YEHEZKIEL 12:24 - KITTA' MATANGKASA'

²⁴ Ri Israel tenamo pacini' yareka paboto balle-balle;

YEHEZKIEL 12:24 ပူးပေါင်းရင်းမြစ်များ

YEHEZKIEL 13:23

Kamma-kamma anne kala'busammi sikamma paccini' balle-ballenu siagang boto takontu tojennu. Kupasalamaki ummakKu battu ri pangaru ja'dala'nu. Na nuassemmo angkanaya iNakke Batara.”

1 TESALONIKA 2:5

Nasaba' kalennu angngassengi angkanaya tale'bakai ikambe a'baji'-baji' ri bawa lanri nia' ero' kangoang taccokkona ikambe. Allata'ala a'jari sa'bi ri anne passalaka!

ROMA 16:18

Nasaba' anjo tau kammaya ngaseng panggaukanna, teai untu' Batarata Isa napanjama-jamang, passangalinna untu' napasu kalenna ke'nanga ero' napasukku'. Natipui tau tenaya nangngasseng apa-apa siagang kana-kana sanna' baji'na.

YEHEZKIEL 13:6

Sikamma paccini'na ke'nanga sangnging tena nakontutojeng siagang sikamma botona ke'nanga sangnging balle-balle. Naani ke'nanga kalenna angngerang pasang battu ri Nakke, padahala' iNakke tena le'bakai Kusuro ke'nanga. Antekamma lakkulle ke'nanga manrannuang ri botona ke'nanga anjo angkana la'rupai?

PIRAUNG 2:14

Apa napabattua na'bi-na'bia mae ri kau, sangnging balle-balleji bawang. Tena le'bakai nasungke ke'nanga dosanu, sa'genna tena nutoba'. Kabalekanna iaji bawang napabattu ri kau kana-kana baji' a'balle-ballea.

PANGNGEBARANG 26:28

Amballe-ballei paranna tau, sangkammai angkana nikabirisi. Kana-kana te'nea angngerangi bala.

1 KARAENG-KARAENG 22:17

Appialimi Mikha angkana, “Kuciniki tantara Israel tassiara' tena silolongang ri moncong-monconga. Sanrapangi ke'nanga gimbala' tenaya pakalawakinna, siagang Nakana Batara ri sesena ke'nanga, ‘Anne taua ngaseng tena pamimpinna. Lappassammi ammotere' ke'nanga siagang salama'.’ ”