YEHEZKIEL 16:11 - KITTA' MATANGKASA'

¹¹ Kubelo-beloiko siagang paramata, rante siagang ponto-ponto.

YEHEZKIEL 16:11 ပူးပေါင်းရင်းမြစ်များ

PA'JARIANG 24:22

Le'baki angnginung ngaseng anjo untaya sa'genna bassoro', angngallemi anting-anting bulaeng tinggia anggaranna anjo surona Abraham, nampa napataba ri ka'murunna anjo tuloloa. Nampa napatabai limanna sipasang ponto bulaeng.

PA'JARIANG 24:47

Le'baki anjo akkuta'namma' angkana, ‘Inai manggenu?’ Nappialimo angkana, ‘Manggeku iamintu Betuel, ana'na Nahor siagang Milka.’ Nampa kupipakeimo anting-anting bulaeng ka'murunna siagang sipasang ponto ri limanna.

PA'JARIANG 24:53

Nampa appasulu'mo pakeang, belo-belo pera' siagang bulaeng, nampa napassareang ngaseng anjo sikammaya mae ri Ribka. Kammayatompa daenna siagang amma'na nasare tommi hadia yangaseng ka'jalaka ballinna.

PA'JARIANG 35:4

Nampa napassareammo ke'nanga sikamma patung niaka ri ke'nanga mae ri Yakub, iamintu patung rewata tumaraenga. Kammayatompa anting-antinna ke'nanga napassareang ngaseng tommi. Yangasenna anjo barang-barang kammaya nalamungammi Yakub ri rawanganna poko' kayu lompoa ri ampi'na kota Sikhem.

ESTER 2:17

Napa'jari sannammi siagang napakasunggumi nyawana karaenga la'biangngang natulolo maraengannaya. Lanri kammana, iami kaminang ningai ri karaenga. Jari nipipakeimi ri karaenga songko' karaeng, iamintu nipadongkoki ri ulunna Ester. Nipa'jarimi ratu ansambeangi Ratu Wasti.

AYUB 42:11

Sikontu daenna siagang sari'battang bainena Ayub, sikontu passiassengang sallona, battumi angkunjungi, nampa assua'-suara' siagang ia ri balla'na. Massing napaumi ke'nanga angkana turu' tongi susa ke'nanga lanri sikontu susa le'baka Napabattu Batara mae ri kalenna, nampa nasaleori Ayub. Massing assaremi ke'nanga ri Ayub siapa are jaina doe' siagang tasse'rena cincing bulaeng.

KALAPPASSANG 32:2

Nakanamo Harun ri ke'nanga, “La'gasa' ngasengi sikamma anting-anting bulaeng niaka napake sikamma tubai'-bainenu siagang ana'-ana'nu nampa nuerang mae ri nakke.”

KALAPPASSANG 35:22

Inai-nai ero', baji' bura'ne yareka baine, battui angngerang paniti belo-belo, anting-anting, cincing, rante, siagang sangka' rupa belo-belo bulaeng untu' nipassareang mae ri Batara.

PANGNGEBARANG 1:9

saba' anjo sikamma ajaranna ke'nanga natambai akkala' baji'nu, sanrapang belo-belo ri ulunnu siagang rante bulaeng ampakaga'gai tanja'nu.

PANGNGEBARANG 25:12

Pappasailena tau cara'deka mae ri tau eroka mappilangngeri, sanrapangi cincing bulaeng yareka belo-belo bulaeng.

PANGNGEBARANG 4:9

Lanasareko belo-belo bunga ga'ga, untu' a'jari songko' kalompoannu.

KELONG MALA'BIRI' 1:10

Ga'gai pilisi'nu alla'na belo-beloa, kallong ga'ganu ammake rante paramata.

KELONG MALA'BIRI' 4:9

Nuallemi nyawaku, andi', buntingku, nuallei nyawaku lanri paccini'nu, lanri paramata ga'ga ri rantenu.

YESAYA 28:5

Batara Kaminang Makoasaya la'jari rapang bunga ga'ga mae ri umma'Na tassesaya.

YESAYA 3:19

ponto lima, pattongko' rupa,

YESAYA 3:21

cincing siagang anting-anting ka'muru,

PIRAUNG 5:16

Tenami kalompoanna ikambe cilakami ikambe napakamma doraka.

YEHEZKIEL 16:17

Battu ri belo-belo bulaeng siagang pera' Kupassareanga mae ri kau, apparekko patung-patung tu bura'ne, nampa a'gau' bawangko siagang ia anjo patung-patunga.

