YEHEZKIEL 12:2 - KITTA' MATANGKASA'

² “He tau, ikau niakko ammantang ri tangnga-tangngana tau nangaia angngewa. Nia' matanna ke'nanga, mingka tena naccini'; nia' tolinna mingka tena nallangngere', lanri nangaina ke'nanga angngewa.

YEHEZKIEL 12:2 ပူးပေါင်းရင်းမြစ်များ

2 KARAENG-KARAENG 17:14

Mingka taerokai tu Israel siagang tu Yehuda mappilangngeri. Kapala batui ke'nanga sangkamma boe-boena ke'nanga tenaya natappa' mae ri Batara, Allata'alana ke'nanga.

2 KARAENG-KARAENG 17:15

Taerokai tu Israel siagang tu Yehuda anturuki parenta-parentaNa Batara siagang tena namajarre' ri parjanjiang le'baka napare' siagang boe-boena ke'nanga. Tena najampangi sikamma pappakainga'Na, passangalinna anynyombai ke'nanga mae ri barhala-barhala tenaya matu-matunna, sa'genna manna kalenna ke'nanga tena tommo matu-matunna. Naturuki ke'nanga panggaukanna bansa-bansa niaka ri ampi'na ke'nanga, manna pole nale'ba'mo nipisangkai ke'nanga ri Batara.

PAMMUJI 78:40

Tamaka ma'mole-molena ke'nanga angngewa ri Ia, siagang napa'risi pa'mai'Na ri wattunna ri parang lompoa.

YESAYA 1:23

Sikamma pamimpinnu angngewami mae ri Nakke siagang assikongkolo'mi palukka'; nangai ke'nanga annarima hadia siagang doe' pammuccu'. Taerokai ke'nanga angngalleangangi ana' kukanga ri pangadelanga; taerokai ke'nanga ampilangngeri tuntutanna sikamma janda-jandaya.

YESAYA 30:1

Nakana Batara, “Cilakai sikamma pamimpinna tu Yehuda, lanri angngewana ke'nanga ri Nakke. Rancanana ke'nanga naturuki, teai rancanaKu. Annekengi parjanjiang ke'nanga, tenaya nasicoco' siagang erokKu. Jari attambung-tambummi dosana ke'nanga.

YESAYA 30:9

Saba', anjo ke'nanga bansa nangai angngewaya ri Allata'ala, nangai a'balle-balle siagang tale'bakai ero' appilangngeri ri pangngajaranNa Batara.

YESAYA 43:8

Nakana Allata'ala, “Suroi maju mae ri dallekang bansaKu butaya, manna pole nania'ja matanna; ia tongoloka, manna pole nania'ja tolinna.

YESAYA 44:18

Tojeng, teai sipato' dongo'na ngaseng tau kammaya anjo! Natongkoki matanna siagang atinna ke'nanga sa'genna tena apa-apa napahang.

YESAYA 6:5

Nampa kukanamo, “Bala! Tenamo panrannuangku inakke, lanri ra'masa'na bawaku napakamma dosa, na kuammantang ri tangngana bansa kammaya todong cilakana. Mingka manna nakamma, mata kalengku anciniki Karaenga, iamintu Batara Kaminang Makoasaya!”

YESAYA 65:2

Tuli sadiaKu ero' antarimai ummakKu, mingka nangai ke'nanga angngewa. Anjo bansaya nagaukangi ja'dalaka siagang ero' kalenna naturukiang.

YEREMIA 4:17

siagang lanatammulili Yerusalem rapang tau akkammika koko. Nakajariang ngaseng anjo sikammaya lanri tu Yehuda nabaliangi Batara. Le'ba'mi a'bicara Batara.

YEREMIA 5:21

“Pilangngeri, he ikau ngaseng sikamma tau dongoka siagang toloa! Nia' matannu, mingka tena nuccini'; nia' tolinnu mingka tena nullangngere'!

YEREMIA 5:23

Mingka kapala batuko siagang nungai angngewaya; nungai ammengka maraenga siagang ambokoiA'.

YEREMIA 7:26

Mingka tena ero' mappilangngeri siagang anjampangi. Ba'lalo pila' a'jari la'bi kapala batuko siagang la'bi ja'dalakko naboe-boenu.”

