YEHEZKIEL 11:12 - KITTA' MATANGKASA'

¹² Na nuassemmo angkanaya iNakke Batara siagang Kuhukkungko lanri le'ba'na nudakkai paratorang-paratorangKu siagang nubalang parekangi parenta-parentaKu lanri nuturukinna hukkung-hukkung bansa maraenga ri tammulilinu.”

YEHEZKIEL 11:12 ပူးပေါင်းရင်းမြစ်များ

1 KARAENG-KARAENG 11:33

LaKugaukangi anjo kammaya lanri nabokoiMa' Salomo nampa anynyomba ri rewata-rewataya, iamintu: Asytoret, rewata baine battu ri Sidon; Kamos, rewata bansa Moab, siagang Milkom, rewata bansa Amon. Tena naturuki Salomo erokKu. Tena nasangkamma Daud manggena mannurukia ri Nakke siagang anggaukangai parenta-parentaKu.

2 KARAENG-KARAENG 16:3

Sangkamma tongi karaeng-karaeng Israel batena appanggaukang ri tallasa'na, ba'lalo napassareangi ana' bura'ne kalenna a'jari koro'bang mae ri rewataya, situru' kabiasang ja'dala'na sikamma tau nibongkaya ri Batara battu ri butta Kanaan ri wattunna napantamakki tu Israel anjo pa'rasanganga.

2 KARAENG-KARAENG 18:12

Tu'guruki Samaria lanri tena namannuruki tu Israel ri Batara, Allata'alana ke'nanga. Nasassali ke'nanga parjanjiang le'baka Napare' Batara siagang ke'nanga, kammayatompa nadakkai sikontu parenta napabattua atanNa, Musa. Taerokai ke'nanga mappilangngeri siagang taerokai mannuruki.

2 KARAENG-KARAENG 21:2

Dorakai Manasye ri Batara, lanri naturuki kabiasang ja'dala'na bansa-bansa nabongkaya Batara battu ri Kanaan ri wattu napantamakkinna tu Israel anjo pa'rasanganga.

2 KARAENG-KARAENG 21:22

Tena nattallasa' situru' ero'Na Batara, ba'lalo nabokoi Batara, Allata'ala nisombaya ri boe-boena.

2 KARAENG-KARAENG 21:9

Mingka tu Yehuda tena namannuruki ri Batara, na ba'lalo Manasye angngerangi ke'nanga mae ri gau'-gau' dosa la'bi ja'dalaka na dosa nagaukang bansa-bansa nibongkaya ri Batara battu ri Kanaan ri wattunna napantamakki umma' Israel anjo pa'rasanganga.

2 PATTOTTORANG 13:9

Sai le'ba'mi nubongka imang-imanNa Batara, iamintu jari-jarina Harun siagang tu Lewi? Na sambenna iamintu inai-nai sambarang ero' a'jari imang, assala' angngerangi sikayu sapi yareka tuju kayu gimbala'. Nupa'jari imang teai untu' Allata'ala, nasaba' memang kammami anjo batena bansa-bansa maraenga angngangkaki imanna ke'nanga. Mingka ikatte tena nigaukangi kammaya anjo.

2 PATTOTTORANG 28:3

nampa attunu dupa ri Ka'bung Lappara' Hinom. Ba'lalo ana' bura'ne kalenna napassareang a'jari koro'bang mae ri barhalaya, situru' kabiasang ja'dala'na tau le'bakamo Nabongka Batara battu ri pa'rasangang Kanaan ri wattunna napantamakki tu Israel anjo pa'rasanganga.

2 PATTOTTORANG 36:14

Pantaranganna anjo, Balla'Na Batara le'baka Natangkasi Batara untu' KalenNa, nira'massi ri pamimping-pamimpinna tu Yehuda, imang-imanga, siagang ra'yaka, lanri amminawang turu'na todong ke'nanga anynyomba barhala siagang naturuki panggaukanna bansa-bansa dorakaya ri tammulilina ke'nanga.

EZRA 9:7

Battu ri boe-boena ikambe sa'genna kamma-kamma anne, ikambe ummatTa dorakai ri Katte. Lanri kammana anjo, nasikamma karaenna siagang imanna ikambe nibetami ri karaenna bansa-bansa maraenga. Nibunoi ikambe, niellaki, siagang nierangi mange nipela'. Nihina tojeng-tojemmi ikambe, sangkamma kaadaanga anne alloa.

NEHEMIA 9:33

Adeleki tindakanTa, Kihukkungi anne ikambe dorakaya; tuli majarrekKi', manna jai callanna ikambe.

NEHEMIA 9:34

Boena ikambe, karaeng, imang, siagang sikamma tutoa-toaya, nadakkai hukkunTa siagang nabawang-bawangngangi. Sikontu parenta siagang pappakainga' Kipassareanga, tanajampangiai, tena todong napilangngeri.

