YEHEZKIEL 13:5 - KITTA' MATANGKASA'

⁵ Tena ke'nanga najagai tembo'-tembo' runtunga, siagang tena todong napakabajiki anjo tembo'-temboka. Jari, takkulleai nipartahangkang Israel punna kajariang bunduka ri allo battuKu anghukkungi.

YEHEZKIEL 13:5 ပူးပေါင်းရင်းမြစ်များ

AYUB 40:9

Maka gassing kammako iNakke? Maka akkullei sa'rannu a'gunturu' kamma sa'rangKu?

PAMMUJI 106:23

Jari ero'mi Allata'ala ampossoki umma'Na, mingka nipisangkai ri Musa, tunipileNa. Musa a'jari antangngai ke'nanga, sa'genna naung larroNa Allata'ala.

PAMMUJI 76:7

Sikontu jaranga siagang tuma'baena tu'guru' ngasemmi na mate ri pangga'garatTa, o, Allata'alana Yakub!

YESAYA 13:6

Appiraung mako, lanri a'reppese'mi allonNa Batara, iamintu allo kapanrakang Napabattua Batara Kaminang Koasaya.

YESAYA 13:9

Labattui allonNa Batara, siagang anjo alloa laNapa'betteseki kalarroang lompoNa. La'jari parang kalotoroki buttaya, siagang tunggala' tau dorakaya lapanraki.

YESAYA 2:12

Ri anjo alloa laNapakatunai Batara Kaminang Koasaya sikamma tau ampakatinggiai kalenna, na nahukkung tau borroa siagang tau tampoa.

YESAYA 27:4

Tenamo naKularro. Ebara' angkana nia' ruku' yareka rompo' katinting, laKupa'lanynyaki, laKutunui sa'genna cappu' ngaseng.

YESAYA 34:8

Iaminjo wattunna na Naalleangang Batara Sion siagang Napa'balassang mae ri sikamma musu-musunNa.

YESAYA 58:12

Kota salloamo rumbanna lanubangungi ammotere' irate ri pundasi sallona. Lanigallarakko ‘Bansa ambangungai ammotere' sikamma tembo' kallika siagang ampakabajikai sikamma balla' ancuruka.’ ”

YEREMIA 15:1

Nakana Batara ri nakke, “Tena nalaKukamaseang anne bansaya, manna pole nania' Musa siagang Samuel anrinni untu' ammenteng ampappalakkangi ke'nanga pangngamaseangKu. Suroi anne bansaya a'lampa, tena Kuero' anciniki ke'nanga!

YEREMIA 23:22

Ebara' angkana naassengi ke'nanga apa takkimbolonga lalang ri pikkirangKu, tantu napabattumi ke'nanga mae ri ummakKu sikontu le'baka Kupau. Nalatoba' ummakKu battu ri dosa-dosana siagang battu ri panggaukang ja'dalaka.

YEREMIA 27:18

Punna memang na'bi ke'nanga, siagang le'baki annarima pasang battu ri Nakke, tantu kamma-kamma anne napalaki ri Nakke, Batara Kaminang Koasaya, sollanna barang-barang niaka ija ri BallakKu siagang ri balla' karaeng ri Yerusalem tena naniengkaki mange ri Babel.

YEHEZKIEL 13:4

He Israel, na'bi-na'binu tena matu-matunna, sangkamma serigala-serigala ammantanga ri tangnga-tangngana rumbanna kotaya.

YEHEZKIEL 22:30

Ri alla'na anjo tu Israel, a'boyA' tau akkullea ambangung tembo', yareka ammenteng ri tampa'-tampa' runtunga tembo'na untu' ampartahangkangi anjo pa'rasanganga punna erokKa' angngancuruki lalang a'bettese'na larroKu; mingka manna sitau tania' Kubuntulu'.

YEHEZKIEL 7:19

Bulaenga siagang peraka lanapelaki ke'nanga ri aganga rapang loro, nasaba' ri allo napa'bettese'na kalarroanNa Batara, anjo bulaenga siagang peraka takkulleai ampasalamaki ke'nanga, ba'lalo ia ngasemmi anjo angngerangi ke'nanga mae ri dosaya. Takkulleai napake ke'nanga untu' ampassukkuki cinnana yareka ambonei battanna ke'nanga.

YO"EL 1:15

A'reppese'mi AllonNa Batara, iamintu allo appakamalla'-mallaka; wattu appabattuna kaancurang Kaminang Makoasaya.

YO"EL 2:1

Tuiki tarompeka, pasa'rai tanra bahayaya ri Bulu' Sion matangkasaka, ri pammantangnganNa Allata'ala. Annekkere' mako, he pandudu'na Yehuda! Nasaba' a'reppese'mi AllonNa Batara siagang tasalloami nabattu.

YO"EL 2:31

Mataalloa la'jari sassangi siagang bulanga la'jari ejai sangkamma cera'. Kabusu'na anjo lakajariangi lalang tenanapa nabattu AllonNa Batara, iamintu allo hebaka siagang appakamalla'-mallaka!

YO"EL 3:14

Assa'bu-sa'bui tau ri Ka'bung Pangadelanga. Nasaba' anjoreng labattui silalonna AllonNa Batara.

MALEAKHI 1:9

Kamma-kamma anne, he sikamma imanga, coba sai pala' mae ri Allata'ala sollanna Nakamaseangki'. Tena Nalanapiali pappala' doannu, siagang anjo battu ri kasalannu tonji.

MALEAKHI 4:5

Mingka ri tenanapa nabattu anjo allo hebaka siagang appakamalla' le'baka Kupattantu, laKusuroi battu Na'bi Elia.

1 TESALONIKA 5:2

Nasaba' baji'mi nuassenna ngaseng angkanaya anjo Allo kabattuanNa Batara lasanrapangi palukka' battua ri wattunna bangngi.

2 PETRUS 3:10

Mingka lasanrapangi palukka' kabattuanna anjo Allo kabattuanNa Batara. Anjo Alloa lassa'ra lompoi gunturuka nalanynya' langika; sikamma apa-apa niaka ri langika lala'busuki nakanre pepe'. Kammayatompa lalanynyaki buttaya siagang sikontu apa-apa niaka lalang.

PAPPICINI' 16:14

Iaminjo ke'nanga roh-roh ja'dalaka, appareka panggaukang appakalanna'-lannasa'. A'lampami anjo tallua roh mae ri sikontu karaenga ri sikontu linoa nampa napa'rappungang ke'nanga untu' a'bundu' ri Allo lompoa, iamintu AllonNa Allata'ala Kaminang Koasaya.

PAPPICINI' 6:17

Battumi anjo allo sannaka heba'na; kamma-kamma anne napassulu' ngasemmi larrona ke'nanga, siagang tenamo manna sitau akkulle attahang ri dallekanna ke'nanga!”

1 SAMUEL 12:23

Na ri passala'na inakke, tapporo tena lalo kudoraka ri Batara lanri tenana kupappala' doangangko. Mingka tuli lakupangngajarrangi mae ri kau apa-apa bajika siagang tojenga.