YEHEZKIEL 12:1

A'bicarai pole Batara mae ri nakke, angkana,

YEHEZKIEL 12:25

INakke Batara Kaminang Tinggia la'bicara mae ri bansa Israel, na sikontu apa Kupaua ma'nassa lakajariangi, tena nanipaunduruki pole. Pilangngeri, he tau nangaia angngewa! Lalang ri tallasa'nu laKupa'rupai sikontu apa Kupappakaingakkanga mae ri kau. INakke, Batara Kaminang Tinggia, anne akkana.”

YEHEZKIEL 17:12

“Kuta'nangi anjo sikamma tau nangaia angngewa, apaka napahanji battuanna anjo pangngebaranga? Pabattuangi ke'nanga angkanaya le'ba'mi battu karaeng Babel ri Yerusalem, nampa naengka' karaeng Yehuda siagang sikamma pamimpinna anjo kotaya mange ri Babel.

YEHEZKIEL 2:3

“He tau, ikau Kusuroko mange ri tu Israel angngewaya ri Nakke. Anjo ke'nanga angngewai sangkamma boe-boena ke'nanga.

YEHEZKIEL 24:3

INakke, Batara, nia' se're pangngebarangKu untu' lanipabattu mae ri ummakKu nangaia angngewa: Tiriki je'neka antama ri pancia nampa padongkoki irate ri pepeka.

YEHEZKIEL 3:9

LaKupa'jari kassakko sangkamma batu karang siagang terasa' sangkamma intang. Teako mallakki mae ri sikamma anjo tau nangaia angngewa.”

YEHEZKIEL 44:6

Paui mae ri anjo umma' Israel nangaia angngewa, angkanaya iNakke, Batara Kaminang Tinggia, taerokaMa' allappassangi ke'nanga anggaukangi ra'masaka.

MARKUS 4:12

sollanna ‘Lanaciniki tojemmi ke'nanga, mingka tanaassengai apa kajarianga, lanapilangngeri tojemmi ke'nanga, mingka tanapahangai, anne kajariangi sollanna tena naciniki siagang tena napahangi ke'nanga na tea battu mae ri Allata'ala, nampa nipammopporang ri Allata'ala ke'nanga.’ ”

LUKAS 8:10

Appialimi Isa Nakana, “Ikau ngaseng nisare mako pangngassengang untu' angngassengi rahasia battua ri Allata'ala siagang PamarentahanNa. Mingka tau maraenga parallui niajara' siagang pangngebarang, sollanna accini' ke'nanga, mingka tanaassengai apa kajarianga; sollanna appilangngeri ke'nanga mingka takkulleai napahang.”

YOHANES 12:40

‘Kupa'jari butai matanna ke'nanga, Kupa'jari ka'doroki atinna; sollanna taccinika matanna, natammahanga pikkiranna. Sollanna taeroka ammotere' mae ri Nakke, nampa Kuballei ngaseng sa'genna baji'.’ ”

2 KORINTUS 3:14

Katongkokammi pikkiranna ke'nanga. Na sa'genna ri kamma-kammaya anne sanrapangi tuli natongko' iji bongong pikkiranna ke'nanga ri wattunna nabaca anjo kitta'-kitta' parjanjiang salloa. Iapa nakkulle tassungke anjo bongonga punna a'jari se're taua mae ri KalenNa Almasi.

EFESUS 4:18

Sassangi pikkiranna ke'nanga. Tanaassengai ke'nanga katallassang Napassareanga Allata'ala, nasaba' tena sikali apa-apa naasseng ke'nanga ri passala'na Allata'ala. Kammami anjo ke'nanga, lanri sanna' kapala batuna ke'nanga.

PAOLE 29:3

Le'ba' tommi nucini' sikamma bala lompoa, gau'-gau' malompoa siagang gau'-gau' appakalannasa' Nagaukanga Batara.

PAOLE 29:4

Mingka sa'genna kamma-kamma anne tenapa Nasareko kasampatang untu' ampahang kabusuki angkana apa battuanna anjo apa le'baka nucini'.

PAOLE 31:27

Kuassengi angkanaya teai sipato' kapala batuna ke'nanga siagang nangai angngewaya. Manna lalang attallasakku nangai ke'nanga angngewa ri Batara; sarroangampa sallang, punna matema'!

PAOLE 9:24

Baku'nu kuasseng, tuli tenana numappilangngeri mae ri Batara.

PAOLE 9:7

U'rangi antekamma batenu ampakalarroi Karaeng Allata'alanu ri parang lompoa. Baku' nubokoina Mesir sa'gennu battu mae anrinni, tena numannuruki mae ri Batara.