YEHEZKIEL 11:9 - KITTA' MATANGKASA'

⁹ LaKuerangko assulu' battu ri kotaya nampa Kupassareangko mae ri bansa maraeng. Le'ba'mi Kutappuki angkana laKuhukkung mateko.

YEHEZKIEL 11:9 ပူးပေါင်းရင်းမြစ်များ

2 KARAENG-KARAENG 24:4

la'biangampa lanri sikontu pammunoang nagaukanga mae ri sikamma tau tenaya nasala. Tena Naero' Batara ampamopporangi Manasye lanri anjo panggaukang-panggaukang kammana.

EZRA 9:7

Battu ri boe-boena ikambe sa'genna kamma-kamma anne, ikambe ummatTa dorakai ri Katte. Lanri kammana anjo, nasikamma karaenna siagang imanna ikambe nibetami ri karaenna bansa-bansa maraenga. Nibunoi ikambe, niellaki, siagang nierangi mange nipela'. Nihina tojeng-tojemmi ikambe, sangkamma kaadaanga anne alloa.

PAMMUJI 106:30

Mingka ambangummi Pinehas anghukkungi tau salaya, nammarimo anjo garringa.

PAMMUJI 106:41

Jari Napassareammi ke'nanga mae ri bansa-bansaya, Nabalang parekangi ke'nanga nikoasai ri musu.

KATO'BA 8:11

Angngapa nagampang kamma taua anggaukangi kaja'dallanga? Lanri tenana nalinta' nipitabai hukkungang.

YEREMIA 29:20

Na ikau ngaseng Kupelaka mange ri Babel, pilangngeri anne kanangKu, Batara.’

YEREMIA 39:6

Anjoreng tommi ri kotaya nibuno sikamma ana'na ri dallekanna, siagang sikontu pagawena nibuno ngaseng todong.

YEHEZKIEL 11:7

Lanri kammana anjo, iNakke, Batara Kaminang Tinggia, Kukana ri kau: Memang, anne kotaya sanrapangi uring, mingka dageng niaka lalang teai ikau, passangalinna maya'na sikamma tau le'baka nubuno! Nampa ikau laKubongkako assulu' battu ri anne kotaya!

YEHEZKIEL 16:38

LaKuhukkungko lanri passundallang siagang pammunoang le'baka nugaukang. Lalang nassuKu siagang larroKu laKuhukkung mateko.

YEHEZKIEL 16:41

Lanatunui ke'nanga sikamma balla'nu nampa nasuro sikamma tubai'-bainea anciniki anjo hukkunganga. Kammami anjo bateKu lampamariko ri gau' bawannu. Tenamo nula'bage-bage hadia mae ri sikamma tanrinnu.

YEHEZKIEL 21:31

LaKupa'betteseki larroKu a'rinra-rinraya mae ri kau. Siagang laKupassareangko mae ri tau sekkeka, siagang le'baka nilati untu' ammanraki.

YEHEZKIEL 30:19

Kammami anjo batena laKuhukkung Mesir, nampa naassemmo ke'nanga angkanaya iNakke Batara.”

YEHEZKIEL 5:10

Tau toaya lanakanrei ana' kalenna siagang anaka lanakanrei tau toana. Kammami anjo batena laKuhukkung ke'nanga, siagang ia attallasaka ija laKupasiaraki mae ri sikontu tampa' maraenga.

YEHEZKIEL 5:15

Punna larroA' siagang lussaKa' mae ri kau, kammayatompa Kuhukkungko, sikontu bansa-bansa niaka ri tammulilinu la'jari mallaki nakasia'. Lanacau-cauko siagang lanrei ancinikko.

YEHEZKIEL 5:8

Jari iNakke, Batara Kaminang Tinggia, Kupa'nassai angkanaya iNakke musunnu. LaKuhukkungko ri dallekanna bansa-bansa maraenga.

YOHANES 5:27

Nasaremi koasa Ana'Na untu' angngadeli rupataua, nasaba' Iami Ana' Ma'rupataua.

ROMA 13:4

Nasaba' anjo pamarentaya atanNa Allata'ala, anjamaya untu' kabajikannu. Mingka punna a'gau' ja'dalakko, memang musti mallakko mae ri pamarentaya; nasaba' tena naporo nia'naja koasana anghukkungi taua. Iami atanNa Allata'ala, ampabattuai hukkunganNa Allata'ala mae ri tau a'gau' ja'dalaka.

PAOLE 28:36

Punna tena numannuruki ri Batara Allata'alanu, ikau siagang karaennu laNaerangko Batara mange ri pa'rasanganna bansa maraeng tenaya nanuassengi, siagang tena todong nanaassengi boe-boenu. Anjoreng lanupare' atai kalennu mae ri rewata-rewata nipareka battu ri kayu siagang batu.

YUDAS 1:15

untu' angngadeli sikontu rupataua. LaNahukkung ngasengi Batara sikamma tau ja'dalaka lanri panggaukang bambala'na ke'nanga. Siagang laNahukkung ngaseng tongi bicara-bicara hina napaua sikamma tau dosaya siagang dorakaya.”