YEHEZKIEL 12:25 - KITTA' MATANGKASA'

²⁵ INakke Batara Kaminang Tinggia la'bicara mae ri bansa Israel, na sikontu apa Kupaua ma'nassa lakajariangi, tena nanipaunduruki pole. Pilangngeri, he tau nangaia angngewa! Lalang ri tallasa'nu laKupa'rupai sikontu apa Kupappakaingakkanga mae ri kau. INakke, Batara Kaminang Tinggia, anne akkana.”

YEHEZKIEL 12:25 ပူးပေါင်းရင်းမြစ်များ

YESAYA 14:24

Assumpai Batara Kaminang Makoasaya angkana: “Ia le'baka Kurancanakang mattantu lakajariangi.

YESAYA 55:11

kamma tomminjo kana Kupaua talammoterai sia-sia, mingka akkullei nagaukang apa Kukaerokia, siagang nagappa sikamma apa Kupakkanaya.

YEREMIA 1:11

Akkuta'nangi Batara ri nakke angkana, “Apa nucini' Yeremia?” Appialia' angkana, “Tangke kayu badang, Batara.”

YEREMIA 16:9

Pilangngeri anne eroka Kupau ri kau, iNakke Batara Kaminang Koasaya, Allata'alana Israel. Sa'ra rannuna siagang kakkala'na anjo passua'-suarrang pa'buntinganga laKupammari ngasengi. Anjo sikammaya lanacini' ngasengi sikamma tau attallasaka ri anne jammannu.

PIRAUNG 2:17

Nagaukammi pa'gammara'Na Batara apa le'baka Narancana riolo na Napappakaingakkang mae ri katte. Tamammaling-malimmi angngancurukki', Nasarei musua pammetang. Napa'jari rannui ke'nanga anciniki katu'guranta.

YEHEZKIEL 12:26

Nakana Batara ri nakke,

YEHEZKIEL 12:28

Lanri kammana anjo, pabattuangi ke'nanga, angkana iNakke, Batara Kaminang Tinggia, angkana; Sikontu apa Kupaua ma'nassa lakajariangi, tena nalanipaunduru'. INakke, Batara Kaminang Tinggia, anne akkana!”

YEHEZKIEL 6:10

Jari lanaassemmi ke'nanga angkanaya iNakke Batara siagang sikontu anjo pappakainga' le'baka Kupabattuangi ke'nanga, teai poro kana-kana panggaratta' tenaya bonena.”

YEHEZKIEL 7:13

Tena padanggang langgappai ammotere' apa le'baka nabalukang, nasaba' manna inai lanituju ngasengi ri pangngalarroinNa Allata'ala. Tau ja'dalaka tena nalasalama'.

DANIEL 9:12

TindakanTa sicoco' le'baki apa le'baka Kipa'janjiang mae ri kambe siagang mae ri pamarentana ikambe. Le'ba'mi Kihukkung kota Yerusalem la'bi sannakkangngang nakota maraenga ri anne linoa.

HABAKUK 1:5

Nampa Nakanamo Batara mae ri umma'Na, “Parhatikangi bansa-bansaya ri tammulilinu, nanulalannasa' siagang latakkajannang. Nasaba' ri jammannu nia' apa ero' laKugaukang, tenaya nalanupatappa' punna poro nicarita bawang mae ri kau.

HABAKUK 2:3

Cataki anjo, nasaba' kamma-kamma anne teaipi wattunna. Mingka tasalloai nabattu anjo wattua, siagang apa le'baka Kupa'nyata mae ri kau tena ta'rupana. Manna pole nasallo ijapa cinikanna, mingka tayang mami! Anjo wattua ma'nassa labattui siagang tena nalanipaunduru'.

ZAKHARIA 1:6

Tete ri sikamma anjo na'bi atangKu ngaseng, Kupabattumi sikamma parentaKu siagang sikamma pappakaingakKu mae ri boe-boenu. Mingka tena najampangi ke'nanga sa'genna musti natanggongi ke'nanga kale'bakkang kajariang kodina. Nampa assesse' lalammo ke'nanga, siagang mangakumi ke'nanga mae ri Nakke angkanaya iNakke, Batara Kaminang Koasaya, le'ba' anghukkungi ke'nanga situru' kasalanna ke'nanga, siagang sangkamma apa le'baka Kupattantu.”

PAMMILANGNGANG 11:23

Appialimi Batara angkana, “Apaka nukana nia' sanggana kakoasangKu? Lanuciniki angkanaya anjo apa Kupaua ma'nassa lakajariang tojengi yareka tena!”

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

LUKAS 21:13

Mingka iaminjo la'jari kasampatang ri kau ambirittakangi Kabara' Bajika, battua ri Allata'ala.

LUKAS 21:33

Lalanynya' ngasengi langika siagang linoa, mingka kana-kanangKu tuli lania'na satunggu-tungguna.”