PAMMUJI 78:10

Nadakkai parjanjianna ke'nanga siagang Allata'ala, taerokai mannuruki ri hukkunNa.

YEREMIA 10:2

Nakana, “Teako turuki kabiasanna bansa-bansa maraenga, siagang teako mallakki anciniki sikamma pammateia irate ri langika, nakamallakkang anjo bansa-bansaya.

YEREMIA 6:16

Nakana Batara ri umma'Na, “Ammentengko ri sikamma panyingkulu'na aganga, siagang parhatikangi baji'-baji'! Pakkuta'nangngangi sikamma agang-agang riolo-rioloa, siagang kereanga kaminang baji' anjo aganga. Pinawammi anjo aganga, sollanna sannang katallassannu.” Mingka angkanai ke'nanga, “Tena, tena naero' ikambe ampinawangi anjo aganga!”

YEHEZKIEL 11:21

Mingka sikamma tau nangaia anynyomba ri barhala-barhala kodia siagang appakaringi'-ringika laKuhukkungi lanri anjo panggaukang ja'dala'na ke'nanga.” Kammami anjo kananNa Batara Kaminang Tinggia.

YEHEZKIEL 18:8

Tale'bakai assare angnginrang nampa nasuro bungai. Taerokai anggaukangi kaja'dallanga siagang punna nia' pa'beserang tuli natangngai siagang adele'.

YEHEZKIEL 18:9

Nagaukangi parentaKu siagang naturuki hukkung-hukkungKu. Tau kammayami anjo nikana tau lambusu' siagang latuli attallasa'. INakke, Batara Kaminang Tinggia anne akkana.

YEHEZKIEL 20:16

Kuancang kammai anjo ke'nanga lanri nabalang parekangi ke'nanga parenta-parentaKu, nadakkai hukkung-hukkungKu siagang nara'massi allo Pammari-marianga. Nangaiangngangi ke'nanga anynyombaya ri barhala-barhalana ke'nanga.

YEHEZKIEL 20:21

Mingka anjo tau rungka-rungkaya tena todong namappilangngeri ri Nakke. Nadakkai ke'nanga hukkung-hukkungKu siagang nabalang parekangi parenta-parentaKu, ampattantuai angkana inai-nai tau anturuki latuli attallasaki. Nara'massi ke'nanga allo Pammari-marianga. Lanri kammana anjo sadiaMa' ero' ampabattui pangngalarroingKu mae ri ke'nanga anjoreng ri parang kassika siagang ambunoi ke'nanga.

YEHEZKIEL 20:24

lanri nabalang parekanna ke'nanga parenta-parentaKu, nadakkai hukkung-hukkungKu, nara'massi allo Pammari-marianga, siagang tuli anynyombana ke'nanga ri rewata-rewata nasombaya boe-boena ke'nanga.

YEHEZKIEL 5:6

Mingka Yerusalem natollaki parentaKu siagang a'nassami angkana ja'dallangngangi nabansa-bansa maraenga, ba'lalo la'bi tenangngang namannuruki nabansa-bansa maraenga ri tammulilina. Nadakkai Yerusalem parenta-parentaKu siagang taerokai tundu' mae ri hukkung-hukkungKu.”

YEHEZKIEL 8:10

Jari antamama' nampa kuciniki. Rinring-rinrinna anjo kamaraka niukiriki siagang sangka' rupa ulara' kammayatompa olo'-olo' harang maraengannaya, siagang sangka' rupa ukirang barhala nasombaya tu Israel.

YEHEZKIEL 8:14

Nampa nieranga' a'lampa mange ri pakke'bu' lompo bageang wara'na Balla'Na Batara siagang Napicinikiamma' sikamma bai'-baine angkarrukiai kamateanna Rewata Tamus.

YEHEZKIEL 8:16

Nieramma' mange ri paranglakkeng bageang lalangnganna Balla'Na Batara. Ri ampi'na pakke'bu' antamaya ri kamara' matangkasaka, ri alla'na tampa' pakkoro'bangnganga siagang loronga, nia' tau ruampulo allima jaina. Nabokoi ke'nanga kamara' matangkasaka, siagang su'juki ke'nanga a'dalle' anrai' anynyomba mae ri mataallo ammumbaya.

DANIEL 9:10

Tena nappilangngeri ikambe mae ri kananTa, o Karaeng Allata'alana ikambe; ri wattunna Kisuro ikambe tallasa' situru' hukkung-hukkung Kipassareanga mae ri kambe tete ri anjo atanTa na'bi-na'bia.

KAIMANGNGANG 18:3

Tea' laloko turuki panggaukanna bansa Mesirka, iamintu pammantangannu le'ba'ka, yareka tau niaka ri Kanaan iamintu tampa' lanumangeia Kupimping kamma-kamma anne.

KAIMANGNGANG 26:40

Mingka lanaakui jari-jarinu dosana ke'nanga siagang dosana boe-boena ke'nanga, ia tamannurukia siagang angngewaya mae ri Nakke,