YEHEZKIEL 11:16 - KITTA' MATANGKASA'

¹⁶ Lanri kammana anjo, pabattui anne pasangKu mae ri agang-agannu nipelaka, angkana iNakke angngerangi ke'nanga a'lampa bella ri alla'na bansa-bansaya siagang ampasiaraki ke'nanga ri anjo sikamma pa'rasanganga. Mingka lalang nia'na ke'nanga anjoreng, iNakke lanrurungangi ke'nanga.

YEHEZKIEL 11:16 ပူးပေါင်းရင်းမြစ်များ

PAMMUJI 31:20

Tamaka alla'bi-la'bina kabajikanTa Kipasadiaya mae ri tau mappilangngeria! Sikamma taua nacini' ngasengi kabajikang Kigaukanga, mae ri sikamma tau ma'la'langa mae ri Katte.

PAMMUJI 44:11

Kibalang parekangi ikambe lari battu ri musunna ikambe, nampa narampasa' ke'nanga pa'barang-baranganna ikambe.

PAMMUJI 90:1

Pappala' doanna Musa, atanNa Allata'ala. O Batara, iKattemi tampa' pa'la'langanna ikambe sikontu turungang.

PAMMUJI 91:1

Sikamma tau a'la'langa mae ri Kaminang Tinggia, ammantanga lalang ri pa'la'langanNa Kaminang Koasaya,

PANGNGEBARANG 18:10

Anjo Batara sanrapangi menara kassaka; Iami namangei tau lambusuka nanggappa tampa' amang.

YESAYA 4:5

Nampa irateanna Bulu' Sion siagang sikamma tau niaka a'rappung anjoreng, laNapa'niaki Batara rammanga ri wattu allo, siagang umbu na pepe' a'rinra ri wattunna bangngi. KalenNa Allata'ala lalang koasaNa lalla'langi siagang lanjagai sikontu anjo kotaya.

YESAYA 8:14

Lanri sanna'na tangkasakKu, iNakke la'jari batu natatto'roi ra'ya' Yehuda siagang Israel, siagang sikko' angngalleai pandudu'na Yerusalem.

YEREMIA 26:11

Nakanamo sikamma imanga siagang na'bi-na'bia ri sikamma anjo pagawe-pagawe pamarentaya siagang ra'yaka, “Anne taua siratangi nihukkung mate, lanri le'baki appasulu' kana-kana ambaliangi anne kotata. Kau ngaseng kalennu le'ba'mi nulangngere'.”

YEREMIA 26:7

Sikontu anjo apa kupaua ri anjo Balla'Na Batara nalangngereki sikamma imanga, na'bi-na'bia, kammayatompa ra'yaka.

YEREMIA 29:11

Sai iNakke KalengKu angngassengi rancana-rancanaKu mae ri kau ngaseng? Anjo rancana-rancanaya tena nalanaerangko mae ri kapanrakanga, mingka untu' kasalewangannu siagang untu' ansareko panrannuang baji' untu' allo nudallekanga.

YEREMIA 29:7

Anjamako untu' kasalewanganna kota-kota nupammantangngia Kupela'. Appala' doangko mae ri nakke untu' kaparalluanna anjo kota-kotaya, nasaba' punna akkallumanynyangi anjo kotaya, ikau pole akkalumanynyang tongko.

YEREMIA 30:11

LabattuA' siagang laKupasalamakko. Bansa-bansa ri tampa'nu Kupela' Kupasisa'la'-sa'la' laKupanraki ngasengi, mingka ikau tena naKupakammako. Memang tena nulata'lappasa' battu ri hukkungang mingka hukkungangKu adeleki situru' katantuang. INakke, Batara, anne akkana.”

YEREMIA 31:10

Nakana Batara, “Pilangngeri he bansa-bansaya! Pabattu pasangKu mae ri ba'leanna tamparanga: UmmakKu le'baka Kupasisa'la'-sa'la' laKupasse'rei na Kuparakai rapang pakalawaki anjagai gimbala'na.

YEREMIA 42:11

Teako mallakki mae ri anjo karaeng Babel. NiakKa' ri tangnga-tangnganu untu' antulungko siagang allappassangko battu ri kakoasanna.

YEHEZKIEL 20:23

Anjoreng tommA' ri parang kassika assumpa angkanaya laKupasisa'la'-sa'laki ke'nanga mange ri sikontu linoa,

KAIMANGNGANG 26:44

Mingka manna ri nia'na ija ke'nanga ri pa'rasanganna musua, tena nalaKubokoi yareka tena nalaKuancuru' tabasikali ke'nanga. Nasaba' punna Kuancuruki ke'nanga, battuanna Kutappu'mi parjanjiangKu siagang ke'nanga, sa'dangkang iNakke anne Batara, Allata'alana ke'nanga.

ZAKHARIA 2:6

Nakana Batara mae ri umma'Na, “Le'bakko Kupasiara' mae ri kere-keremae. Mingka kamma-kamma anne, ikau sikamma tau nipelaka a'lampako ampilari Babel siagang ammotere' mako mange ri Yerusalem.

PAOLE 4:27

LaNapasisa'la'-sa'lakko Batara ri alla'na bansa-bansa maraenga siagang sike'de' mami ri kau lammantanga attallasa'.