12 Nakana Batara ri nakke, “He tau,
LaKupabattui mae ri ke'nanga pa'bundukanga, kacipuranga, siagang garringa sa'genna mate ngaseng ke'nanga siagang tenamo ammantang tassesa anrinni ri pa'rasangang le'baka Kupassareang mae ri ke'nanga siagang boe-boena ke'nanga.”
Nakana Batara Kaminang Koasaya, ‘INakke lappabattu pa'bundukang, kacipurang, siagang garring mae ri ke'nanga. LaKugauki ke'nanga sanrapang rappo-rappo ara sannaka botto'na, sa'genna takkullea nikanre.
Yangasenna anjo kammaya Kugaukangi sollanna tu Israel tenamo napakabellai pole kalenna battu ri Nakke siagang tenamo nara'massi pole kalenna lanri dosa. Lanri kammana anjo la'jarimi ke'nanga ummakKu na iNakke a'jari Allata'alana ke'nanga.” INakke, Batara Kaminang Tinggia anne akkana.
punna nia' se're pa'rasangang doraka siagang tena namajarre' pa'mai'na mae ri Nakke, laKuhukkungi anjo pa'rasanganga. LaKuancuruki parsadiaang kanrena, lappabattuA' bala kacipurang siagang laKubunoi baji' rupataua kammayatompa olo'-oloka ri anjo pa'rasanganga.
