YEHEZKIEL 14:13 - KITTA' MATANGKASA'

¹³ punna nia' se're pa'rasangang doraka siagang tena namajarre' pa'mai'na mae ri Nakke, laKuhukkungi anjo pa'rasanganga. LaKuancuruki parsadiaang kanrena, lappabattuA' bala kacipurang siagang laKubunoi baji' rupataua kammayatompa olo'-oloka ri anjo pa'rasanganga.

YEHEZKIEL 14:13 ပူးပေါင်းရင်းမြစ်များ

PA'JARIANG 6:7

sa'genna Nakana, “LaKuancuruki anjo rupatau le'baka Kupa'jari, kammayatompa sikamma jangang-jangang siagang olo'-olo' maraengannaya, lanri assesse' lalangKu ampa'jari ke'nanga.”

EZRA 9:6

Kukanamo, “O, Allata'alaku, siri'-sirika' angngangkaki ulungku ri dallekanTa. Dosa-dosana ikambe attambung-tambungi irate ri ulunna ikambe sa'genna narapi' langika.

YESAYA 24:20

Bundala'na linoa lata'royong-royongi rapang tau nasa'ring, ta'ge'goso' rapang balla' kepo lalang ri anging lompoa. Laruntungi buttaya lanri battala'na dosana. Ancuruki siagang takkuleai ambangung ammotere'.

YESAYA 3:1

Sitojenna, laNaalle ngasengi Batara Kaminang Koasaya sikamma parsadiaang kanrea siagang inunganga battu ri Yerusalem siagang Yehuda. Kammayatompa sikamma tau napattoanga ke'nanga:

YEREMIA 32:43

Nakana taua anne pa'rasanganga a'jarimi sangkamma parang luara' tenaya nipammantangngi ri tau siagang olo'-olo', siagang anne pa'rasanganga tu'guru'mi antama ri limanna tu Babel. Mingka iNakke Kukana, sallang sikamma koko-kokoa lanipareki pole balu'-balukang ri anne pa'rasanganga;

YEREMIA 36:29

Nasuroa' Batara ampauangi karaenga kamma anne, “Le'baki nutunu anjo kitta' nigulunga, siagang akkuta'nangko ri Yeremia angkana angngapa natulisiki angkanaya labattui karaeng Babel angngancuruki anne pa'rasanganga kammayatompa ambunoi pandudu'na siagang olo'-olo'na.

YEREMIA 52:6

Ri tanggala' salapang bulang appa' ia todong anjo taunga, ri wattunna sanna' dudumo bala kacipuranga, sa'genna tena sikalimo lanakanre ra'yaka,

YEREMIA 7:20

INakke, Batara Kaminang Tinggia, lampitujui pangngalarroi lompoKu anne balla' panynyombanga, rupataua siagang olo'-oloka, kammayatompa poko'-poko' kayua siagang wassele' buttaya. La'rinra-rinrai larroKu rapang pepe' tenaya nakkulle nibuno.”

PIRAUNG 1:20

O Batara, Kiparhatikanga', lussaki na puccala' atingku, ancuruki lanri dorakaku le'ba' laloa. Ri sikamma aganga nia' pammunoang, lalang balla' nia' kamateang.

PIRAUNG 1:8

Nara'massi kalenna Yerusalem lanri gau' dosa majaina. Sikontu tumappakalompoa riolo mae ri kalenna, anne kamma mappakatunami anciniki ri assolara'na. Makkunrareng mami nagaukang napakamma siri'-siri'.

YEHEZKIEL 14:12

Nakana Batara ri nakke, “He tau,

YEHEZKIEL 14:17

Nakulle kapang appabattuA' pa'bundukang ri anjo pa'rasanganga, nakukiring sanjata-sanjata porea untu' ampanraki baji' rupataua kammayatompa olo'-oloka.

YEHEZKIEL 14:19

Nakulle kapang appabattuA' garring mae ri anjo pa'rasanganga, siagang Kupa'bettese' larroKu mae ri ia, sa'genna baji' tau kammayatompa olo'-oloka lamate ngasengi.

YEHEZKIEL 14:21

Nakana Batara Kaminang Tinggia, “LaKupabattui appaka hukkungang kaminang hebaka mae ri Yerusalem untu' angngancuruki baji' narupataua kammayatompa olo'-oloka. Anjo appaka hukkungang iamintu: bundu', kacipurang, olo'-olo' sekke' siagang garring.

YEHEZKIEL 15:8

Tena namajarre' pa'mai'na ke'nanga mae ri Nakke, lanri kammana anjo, anjo buttaya laKupa'jari parang lompo. INakke, Batara Kaminang Tinggia, anne akkana.”

YEHEZKIEL 20:27

Jari, he tau, pabattui mae ri tu Israel apa Kupaua, iNakke Batara Kaminang Tinggia, mae ri ke'nanga: Anne conto maraeng ampa'nassai antekamma batena boe-boenu anghiNa' siagang tena namajarre' mae ri Nakke.

YEHEZKIEL 25:13

Lanri kammana anjo Kupa'la'bangi Kupau angkanaya laKuhukkungi Edom siagang Kubunoi sikamma taua kammayatompa sikamma olo'-olo' niaka anjoreng. Sikontu anjo pa'rasanganga, appakkaramula battu ri Téman sa'genna mange ri kota Dedan, Kupa'jari sino kabusuki; ra'ya'na lamatei lalang pa'bundukang.

YEHEZKIEL 4:16

Nampa Nakana pole, “He tau, laKupanraki sikamma parsadiaang kanre-kanreanga ri Yerusalem. Lussaki siagang ranggaselai taua nanaukkuru'mo kanre nakanrea ke'nanga siagang je'ne' nainunga ke'nanga.

YEHEZKIEL 5:16

LaKuancuruki parsadiaang kanre-kanreannu siagang Kubalang parekangi pandudu'nu naalle cipuru'. Lanakasiaki ke'nanga pa'risi'na kacipuranga, sanrapang ana' pana ciduka antarrusuki kalennu siagang ampanrakiko.

YEHEZKIEL 6:14

Iyo, iNakke langngangkaki nai' limangKu nampa Kuancuru' pa'rasanganna ke'nanga, sa'genna a'jari sino dudu, appakkaramula battu ri parang niaka bageang timboro' sa'genna mange ri kota Ribla ri bageang wara'. Battu ri sikontu tampa'-tampa' napammantangngia tu Israel, tena manna se're lanipasalama'. Jari naassemmi sikontu taua angkanaya iNakkemi Batara.”

YEHEZKIEL 9:9

Appiali Allata'ala angkana, “Tu Israel siagang tu Yehuda le'baki nagaukang dosa lompo dudua. Nagaukangi ke'nanga pammunoanga ri sikontu tampaka, siagang nara'massi Yerusalem lanri kaja'dallanna ke'nanga. Nakana ke'nanga angkana iNakke, Batara, Kubokoimi anne pa'rasanganga, sa'genna takkulleami Kucini' panggaukanna ke'nanga.

DANIEL 9:5

Dorakami ikambe, a'gau' ja'dala'mi ikambe, siagang nagaukammi ikambe kasalanga. Pabali-balimi ikambe siagang nadakkai ikambe parentaTa, kammayatompa ammengkai ikambe battu ri paratorang-paratoranTa.

KAIMANGNGANG 26:26

Lakala'busangko ri kanre, sa'genna punna nia' sampulo baine, se're mami pattunuang roti naparalluang untu' antunui roti niaka ri ke'nanga. Lanipakammai ransung anjo kanrea, siagang punna le'baki nukanre, tulusu' cipuru'nu ija.