YEHEZKIEL 11:17 - KITTA' MATANGKASA'

¹⁷ INakke, Batara Kaminang Tinggia, ampaui angkana laKupa'rappungi ke'nanga battu ri sikamma pa'rasangang napammantangia ke'nanga tassiara', nampa Kupoterang butta Israel mae ri ke'nanga.

YEHEZKIEL 11:17 ပူးပေါင်းရင်းမြစ်များ

PAMMUJI 107:3

Le'ba' mako Napa'rappungang battu pa'rasangang-pa'rasangang maraeng, battu raya siagang ilau', battu wara' siagang timboro'.

YESAYA 60:21

Lannabai tindakanna pandudu'nu, lanapatangi ke'nanga pa'rasanganga satunggu-tungguna. Rapangi ke'nanga lamungang Kucangkoka KalengKu, untu' ampa'nyatai kala'birangKu.

YEREMIA 24:5

“Sikamma anjo tau Kulappassanga niengka' mange ri Babel Kupasanrapangi anjo rappo ara baji'-bajika; lanri kammana anjo, iNakke, Batara, Allata'alana Israel, laKugaukangi bajika mae ri ke'nanga.

YEREMIA 24:6

LaKujagai ke'nanga siagang laKuerangi ke'nanga ammotere' mae anrinni ri pa'rasanganga. LaKupabangungi ke'nanga, tena naKuruntungi; laKulamungi, tena naKubi'buki ke'nanga.

YEREMIA 24:7

LaKusarei ke'nanga kaerokang untu' ampahangi angkanaya iNakkemi Batara. Na la'jarimo ke'nanga ummakKu, siagang iNakke a'jari Allata'alana ke'nanga, lanri lammotereki ke'nanga mae ri Nakke lalang sikontu pa'mai'na.

YEREMIA 29:10

Nakana Batara, ‘Punna ganna'mo wattua tujupulo taung untu' Babel, laKuparhatikangko pole ammotere', siagang laKurupai janjingKu untu' angngerangko ammotere' mae ri anne tampaka.

YEREMIA 3:12

Nasuroa' Batara a'lampa untu' ampabattui anne passalaka mae ri Israel angkanaya: “He Israel tenaya namajarre' pa'mai'na, ammotere' mako mae ri Nakke! Lompo pangngamaseangA' ri kau siagang tena Kutuli lalarro mae ri kau.

YEREMIA 3:18

Lasse'rei Israel siagang Yehuda, nasiagang battu ri butta pammelakkanga, battu wara'. Lammotereki ke'nanga mange ri pa'rasangang le'baka Kupassareang a'jari butta pisaka mae ri boe-boenu.”

YEREMIA 30:18

Nakana pole Batara: “Ikau, ummakKu laKukamaseangko siagang laKupakabajiki ammotere' katallassannu ri butta passolongang cera' kalennu. Lanibangungi ammotere' Yerusalem, siagang lanipakabajiki balla' karaenna.

YEREMIA 31:16

Pammari karru'nu, lu'luki je'ne matannu! Tena nalasia-sia posonu mae ri ana'-ana'nu. Lania' passawallang mae ri kau, ana'-ana'nu ammotereki battu ri pa'rasanganna musua.

YEHEZKIEL 20:41

Punna le'bakko Kuerang assulu' battu ri pa'rasangang-pa'rasangang tampa'nu nipasisa'la'-sa'la', laKupasse'reko nampa Kutarima sikamma koro'bang nitununu. Nampa naassemmo sikontu bansaya angkanaya iNakke anne Allata'ala Kaminang Matangkasaka.

YEHEZKIEL 20:42

Punna Kuerangko ammotere' mange ri butta Israel, butta Kupa'janjianga mae ri boe-boenu, nuassemmi angkanaya iNakke Batara.

YEHEZKIEL 28:25

Nakana Batara Kaminang Tinggia, “LaKupasse'rei tu Israel battu ri sikamma pa'rasangang bella tampa'na ke'nanga Kupasiara', siagang sikontu bansaya lanaassengi angkanaya matangkasakKa'. Bansa Israel lammantangi ammotere' ri butta kalenna ke'nanga, iamintu butta le'baka Kupassareang mae ri atangKu Yakub.

YEHEZKIEL 34:11

Nakana Batara Kaminang Tinggia, “KalengKu lamboyai sikamma gimbalakKu siagang amparakai ke'nanga,

YEHEZKIEL 34:13

LaKupasuluki ke'nanga battu ri tangngana bansa-bansaya siagang pa'rasangang-pa'rasangang maraeng, nampa Kupa'rappung siagang Kuerang mange ri pa'rasangang kalenna. LaKukalawaki ke'nanga ri sikamma monconga siagang ka'bunga ri Israel, siagang Kururungang mange ri parang ruku' nyamanga.

YEHEZKIEL 36:24

Battu ri tunggala' bansaya siagang pa'rasanganga, laKupa'rappungko nampa Kupoterangko mange ri butta kalennu.

ZAKHARIA 8:7

LaKupasalamaki ummakKu battu ri sikamma pa'rasangang le'baka napammantangngi ke'nanga nialle,

PAOLE 30:3

laNakamaseang mako Karaeng Allata'alanu. LaNaerangko ammotere' battu ri bansa-bansa nupammantangngia nipasisa'la'-sa'la', nampa nipa'jari salewangangko ammotere' ri katallassannu.