YEHEZKIEL 13:20 - KITTA' MATANGKASA'

²⁰ Nakana Batara Kaminang Tinggia mae ri anjo bai'-baine eroka nikana na'bi, “BallisikKa' anciniki anjo ponto-ponto jima' niaka nupake untu' angkoasai tallasa'na siagang matena ummakKu. LaKupasintaki anjo ponto-pontoa battu ri pappontoannu, nampa sikamma tau nukoasaia laKulappassangi.

YEHEZKIEL 13:20 ပူးပေါင်းရင်းမြစ်များ

YEHEZKIEL 13:18

siagang pabattui kanangKu, iNakke, Batara Kaminang Tinggia, mae ri ke'nanga: ‘Cilaka ngasengko! Nupapparekang ngasengi taua ponto-ponto jima' siagang bongong-bongong ammakea baca, sa'genna akkulle nakoasai tau maraenga. Erokko koasa mae ri tallasa'na siagang matena ummakKu, siagang anjo koasa kammaya nupakei untu' kaparalluang kalennu.

YEHEZKIEL 13:19

NuhinaMa' ri dallekanna ummakKu, lanri ero'nu poro anggappa sikangkang jelai gandung siagang pirang kere' are roti. Tau tenaya nasala nubunoi, nampa tau siratanga mate nulappassangi attallasa'. Nampa nuballe-ballei ummakKu siagang tappa'mi ke'nanga mae ri kau ngaseng.’ ”

YEHEZKIEL 13:21

Bongong-bongong karama'nu laKukekkeki na ummakKu laKupalili battu ri pangaru ja'dala'nu sa'genna satunggu-tungguna. Na nuassemmo angkanaya iNakke Batara.