YEHEZKIEL 23:40

Ba'lalo akkiringi ke'nanga undangang mange ri bura'ne-bura'ne niaka ri pa'rasangang bellaya, siagang battumi anjo tau naundanga. Untu' antarimai anjo sikamma toananna, a'je'ne'mi anjo tau ruaya assari'battang, ammakei calla' mata siagang napakei belo-belona.

YEHEZKIEL 23:42

Battu pantarang nia'mo nilangngere' sa'ra suara' napakamma tau jaia assannang-sannang. Sikamma anjo taua niundangi battu ri parang kassika. Appantamaki ke'nanga ponto ri limanna anjo tau ruaya massari'battang, siagang napatabai songko' ga'ga ulunna ke'nanga.

DANIEL 5:16

Silalonna kulangngere' angkanaya ikau akkulleko assungkei sikontu rahasiaya siagang anreppeki apa-apa sukkaraka. Punna akkulleko ambacai anne tulisanga siagang ampauanga' battuanna, lakusareko pakeang kakaraengang iamintu juba cura' lame butung siagang rante bulaeng pannanrai kalompoang. Pantaranganna anjo lakuangkakko a'jari tukoasa makatallu lalang ri kakaraengangku.”

DANIEL 5:29

Naparentakammi linta' Belsyazar pagawena sollanna napipakei Daniel juba cura' lame butung siagang nipatabai rante bulaeng kallonna. Nampa naangka' a'jari tukoasa makatallu lalang ri kakaraenganna.

DANIEL 5:7

Ammarrammi ansuro kioki sikamma pacinika, sanro cara'deka siagang tau cara'deka accini' bintoeng. Ri wattunna battu ke'nanga, nakanamo karaenga, “Inai-nai akkulle ambacai anjo tulisanga siagang ampauanga' battuanna, lakusarei pakeang kakaraengang iamintu juba cura' lame butung siagang rante bulaeng pannanrai kalompoang mae ri ia. Pantaranganna anjo lakuangka' tongi a'jari tukoasa makatallu lalang ri kakaraengangku.”

HOSEA 2:13

LaKuhukkungi lanri napakei allo-alloa untu' attunu dupa mae ri Rewata Baal, kammayatompa namodei kalenna siagang belo-belo untu' angngondangi sikamma tanring-tanrinna, nampa nakaluppai taba sikaliMa'. INakke, Batara, anne akkana.”

KAIMANGNGANG 8:9

Nampa napataba soro'banga ri ulunna Harun; anjo soro'banga napatabai belo-belo bulaeng, a'jaria pammatei angkanaya anjo Harun a'jarimi Batara pata. Yangasenna anjo nagaukangi Musa situru' parentaNa Batara mae ri ia.

PAMMILANGNGANG 31:50

Lanri kammana anjo angngerammi ikambe belo-belo bulaeng, kammayami: ponto lima, ponto bangkeng, cincing, anting-anting, siagang rante massing naallea ikambe. Yangasenna anne napassareang ngasengi ikambe mae ri Batara a'jari passarena ikambe, sollanna natuli Nala'langi ikambe.”

PAPPICINI' 2:10

Teako mallakki mae ri kapa'risanga, tenayamo nasallo namusti nukasia'. U'rangi, angkanaya jaiko lanapantama' Billisika ri tarungkua untu' lanaso'ri. Lasessako sampulo allo sallona. Paralluko tamamminraya ri tappa'nu sa'gennu mate; na iNakke lassareangko katallassang sitojennaya siagang mannannunganga, a'jari hadia ri pammetannu.

PAPPICINI' 4:10

su'ju'mi anjo pamimping ruampuloa angngappa', mae ri anjo ammempoa ri empoang kala'birang, nampa anynyomba mae ri Ia anjo mattallasaka sa'genna satunggu-tungguna. Nampa napasambila ke'nanga massing songko'na mae ri dallekanna anjo empoang kala'biranga, nangkana,

PAPPICINI' 4:4

Na nia' todong ruampulo angngappa' empoang kala'birang maraengang angkulilingi anjo empoang kala'birang se'rea. Anjoreng nia' ammempo ruampulo angngappa' pamimping ammakeang kebo', siagang ammake songko' bulaeng.

HAKING-HAKING 8:24

Mingka nakanamo pole Gideon, “Se'reji bawang papalakku; sikontu anjo anting-anting nurampasaka battu ri musua, sareang ngasenga'.” (Biasana tu Midian ammakei anting-anting bulaeng; sangkamma todong tuniaka ammantang ri parang kassika.)