YEHEZKIEL 11:19 - KITTA' MATANGKASA'

¹⁹ LaKuberui atinna siagang panggaukanna ke'nanga. Atinna ke'nanga terasaka sanrapang batu laKuallei nampa Kusambei siagang ati mannurukia mae ri Nakke.

YEHEZKIEL 11:19 ပူးပေါင်းရင်းမြစ်များ

2 KARAENG-KARAENG 22:19

assesse'lalang mako siagang nupakatunami kalennu ri dallekangKu. Le'ba'mi Kugammara' Yerusalem siagang pandudu'na angkanaya eroki Kuhukkung. Eroki Kupa'jari anjo kotaya sanna' appakamalla'na nicini', siagang laKupa'jari anjo arenna Yerusalem kana pattunra. Mingka ri wattunna nulangngere' anjo kana panggammarakKu, angngarru' mako siagang nukae-kaemi pakeannu napakamma si'na pa'mai'nu. Kulangngere'mi pappala' doannu,

2 PATTOTTORANG 30:12

Manna ri Yehuda Napagio' tonji Allata'ala siagang Napa'julu ati ra'yaka untu' attojeng-tojeng mannuruki ri ero'Na Allata'ala, sa'genna naturuki parentana karaenga siagang pagawe-pagawena.

PAMMUJI 51:10

Boli'mi kamma kulangngere' kabara' nikarannuanga, sollanna a'jari rannu poleang anne atingku le'baka Kiancuru'.

YESAYA 48:4

Kuassengi angkanaya ikau sanna' terasa'na pa'mai'nu, terasaki ulunnu siagang kapala batuko.

YEREMIA 24:7

LaKusarei ke'nanga kaerokang untu' ampahangi angkanaya iNakkemi Batara. Na la'jarimo ke'nanga ummakKu, siagang iNakke a'jari Allata'alana ke'nanga, lanri lammotereki ke'nanga mae ri Nakke lalang sikontu pa'mai'na.

YEREMIA 31:33

Iaminne parjanjiang beru laKupareka siagang umma' Israel: Hukkung-hukkungKu laKuboliki ri ati mailalanna ke'nanga, Kutulisiki ri pa'mai'na ke'nanga. INakke la'jari Allata'alana ke'nanga, siagang ke'nanga la'jari ummakKu.

YEHEZKIEL 18:31

Pamari anjo sikontu panggaukang ja'dala' nugaukanga siagang lappassammi a'jari beru atinnu siagang pikkirannu. Angngapa numusti mate?

YEHEZKIEL 37:14

LaKupatuiki nappasaka antama' ri kalenna ke'nanga untu' ampakatallasaki ke'nanga, nampa Kusare pakkulle ke'nanga ammantang ri pa'rasangang kalenna. Jari naassemmi ke'nanga angkanaya iNakke Batara. INakke Batara anne akkana, siagang mattantu la'rupana kanangKu.”

ZEFANYA 3:9

Mingka sallang laKupinrai atinna anjo bansa-bansaya, sa'genna appala' doang ke'nanga mae ri Nakke bawang, siagang tena nappala' doang mae ri rewata-rewata maraenga. Sikontu anjo bansa-bansaya lamannuruki mae ri Nakke.

ZAKHARIA 7:12

Napatterassangi atinna ke'nanga sa'genna a'jari sanrapang batu terasa'na. Teai sipato' larroKu lanri tenana naero' ke'nanga mannuruki ri ajarang-ajarang le'baka Kupassareang mae ri ke'nanga tete ri sikamma na'bia riolo.

LUKAS 11:13

Manna pole ja'dala' ngasengko, mingka angngasseng tonjako assare apa-apa baji' mae ri ana'nu. La'biangampa Manggea ri suruga! LaNapassareangi RohNa mae ri tau appalaka ri Ia!”

YOHANES 14:26

Mingka RohNa Allata'ala, iamintu Pannulung laNasuroa battu Allata'ala lalang arengKu, Iami langngajara' ngasengko lalang sikontua passala'. Iami lampiu'rangiangko sikontu apa le'baka Kupau ri kau.

LAMPA-LAMPANA 4:32

A'julu atimi siagang a'julu nyawa ngasemmi anjo sikontu tau tappaka. Punna nia' apa-apanna ke'nanga, tena manna sitau langkana anjo apa-apaya ia bawang pata. Sikontu apa niaka ri ke'nanga, napassama-samaimi napake.

ROMA 11:2

Tena! Tena naNapelaki umma'Na Allata'ala, le'baka Napile battu ri uru-uruna. Nuasseng ngasenji apa tattulisika lalang ri Kittaka, ri passala'na Na'bi Elia, ri wattunna natuntu' bansa Israelka mae ri Allata'ala. Nakana Na'bi Elia,

1 KORINTUS 1:10

Sikamma sari'battangku! Kupalaki, lalang arenNa Batarata Isa Almasi, sollannu a'julu kana; sollanna tena nanusisa'la'-sa'la'. Paralluko a'jari se're, a'julu ati siagang a'julu pikkirang.

2 KORINTUS 3:3

Kalennami ke'nanga akkulle anciniki, angkanaya sanrapangko sura' Natulisika Almasi, nikiringa siagang napabattua ikambe. Anjo suraka teai dawa' nipatulisi' mingka Roh mattallasa'Na Allata'ala; tena todong nalalang ri karattasaka nitulisi', passangalinna lalangi ri atinna rupataua.

2 KORINTUS 5:17

Inai-nai ampakase'remi kalenna mae ri KalenNa Almasi, a'jarimi tau le'ba' niberui taba sikali tallasa'na. Tenami apa-apa salloa ri kalenna, lanri le'ba' ngasemmi niberui.

GALATIA 6:15

Nisunnaki taua yareka tena, anjo tenamo naparallu. Ia parallua, iamintu a'jaria tau beru.

EFESUS 4:23

Parallui niberui ngaseng sikontu pa'mai'nu siagang pikkirannu.

PAOLE 30:6

Ikau siagang jari-jarinu lanisareko nyawa sarroa mannuruki, sa'gennu mangngamaseang ri Karaeng Allata'alanu lalang sikontu pa'mai'nu siagang akkulleko tulusu' ammantang ri anjo buttaya.