi. Nagaukang ngaseng tongi ke'nanga panggaukang-panggaukang sannaka ja'dala'na, ia nagaukanga anjo bansa-bansa maraenga.

NEHEMIA 9:7

IKattemi Allata'ala, Batara tenaya ruanna Kipilei Abram battu ri tangnga-tangnga bansana. Nabokoimi Ur ri Babel, lanri kalenTa ampimpingi. Nampa Kisare areng beru: Abraham, iaminjo arenna appakkaramula anjo wattua.

YESAYA 1:10

Yerusalem, sikamma pamimpinnu siagang bansanu, a'jari sangkammami tu Sodom siagang tu Gomora. Pilangngerimi apa Nakanaya Batara mae ri kau; parhatikangi apa Napangngajarranga Allata'alata.

YESAYA 43:27

Dorakami boe-boenu riolo dudua, sikamma pamimpinnu angngewai ri Nakke,

YEHEZKIEL 16:2

“He tau, pappicinikangi mae ri Yerusalem sikamma panggaukang kodi le'baka nagaukang ke'nanga.”

YEHEZKIEL 16:4

Ri wattunnu lassu', tena ampolongangko pocci'nu, yareka anje'nekko, yareka ansapuiko ce'la, yareka angkalimbukiko kaeng.

YEHEZKIEL 16:45

Memang, ikaumi ana' bainena amma'nu. Tena nangai bura'nenna siagang ana'-ana' kalenna. Ikau sangkammako sikamma sari'battang bainenu tenaya todong nangai bura'nenna siagang ana'-ana'na. Ikau siagang sari'battannu, iamintu kota-kota niaka ri tammulilinu amma'nu tu Het siagang manggenu tu Amori.

YEHEZKIEL 21:30

He tu Amon, paribanoai ammotere' pa'dannu! LaKuadeliko ri tampa'nu nipa'jari siagang nilassukang.

MATIUS 11:24

U'rangi laloi angkanaya, punna narapi' Allo Kiamaka sallang, akkulleangangi Napammopporang Allata'ala dosa-dosana tau niaka anjoreng ri kota Sodom nakala ikau ngaseng!”

MATIUS 3:7

Jai tommi tu Farisi siagang tu Saduki battu mae ri Yohanes, ero' assuro je'neki kalenna. Mingka nacini'na Yohanes battu todong ke'nanga, nakanamo ri ke'nanga, “Ikau ngaseng tu ja'dalaka! Inai ampauangko angkanaya akkullei nuliliang hukkunganNa Allata'ala, labattua sallang mae ri kau?

LUKAS 3:7

Jaimi tau mae ri Yohanes untu' nije'ne'. Nakanamo Yohanes ri ke'nanga, “Ikau ngaseng tau ja'dalaka! Inai ampauangko angkanaya lakkullei nuliliang hukkungang labattua ri Allata'ala?

YOHANES 8:44

Ia manggenu iamintu Billisika, naia eroka nuturuki iamintu ero'na manggenu. Battu ri uru-urunaji napabuno memang anjo Billisika. Tena le'bakai mae ri katojenganga, lanri tena katojengang ri kalenna. Punna a'balle-balle, anjo biasa memanji ri ia, nasaba' kamma memanjinjo sipa'na. Iami paballe-balle, siagang iami nakabattui sikontu balle-ballea.

EFESUS 2:3

Riolo sangkamma ngaseng tongki' anjo ke'nanga; amminawang turukki' mae ri sipa'-sipa' rupatauta, siagang iaji nigaukang apa akkullea ampakasannangi tubuta siagang pikkirang ja'dalatta. Anjo wattua nataba tongki' pangngalarroiNa Allata'ala, sangkamma tau maraenga.

PAOLE 20:17

Situru' parentaNa Karaeng Allata'alanu, musti nuancuruki tu Het, Amori, Kanaan, Feris, Hewi siagang Yebus.

PAOLE 7:1

“LaNaerangko Karaeng Allata'alanu mange ri pa'rasangang lanupammantangngia, siagang jai bansa laNabongka battu anjoreng. LaNabongkai tujua bansa la'bi lompo siagang la'bi kassakkangngang na ikau ri dallekang matannu, iamintu: Tu Het, Girgasi, Amori, Kanaan, Feris, Hewi siagang Yebus.

YOSUA 13:4

Kammayatompa musti nialle iji iamintu: sikontu daera Kanaan siagang Meara (daerana bansa Sidon), sa'genna mange ri Afek ri pa'baeng-baenna daera bansa Amori;

YOSUA 24:14

Nakanamo pole Yosua, “Jari, kamma-kamma anne pakala'biriki Batara. Anynyombako mae ri Ia silambusu'na pa'mai'nu siagang pa'mai' tamamminraya. Pakabellai rewata-rewata nasombaya riolo boe-boenu ri Mesopotamia siagang ri Mesir. Anynyombako ri Batara bawang.

1 YOHANES 3:10

Iaminne sisalana ana'-ana'Na Allata'ala siagang ana'-ana'na Billisika: inai-nai tena nagaukangi ero'Na Allata'ala, yareka tena nakamaseangi paranna tau, anjo taua teai ana'Na Allata'ala.