YEHEZKIEL 12:22 - KITTA' MATANGKASA'

²² “He tau, angngapai tu Israel nangai kammai napau paruntu' kana kammaya anne: ‘Kasambeangi jammanga, mingka botoa tenanga'rupayai'’?

YEHEZKIEL 12:22 ပူးပေါင်းရင်းမြစ်များ

YESAYA 5:19

Nukana, “Lappassammi angngalle linta' tindakang Karaeng, Allata'ala matangkasa'na Israel! Boli'mi kamma Nagaukang rancanaNa, sollanna niciniki siagang niassengi.”

YEHEZKIEL 11:3

Lanri kammana anjo pabattui pasangKu ri passala'na hukkunganga mae ri ke'nanga, he tau. Nasaba' nakana ke'nanga, ‘Tasalloami nanibangungi ammotere' anne sikamma ballaka. Anne kotaya iamintu uring naikatte anne dageng a'jari bonena. Laamangki' lalang battu ri pepe' a'jalloka lanri nila'langngiki' ri anne uringa.’ ”

YEHEZKIEL 12:21

Nakana Batara ri nakke,

YEHEZKIEL 12:27

“He tau, napaui tu Israel angkanaya anjo paccini'nu siagang nubotoa sallo duduiji sallang nampa la'rupa.

YEHEZKIEL 16:44

Nakana Batara, “He Yerusalem, lanapitabaiko taua paruntu' kana angkanaya, ‘Sangkamma amma'na, kamma tomminjo ana' bainena.’

YEHEZKIEL 7:26

Balaya siagang kabara' kodia tenammarina tulusu' labattu. Nupalaki mae ri na'binu sollanna akkulle ke'nanga antappui lalang paccini'na ke'nanga, mingka tena todong nakkulle ke'nanga. Kammayatompa sikamma imanga tenamo apa-apa lakkulle napangngajarrang mae ri ummaka, siagang sikamma pamimpinga kala'busammi ri kana-kana untu' pappakainga'.

AMOS 6:3

Nupatterassangi angkanaya anjo allo angngeranga bala bella iji, mingka anjo sikamma panggaukannu poro pila' napa'jari linta'ji kabattuanna anjo allo kapallakkanga.

HABAKUK 1:5

Nampa Nakanamo Batara mae ri umma'Na, “Parhatikangi bansa-bansaya ri tammulilinu, nanulalannasa' siagang latakkajannang. Nasaba' ri jammannu nia' apa ero' laKugaukang, tenaya nalanupatappa' punna poro nicarita bawang mae ri kau.