YEHEZKIEL 12:12 - KITTA' MATANGKASA'

¹² Lalang ri sassanna bangngia karaenna ke'nanga lanapisangi pa'roko'na irate ri salangganna nampa a'lampa. Lappareki taua so'bolo' ri temboka sollanna akkulle assulu'. Lanatongkoki matanna sa'genna tanacinika agang naoloa.

YEHEZKIEL 12:12 ပူးပေါင်းရင်းမြစ်များ

2 KARAENG-KARAENG 25:4

nirumbammi tembo'na kotaya ri musua. Anjo bangngia, manna pole sitabangi nikurung anjo kotaya ri tu Babel, lari kabusu'mi tantara Yehuda mange ri Lappara'na Yordan. Anjorengi ammalo ke'nanga ri koko balla' karaenga, nampa assulu' battu ri pakke'bu' lompo ampasisambungai anjo ruaya tembo' ri anjo tampaka.

2 KARAENG-KARAENG 7:5

Ri wattunna lappakkaramulamo sassang, a'lampami ke'nanga mange ri pakkemaanna tu Siria, mingka tena manna sitau nacini' ke'nanga anjoreng.

AYUB 24:16

Palukkaka ammongkaraki balla' ri wattu bangngi; ri wattu allo a'lilimi ri singaraka nampa accokko.

YEREMIA 24:8

Mingka Zedekia karaeng Yehuda, siagang sikamma pamarenta a'reppeseka ri ia, kammayatompa sesanna tu Yerusalem tuli ammantanga anrinni ri pa'rasanganga anne yareka a'letteka mange ri Mesir, yangasenna ke'nanga laKugauki sanrapang anne rappo ara bottoka ngaseng, tenaya nakkulle nikanre. INakke, Batara anne akkana.

YEREMIA 32:5

Nampa laniengka' Zedekia mange ri Babel siagang ammantang anjoreng sa'genna Kuhukkung. Manna pole nanabunduki tu Babel, mingka tena nakkulle lambetai. INakke, Batara, anne akkana.”

YEREMIA 37:17

Nampa Karaeng Zedekia nasuroi taua angngeranga' mange andallekang ri ia ri balla' karaenga. Anjoreng akkuta'nang cokko-cokkomi ri nakke angkana apaka nia' pasang battu ri Batara. Appialima' angkana, “Nia'.” Nampa kupauang pole angkana, “Lanipassareangki' mae ri karaeng Babel.”

YEREMIA 39:4

Ri wattunna Karaeng Zedekia siagang sikontu tantarana naciniki anjo sikontu apa kajarianga, ero'mi ke'nanga lari mange ri Lappara'na Yordan ia memang anjo bangngia. Anjorengi ke'nanga ri koko balla' karaenga angngalle oloang, nampa assulu' battu ri pakke'bu' lompo ampasisambungai ruaya tembo' ri anjo tampaka.

YEREMIA 42:7

Sampulo allo ribokoanganna, a'bicarami Batara ri nakke.

YEREMIA 52:7

nirumbammi tembo'na kotaya ri musua. Anjo bangngia, manna pole nasitabang nakurung tu Babel anjo kotaya, sikontu tantara Yehuda lari mange ri Lappara'na Yordan. Anjorengi ke'nanga ri koko balla' karaenga angngolo, nampa assulu' battu ri pakke'bu' lompoa ampasisambungai ruaya tembo' ri anjo tampaka.