YEHEZKIEL 16:13 - KITTA' MATANGKASA'

¹³ Kammami anjo batenu a'belo-belo bulaeng siagang pera'; pakeannu battu ri kaeng lenang siagang sa'be nisulang. Akkulleko angnganre roti battu ri tarigu kaminang bajika, siagang je'ne' bani kammayatompa minynya' zaitun. Ga'ganu teai sipato' siagang a'jariko rapang baine karaeng.

YEHEZKIEL 16:13 ပူးပေါင်းရင်းမြစ်များ

PA'JARIANG 17:6

LaKusareko jai ana' cucu, siagang nia' battu ri ke'nanga la'jari karaeng sallang. Lasannaki jaina turungannu, sa'genna la'jari bansa-bansa ke'nanga.

2 SAMUEL 8:15

Kammaminjo batena Daud ammarenta ri sikontu Israel siagang najagai sollanna nigau' adele' siagang baji' ra'yaka.

1 KARAENG-KARAENG 4:21

Massing-massing kaluarga para nia' koko anggoro'na siagang koko arana. Lalang sikontu tallasa'na Salomo ra'yaka ri sikontu Yehuda siagang Israel, appakkaramula battu ri Dan sa'genna Bersyeba, amangi siagang sannangi tallasa'na. Nasaba', sikontu karaenga ilaukanna Efrat tundu' ngasengi mae ri ia, siagang sikontu bansa battua ri pa'rasangang-pa'rasangang niaka ri tammulilina kakaraenganna agang ngasengi siagang ia. Butta niaka ri laukanna Binanga Efrat battu ri Tifsah ri birinna Binanga Efrat tulusu' kalau' ri kota Gaza ri Filistin sa'genna ri pa'baeng-baenna Mesir, yangasenna nikoasai ri Salomo. Sikamma bansa niaka anjoreng tundu' ngasengi mae ri ia siagang a'bayaraki passare mae ri ia. Apa-apa nikanre naparalluanga Salomo allo-allona nia' 5.000 litere' labu' halusu', 10.000 litere' labu' kasara', sampulo kayunna sapi nibaraya, ruampulo sapi ri paranga, siagang sibilangngang kayunna gimbala'. Pantaranganna anjo, iamintu pole jonga, kijang, siagang olo'-olo' akka'nyika.

EZRA 4:20

Le'baki nia' siapa are karaeng barani ammarenta anjoreng siagang nakoasai sikontu daera propinsi bageang ilau', nampa appajappa paja' siagang passare mae ri karaenga.

EZRA 5:11

Appialimi ke'nanga angkana, ‘Ikambe anne atannaki' Allata'ala makoasaya ri sikontu linoa. Nabangungi ikambe ammotere' Balla'Na Batara le'baka nibangung siagang nipa'langka' appulo-pulo taung allaloa ri sitaua karaeng Israel malompo.

AYUB 29:6

Jai sikali dadi' wassele' olo'-olo' piaraku. Jai minynya' wassele'na poko'-poko' zaitunku, manna nanjoreng ri butta jaia batunna nilamung.

PAMMUJI 147:14

Ia anjagai daeranu sollanna tuli amang, ampakabassorokko siagang gandung kaminang bajika.

PAMMUJI 48:2

Tojeng, malompoi Batara siagang sanna' nipujina ri kota Allata'alata, ri bulu' matangkasaka.

PAMMUJI 50:2

Battu ri Sion, kota kaminang ga'gaya, ammumbai Allata'ala siagang cayaNa.

PAMMUJI 81:16

Tau birisika ri ke'nanga laKupatunduki, lanihukkungi ke'nanga satunggu-tungguna.

YESAYA 64:11

Balla'Na Allata'ala matangkasaka siagang mala'birika tampa'na boe-boena ikambe mammuji-muji mae ri Katte, le'ba'mi niancuru' ri pepe'; Sikontu tampa' nangaia ikambe a'jarimi rumbangang.

YEREMIA 13:20

Nakana Batara mae ri pandudu'na Yerusalem, “Parhatikangi! Nia'mi musu-musunnu battu wara'! Kemaeji sikamma tau eroka nula'langngi siagang sannaka nukalompoanna ri pa'mai'?

PIRAUNG 2:15

Sikontu tau allaloa, maccalla ngaseng ri kau, lanri ancuru'nu kabusu'mo. Ammenggong-menggong ulunna ke'nanga, na nakana, “Iakaminjo kota kaminang ga'gaya, kota kalompoanna linoa?”

YEHEZKIEL 16:10

Nampa Kupipakeiko ro' nisulang, sapatu battu ri kukkulu' alusuka, passikko' ulu battu ri kaeng lenang siagang juba sa'be.

YEHEZKIEL 16:17

Battu ri belo-belo bulaeng siagang pera' Kupassareanga mae ri kau, apparekko patung-patung tu bura'ne, nampa a'gau' bawangko siagang ia anjo patung-patunga.

YEHEZKIEL 16:19

Kusareko kanre-kanreang battu ri tarigu kaminang bajika, bani siagang minynya' zaitun kaminang tenaya bengkoro'na. Mingka kabusu'na anjo nupassareangi mae ri anjo barhalaya untu' ampakasannangi pa'mai'na ke'nanga. INakke, Batara Kaminang Tinggia, anne akkana.

YEHEZKIEL 23:40

Ba'lalo akkiringi ke'nanga undangang mange ri bura'ne-bura'ne niaka ri pa'rasangang bellaya, siagang battumi anjo tau naundanga. Untu' antarimai anjo sikamma toananna, a'je'ne'mi anjo tau ruaya assari'battang, ammakei calla' mata siagang napakei belo-belona.

YEHEZKIEL 27:16

Padanggang battua ri pa'rasangang Siria naballi barang-barang danggangannu siagang anjo wassele'nu jaia. Nabayarakko ke'nanga siagang paramata battu ri batu samru', kaeng cura' eja na lame butung, kaeng sulang, lenang alusu', paramata battu ri batu korala' siagang batu eja delima.

HOSEA 2:5

Amma'nu pasundala' tena siri'na. Angkanai, ‘Erokka' a'lampa mange ri tanring-tanringku, assarea' kanre-kanreang siagang inung-inungang, kaeng wol siagang kaeng lenang, minynya' zaitun siagang anggoro'.’

PAOLE 8:8

Anjo pa'rasanganga angngerangi wassele' sangka' rupanna, kammayami gandung, anggoro', rappo ara, rappo delima, poko' zaitun siagang bani.

1 SAMUEL 10:1

Nampa angngalle Samuel botolo' minynya' zaitun, na napatiri' anjo minynyaka irate ri ulunna Saul, siagang nabaumi Saul, na nakana, “Naminyakiko siagang Naangkakko Batara a'jari karaeng mae ri Israel umma'Na. Lanuparentai umma'Na siagang lanukatutui ke'nanga battu ri musu-musunna ke'nanga. Iaminne pammatei mae ri kau angkanaya Napile mako Batara a'jari karaeng mae ri umma'Na:

1 SAMUEL 12:12

Mingka nuassenna angkana lanabundukiko Nahas, anjo karaeng Amon, nusorongbokomi Batara a'jari Karaennu nampa nukana ri nakke, ‘Eroki ikambe niparenta ri se'reang karaeng.’