YEHEZKIEL 16:17 - KITTA' MATANGKASA'

¹⁷ Battu ri belo-belo bulaeng siagang pera' Kupassareanga mae ri kau, apparekko patung-patung tu bura'ne, nampa a'gau' bawangko siagang ia anjo patung-patunga.

YEHEZKIEL 16:17 ပူးပေါင်းရင်းမြစ်များ

YEREMIA 3:9

siagang tena sikali siri'-siri'na. A'gau' bawangi lanri anynyombai ri batua siagang poko'-poko' kayua, sa'genna a'jari rantasa' anne pa'rasanganga.

YEHEZKIEL 16:11

Kubelo-beloiko siagang paramata, rante siagang ponto-ponto.

YEHEZKIEL 16:12

Kusareiko cincing ka'muru, anting-anting siagang songko' ga'gaya.

YEHEZKIEL 16:13

Kammami anjo batenu a'belo-belo bulaeng siagang pera'; pakeannu battu ri kaeng lenang siagang sa'be nisulang. Akkulleko angnganre roti battu ri tarigu kaminang bajika, siagang je'ne' bani kammayatompa minynya' zaitun. Ga'ganu teai sipato' siagang a'jariko rapang baine karaeng.

YEHEZKIEL 16:16

Sipa'gang pakeannu nupakei untu' ambelo-beloi tampa' panynyombanga mae ri barhalaya. A'jariko baine pasundala' siagang nupassareangi kalennu mae ri sikamma tu bura'nea.

YEHEZKIEL 16:18

Nupipakei anjo patung-patunga siagang pakeang nisulang le'baka Kupassareang mae ri kau. Nupassareangi mae ri ke'nanga minynya' zaitun siagang dupa nugappaya battu ri Nakke.

HOSEA 10:1

Israel rapangi poko' anggoro' roasaka rapponna. Pila' katambangi kalumanynyanna, pila' jai tongi tampa' pakkoro'bangnganga napareka. Pila' kalumanynyangi, pila' baji' tongi patung-patunna barhala nasombaya.

HOSEA 2:13

LaKuhukkungi lanri napakei allo-alloa untu' attunu dupa mae ri Rewata Baal, kammayatompa namodei kalenna siagang belo-belo untu' angngondangi sikamma tanring-tanrinna, nampa nakaluppai taba sikaliMa'. INakke, Batara, anne akkana.”