YEHEZKIEL 14:23 - KITTA' MATANGKASA'

²³ Nampa nupahang tommo angkanaya anjo sikontu tindakangKu nia' alasanna. INakke Batara Kaminang Tinggia anne akkana.”

YEHEZKIEL 14:23 ပူးပေါင်းရင်းမြစ်များ

NEHEMIA 9:33

Adeleki tindakanTa, Kihukkungi anne ikambe dorakaya; tuli majarrekKi', manna jai callanna ikambe.

AYUB 33:27

Na lanakanamo ri dallekanna tau jaia, ‘Lompoi dosaku, lanri ja'dalaka kukana baji', mingka tena Nahukkunga' Allata'ala.’

PANGNGEBARANG 26:2

Sanrapang jangang-jangang anri'ba' siagang allayang ri alla', kamma tomminjo pattunraya takkulleai nataba tutenaya nasala.

YEHEZKIEL 15:1

Nakana Batara ri nakke,

YEHEZKIEL 16:54

Lanri kammana anjo lasiri'-siri' mako mae ri kalennu, siagang anjo katunaannu lampappicinikangi mae ri sikamma sari'battannu antekamma la'bi baji'na sarenna ke'nanga.

YEHEZKIEL 31:16

Ri wattunna Kupanaung anjo pokoka ri linona tau matea, sa'ra tu'guru'na lanapannekkereki bansa-bansaya. Sikontu poko'-pokoka ri Eden siagang poko'-poko' nipilea ri Libanon, ia anggappaya je'ne' allumpa-lumpa, siagang naungamo ri lino kaminang rawaya lasannangi nyawana lanri tu'guru'na anjo poko' kayua.

YEHEZKIEL 7:27

Lappiraungi karaenga, tappu' panrannuangi ana' bura'nena karaenga siagang lannekkereki napakamma malla' ra'yaka. LaKuhukkungko situru' sikontu panggaukannu, kammayatompa Kuadeliko sangkamma batenu angngadeli parannu tau. Jari lanuassemmi angkanaya iNakke Batara.”

DANIEL 9:14

IKatte, o Karaeng Allata'alana ikambe, le'ba' anghukkungi ikambe iamintu bala le'baka Kipasadia; tindakanTa tuli annabai siagang adeleki, mingka ikambe tamappilangngeria ri kananTa.

DANIEL 9:7

O Batara, tindakanTa tuli annabai siagang adeleki, mingka ikambe tonji tuli ampakasiriki kalenna ikambe, iamintu ikambe ngaseng ammantanga ri Yudea siagang ri Yerusalem, siagang sikontu julu bansana ikambe le'baka Kipasiara' mange ri pa'rasangang-pa'rasangang bellaya siagang ambania, lanri tenana namajarre' tappa'na mae ri Katte.

KAIMANGNGANG 26:40

Mingka lanaakui jari-jarinu dosana ke'nanga siagang dosana boe-boena ke'nanga, ia tamannurukia siagang angngewaya mae ri Nakke,

KAIMANGNGANG 26:41

sa'gengKu angngalle tindakang angngewai ke'nanga nampa Kubongka ke'nanga mange ri pa'rasanganna musu-musunna ke'nanga. Kala'busanna, punna tundu'mo jari-jarinu siagang le'ba'mi najappai hukkunganga lanri dosana siagang mangngewana ke'nanga mae ri Nakke,

ROMA 2:5

Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.

PAOLE 8:2

U'rangi! Patampulo taungko Napimping Karaeng Allata'alanu lalang pa'jappang bella ammalo ri parang lompoa. Erokko Naso'ri Batara ilalang ri anjo pa'jappanga, sollanna akkulle Nacini' apa niaka lalang ri atinnu, siagang apaka lanuturukiji parenta-parentaNa yareka tena.

PAPPICINI' 15:4

Inai tamallakka ri Katte, Batara? Inai taeroka ampa'la'bangi kalompoanTa? IKatteji bawang matangkasaka. Sikontu bansaya labattui anynyomba ri Katte, nasaba' nacini' ngasemmi sikontu taua kaadelang le'baka Kigaukang.”

PAPPICINI' 16:6

Le'baki napassolong cera'na Umma'Na Allata'ala siagang cera'na na'bi-na'bia; kamma-kamma anne Kisuromi ke'nanga angnginung cera'. Memang siratang memang tongi anjo kammaya mae ri ke'nanga!”