YEHEZKIEL 13:19 - KITTA' MATANGKASA'

¹⁹ NuhinaMa' ri dallekanna ummakKu, lanri ero'nu poro anggappa sikangkang jelai gandung siagang pirang kere' are roti. Tau tenaya nasala nubunoi, nampa tau siratanga mate nulappassangi attallasa'. Nampa nuballe-ballei ummakKu siagang tappa'mi ke'nanga mae ri kau ngaseng.’ ”

YEHEZKIEL 13:19 ပူးပေါင်းရင်းမြစ်များ

PANGNGEBARANG 17:15

Nakabirisi Batara tau ampattojengai tau dorakaya, siagang nabilang sala tau tenaya nasala.

PANGNGEBARANG 19:27

Ana', punna taeroka mako appilajara', lanukaluppai apa le'baka nupappilajari.

PANGNGEBARANG 28:21

Tabajikai nipasimmara'-maraeng taua; mingka nia' todong haking ero' a'gau' jekkong lanri ero'na anggappa sike'de' doe'.

YESAYA 5:20

Cilakako kau amputara' balekai bajika siagang kodia, singaraka siagang sassanga, te'nea siagang paika!

YESAYA 56:11

Rapangi ke'nanga kongkong angngoaya, tenaya bassoro'na. Takkulleai nipahang apa ero'na anjo sikamma pamimpinga. Massing nagaukangi ke'nanga apa nangaia siagang kaparalluang kalenna.

YEREMIA 23:14

Mingka Kuciniki ri Yerusalem na'bi-na'bia nagaukangi la'bi ja'dalaka pole. A'balle-ballei ke'nanga siagang a'gau' bawangi, kammayatompa naturukiangi taua a'gau' ja'dala', sa'genna manna sitau tania' ero' toba'. Untu' iNakke yangasenna anjo ke'nanga ja'dalaki sangkamma pandudu'na Sodom siagang Gomora.”

YEREMIA 23:17

Mae ri sikamma tau taeroka ampilangngeri kana-kanangKu, tuli nakana ke'nanga, ‘Lasalamakko.’ Nampa mae ri sikamma tau kapala batua, nakana ke'nanga, ‘Tena nulanggappa bala.’ ”

YEHEZKIEL 13:20

Nakana Batara Kaminang Tinggia mae ri anjo bai'-baine eroka nikana na'bi, “BallisikKa' anciniki anjo ponto-ponto jima' niaka nupake untu' angkoasai tallasa'na siagang matena ummakKu. LaKupasintaki anjo ponto-pontoa battu ri pappontoannu, nampa sikamma tau nukoasaia laKulappassangi.

YEHEZKIEL 13:22

Tau bajika tenaya naero' Kuapa-apai, nupakaca'di nyawana lanri balle-ballenu. Tau ja'dalaka nupakalompoi nyawana sollanna tuli doraka siagang tena nipasalamaki ke'nanga.

YEHEZKIEL 20:39

Nakana Batara Kaminang Tinggia, “He tu Israel, kamma-kamma anne battu ri kau tommami. Patulusu'mi a'gau' dosa anynyomba ri barhala-barhalanu! Mingka u'rangi angkanaya punna le'baki anjo musti mannurukiko ri Nakke siagang tenamo nanura'massi areng matangkasakKu lanri angngerannu passare mae ri anjo barhala-barhalanu.

YEHEZKIEL 22:25

Sikamma pamimpinna rapangi singa ammammuka ri le'ba'na angngokko' apa-apa. Nabunoi ke'nanga ra'yaka, narampasaki sikontu barang-barang siagang kakalumanynyangngang nabuntuluka siagang jai tubaine janda napakamma ke'nanga.

YEHEZKIEL 22:26

Sikamma imanna tu Israel nadakkai hukkung-hukkungKu siagang nara'massi apa-apa le'baka nisa'la' untu' iNakke. Tena napasimmaraengi ke'nanga angkanaya kereanga hallala' siagang kereanga harang. Tena todong naajaraki ke'nanga ra'yaka untu' ampasimmaraengi angkanaya kereanga tangkasa' siagang ra'masa' manuru' paratorang agamaya. Tena najampangi ke'nanga allo Pammari-marianga. Lanri kammanami anjo nanahinaMa' bansa Israel.

YEHEZKIEL 22:27

Sikamma pagawe-pagawe pamarentana rapangi serigala angkae-kaei apa nakokkoka. Nagaukangi ke'nanga ammunoa lanri poro ero'na anggappa passawallang.

MIKHA 3:11

Pamarenta-pamarenta kotaya ammarentai untu' anggappa doe' pacoco', imang-imanga angngajaraki hukkunNa Batara untu' anggappa gaji, siagang na'bi-na'bia appalaki pangngunju' battu ri Allata'ala untu' anggappa doe' – nampa nakapang ngasengi ke'nanga angkanaya Niagangngangi ke'nanga ri Batara. Nakana ke'nanga, “Niaki Batara ri tangnga-tangngata; tena nalanatujuki' bala.”

MIKHA 3:5

Bansaku nitipui ri na'bi-na'bi ambotoai apa bajika mae ri tau assarea doe', mingka namusui siagang nabalang parekangi tau tenaya nassare doe'. Ri na'bi-na'bi kammaya anjo, Nakana Batara,

MALEAKHI 1:10

Nakana Batara Kaminang Koasaya, “Bajikangngangi nitongko' pakke'bu' BallakKu, nasaba' tena matu-matunnu apparinra pepe' irate ri tampa' pakkoro'bangngangKu. Tena nakungaiKo, siagang tena nalaKutarima passarenu.

ROMA 14:15

Mingka punna passala' anjo apa nukanrea napa'risi pa'mai' sari'battang julu tappa'nu, tenamo namangngamaseang batenu appanggaukang. Punna le'ba'mo mate Almasi untu' anjo taua, teako balang parekangi a'jari panra' anjo taua passabakkang apa-apa nukanrea.

ROMA 16:18

Nasaba' anjo tau kammaya ngaseng panggaukanna, teai untu' Batarata Isa napanjama-jamang, passangalinna untu' napasu kalenna ke'nanga ero' napasukku'. Natipui tau tenaya nangngasseng apa-apa siagang kana-kana sanna' baji'na.

1 KORINTUS 8:11

Lanri kammana, passabakkang ikaumi na'jari sala oloang anjo tau tenaya najarre' tappa'na. Padahala' untu' iatommi anjo taua namate Almasi.

1 PETRUS 5:2

sollanna nukalawaki sikamma gimbala' Napappirannuanga Allata'ala mae ri kau ngaseng. Kalawaki ke'nanga siagang sannang pa'mai'nu, sangkamma Nakaerokanga Allata'ala. Teako battalaki pa'mai'nu angkalawaki ke'nanga. Tea tongko lanri ero'nuji anggappa passawallang nanugaukang jama-jamannu. Passangalinna lanri ero'nu attojeng-tojeng allayani.

1 SAMUEL 9:7

Nakanamo Saul, “Punna mangeki' ri ia, apa lanisareangi? Bokong nieranga la'busu'mi, na ikatte tenamo apa-apanta untu' lanisareangi anjo atanNa Allata'ala.”